حبايبى و اخواتى فى بيت العيلة الحمد للة لمتنا فى الدور الاول جابت نتيجة و تشجيعنا و مساندنا لبعض الحمد للة اتت ثمارها و طبعا كلنا عارفين ان احنا اول ما بداءنا مشوارنا كنا مش متخيليين ان احنا ممكن نوصل لاى حاجة و كانت محاولتنا السابقة التى باءت بالفشل ماثرة علينا بس الحمد للة ربنا كبير و احنا تعبنا اوى و ربنا مش بيضيع تعب حد على الفاضى ابدا و لسة المشوار طويل احنا خلصنا الطابق الول من البيت و ان الاوان عشان نطلع الدور التانى برضة هنطلعة واحدة واحدة و هنوصل بعون الله و حتى لو ما وصلناش كفاية لمتنا مع بعض و الصحبة الجميلة المتحابة فى اللة ربنا يجمعنا دايما على الخير يا رب

و دة رابط الموضوع الاول للى يحب يطلع علية و يستعيد ذكرياتنا الجميلة اللى مش هتنقطع تانى باذن الله

وزنك فوق 80 تعالى البيت بيتك( 1 2 3 4 5 ... اخر صفحة)
ام مريم و زياد

http://www.lakii.com/vb/showthread.php?t=270949


و دول افراد العيلة الجميلة اللى اتلموا سوا و ان شاء الله ينضمولهم افراد جدد و العيلة تكبر باذن الله و نبقى عزوة

نهاد

حبيبة امها

nhnh


الملاك العطوف


بسكووتة


و الفقيرة الى ربها ام ريم وزياد


دول افراد العيلة الدائمين و احنا فى بيتنا بنرحب باى فرد عايز ينضم لينا و يبقى فرد مننا
ربنا ما يحرمنا من بعض ابدا و لا يغيب حد فينا ابدا


بنات انا عايزة كل واحدة فيكوا تكتبلنا ملخص سريع جدا عن الوقت اللى مر عليها من اول ما اتجمعنا فى الموضوع الاول لغاية دلوقتى يعنى مثلا

وزنى كان كذا فى تاريخ كذا
و زنى الان كذا فى تاريخ كذا
مشيت على نظام كذا
مشيت على رياضة كذا
و كل واحدة تقول النظام و الرياضة اللى مشيت عليها و ان شاء الله يومياتنا هتكون هنا

بحبكوا فى الله

لولولولولولولولولولولولولولىىىىىىىىىىىىىى
الف مبروك على رجوع ام مريم
يا ساتر يا رب اخيرا رجعتى
مش معقول كدعه ابدابقيتى بتغيبى كتير اوى
عملتى ايه فى المناسبة اللى كنتى مستنياها
وايه اخبار شكلك اكيد بقيتى قمر القمرات
ولولولولولولولولولولولوى تانى على الوزن التحفى فى الوقت التحفة والتغير الاتحف اللى وصلتيله
انا فرحانة اوى اوى اوى برجوعك وبنتائجك المشرفة جدا دى
انتى وحشتينى اوى اوى اوى فوق ما تتخيلى والحمد لله احنا كملنا الموضوع وكان عندنا امل انك هتيجة تانى وكنا مستنيينك
انا بئا دلوقتى فى ايام المذاكرة الوحشة اوى وانا مش حسا بامان خايفة من الامتحانات اوى لاول مرة يمكن عشان مش مستعدة كويس للموضوع
وبالنسبة للريجيم فانا وحشة ومش كويسة انا وحشى وحشة و88 يعنى اعتبر ثابتة عشان انا كنت امشى على الريجيم وفجأة اكل سندويتش فجأة اكل معلقتين رز حاجات كده
يمكن عشان كانت ال period متأخرة اوى اوى ومجوعانى بس الحمد لله اهى جت النهارده الف مبروك وانا اصلا من امبارح ملتزمة فى ريجيم ابو الغيط عشان انا فى انتحانات ومش من المنطقى انى اعمل ريجيم قاسى والا هبوظه خالص(بهددكوا)

انا مخنوقة اوى انى مش بخس ومش حسا بنتائج بس انا عارفة انى قوية وهقوم وهكمل وكلنا مع بعض هنكمل ونعما باب اللى فى الستينات
بس ادعولى
وانتى يا ام مريم ادعيلى واحكيلى انتى عملتى ريجيم ايه الفتلرة اللى فاتت
نهنوهة انتى وحشتينى اوى اوى ومكبروك على وزنك الف مليون مبروك كمان
وحبيبة امها بصى انا اعرف ان الوزن كل اسبوع فةى النزول مش بيكون ثابت فا انتى كملى وان شاء الله هتحسى بالفرق الفظيع فى حياتك
الملاك زبسكوتة انتوا لسا عاملين تخفيف؟؟

انا كضايقة عشان الامتحانات والوزن وال بيريود تلات حاجات فووووق نافوخى

البيت الجديد
وان شاء الله تصلوا لما تريدوا بصحه وعافيه

السلام عليكم ... انا اختكم ام عبد الرحمن من اسكندريه ..... بحيكم ونفسى انضم لكم .... حاولت انزل وزنى وفعلا كان عندى اراده ونزل ل 74 كيلو ولكن ......!!!!!!!! ضاعت الارادة وتهاوت مع اكل امى الجميل لانى ساكنه معها فى نفس العماره...وطبعا السن متهيألى ان كل ما السن يتقدم كل مايكون فى صعوبه لتنزيل الوزن....... هتقولوا ساعة ماوزنك نزل كنتى برضه ساكنه معها ؟؟؟؟؟ ايوة بس كنت متابعه مع دكتور تغذية وبخاف بقى لو منزلتش قبل ميعاد الكشف .....

بس عايزه أقوللكم حاجه مهمه !!!! فعلا لما بتبدأى الحمية او الرجيم أول طلعة هى اللى صعبه بعد كده تحسى بذنب لو لخبطتى فى الاكل وكمان لازم يكون فيه يوم تضحكى فيه على جسمك علشان تلخبطيه ...... بمعنى يوم واحد فى الاسبوع مفتوح !!!!!!! ( بس خلييه نص فتحه يعنى منفتحش أوى فى الأكل ) ؟؟؟؟

بعد كل ده وزنى 95 كيلو وطولى 168 سم

كتبت بواسطة الى الجنه

السلام عليكم ... انا اختكم ام عبد الرحمن من اسكندريه ..... بحيكم ونفسى انضم لكم .... حاولت انزل وزنى وفعلا كان عندى اراده ونزل ل 74 كيلو ولكن ......!!!!!!!! ضاعت الارادة وتهاوت مع اكل امى الجميل لانى ساكنه معها فى نفس العماره...وطبعا السن متهيألى ان كل ما السن يتقدم كل مايكون فى صعوبه لتنزيل الوزن....... هتقولوا ساعة ماوزنك نزل كنتى برضه ساكنه معها ؟؟؟؟؟ ايوة بس كنت متابعه مع دكتور تغذية وبخاف بقى لو منزلتش قبل ميعاد الكشف .....

بس عايزه أقوللكم حاجه مهمه !!!! فعلا لما بتبدأى الحمية او الرجيم أول طلعة هى اللى صعبه بعد كده تحسى بذنب لو لخبطتى فى الاكل وكمان لازم يكون فيه يوم تضحكى فيه على جسمك علشان تلخبطيه ...... بمعنى يوم واحد فى الاسبوع مفتوح !!!!!!! ( بس خلييه نص فتحه يعنى منفتحش أوى فى الأكل ) ؟؟؟؟

بعد كل ده وزنى 95 كيلو وطولى 168 سم

اهلا بيكى يا ام عبد الرحمن
انتى منورانا والله انا نهاد صاحبتك الجديدة ووزنى 88 وكان 100
يالا اسيبك بئا مع باقى اصحابك الجداد

السلام عليكم

مبرووك البيت الجديد

حابه اشترك معاكم حتى اتشجع واستمر بالرجيم
انا طولي 160

ووزني كان 105
والان مع الرجيم 98
ويارب استمر حتى اوصل على الاقل ل70

السلام عليكم
في البداية مبروك ليكي يا ام مريم ولنا نحن صديقاتك فتح موضوع الطابق الثاني ويارب يكون وجهه خير علينا
ارحب بالمشتركات الجدد نورتونا
نهاد يارب تنجحي وتوكلي على الله ولا تخافي اما بالنسبة للريجيم انا لسا عاملة تخفيف لكن من يوم غد راح اعمل ريجيم ينزل خمسة كيلو في اسبوع وكل اسبوع راح اعمل ريجيم شكل حتى لا امل
حبيبة امها ونهنوهة وبسكووتة كيفكم
حبيبة امها الغالية يارب يرزقك انت وابو رقية بالذرية الصالحة وتفرحي وتفرحينا معاك

الف الف الف مبروك علينا البيت الجديد والدور التانى فى البيت
ازيكم يا احلى بنات اخبار الرشاقه ايه
ام مريم ازيك يا ست الكل عامله ايه وازى مريم وزياد ربنا يخليهوملك يارب وتفرحى بيهم
اخبار الرجيم ايه والف مبروك عليكى مره تانيه اللى نزلتيه من وزنك
ملوكه ازيك وازى يوسف
حبيبه امها اخبارك ايه يا قمر عامله ايه وازى رقيه ايوه ياستى بناتى فاطمه وصفا
وربنا يرزقك بالزريه الصالحه ان شاء الله مع رقيه
مش مشكله انك نزلتى كيلو ونصف المهم انك نزلتى يمكن علشان وقفتى الرياضه انا برضه اليومين دول مش عارفه امشى لان جوزى بيسافر اليومين دول كتير وعنده شغل دايما فا مفيش وقت دا غير انى بطلت اعمل رياضه فى البيت حسيت انى مليت ربنا يسهل وارجع تانى
نهوده وحشتينى يا قمر عامله ايه مش مشكله انك لخبطتى المهم ركزى اليومين دول فى المذاكره وامشى على رجيم الدكتور ابو الغيط
وحاولى انك لو جعتى كلى فاكهه واحسن حاجه البرتقال او التفاح
او ممكن تخلى جانبك طبق صغير فيه شويه خيار مقطع مع شويه خس وفلفلايه حلوه صغيره احسن من العصير والسندوتشات دا غير انه مفيد وما فيهوش كالورى كتير وربنا معاكى
بسكوته اخبارك ايه انت فين
بالنسبه بقى لاسئله الغاليه ام مريم انا اول واحده هاترد
انا وزنى كان حوالى 82 ونصف فى 19\4\2007
ووزنى دلوقتى حوالى 70 كيلو فى تاريخ 26\5\2007
وبصراحه انا مشيت شويه على رجيم السحاب وشويه يدوب على التخفيف وحاليا انا ماشيه على نظام مريحنى جدا جدا
هو انى بقالى حوالى اسبوع صايمه والافطار عباره عن اكل صحى يااما مشوى او مسلوق مع حوالى 4معالق ارز وطبق سلطه
وبشرب شاى اخضر
والسحور كوب شاى اخضر ومعاه قطعه شابوره خاصه بالرجيم وملعقه صغيره لبنه
وبس والحمد لله على كده مستريحه جدا
ولو جعت باكل يا اما تفاحه او قطعه شمام
وربنا يسهل وافضل ماشيه على كده
وانا كنت بعمل تمارين فى البيت وبنط الحبل بس بصراحه بقالى فتره موقفاه مش عارفه ليه يمكن ملل
وبامشى فى الاسبوع حوالى 5 ايام لمده ساعه
بس برده بقالى كام يوم مش فاضيه انى امشى
وبطلت ركوب الاسانسير وباستخدم السلم
والحمد لله لغايه دلوقتى خسيت حوالى 13 كيلو ربنا يقوينى واقدر اكمل
وبالنسبه لاخواتى الجداد اهلا بيكم معانا وان شاء الله بالتشجيع نقدر نوصل للوزن المناسب مع اراده قويه طبعا ورياضه
وربنا معانا

نهاد
21 سنة
كنت 100 فى اول شهر2
و88 فى 26 مايو
وطولى 167
واستفدت كتييير اوى اهم حاجة انى لقين ناس مشاركانى مشاكلى ودمهم خفيف اوى اوى اوى وطيبين ومش حقودين
وكمان بلاقى حد اتكلم معاه فى مواضيع الريجيم وميزهقش منى زى باقى الناس
وتشجيع
ودفعة

ولسا هكمل وهكون ارفع واحدة فى الدنيا
بس بالالتزام
بالحب
بالصبر
باليقين
بالطموح
بالدعاء

ايه يا بنات انتوا فين
نسيت امبارح اقول انى بشرب شاى اخضر وبرش خل تفاح على جسمى عشان يساعد فى الترهلات
وكمان كذا مرة شربت القرفة بالجنزبيل
واول ما اخلص امتحانات هروح الجيم تانى واظبط بئا نفسى
انا بحب الجيم اوى عشان الجو هناك حلو و مشجع

ياه النظام النهارده عنكوا
النهارده تالت يوم عندى وماشى حلو الحمد لله
ها مستنياكم
انا نازلة رايحا كورس الانجليش دلوقتى
اشوفكم لما اجى باذن الله