اخواتي المشرفات والعضوات السلام عليكم ورحمه الله وبركاته
انا الحمد لله والده منذ ثمانيه اشهر تقريبا وطبعا عندي زيادة بالوزن ودخلت بعد الولاده بشهرين تقريبا وبدءت رجيم مرتين ووقفت علشان اللبن قل عندي كتير
ودلوقتي عايزة ابدأ الرجيم او فعلا بدءت

عايزة اعرف رجيم يناسب الرضاعه وبنتي عمرها 8 اشهر والحمد لله ادخلت لها الاطعمه في اكلها

وعايزه اعرف اللي انا ماشيه عليه صح ولا غلط

انا ببدأ اليوم بشرب 3 اكواب ماء دافئ علشان الامساك
وابتديت افطر الصبح وانا بنزل ولادي للمدرسه
ربع رغيف بر مع جبنه بيضه او رمي جرجير او خيار او فلفل لو متوفر
ممكن بيضه مسلوقه
كوب كبير لبن قليل الدسم بدون سكر

قبل الغداء كوب شاي بلبن معلقه سكر
اول يوم اخدت 3 تمرات وبعدين وقفت

الغداء
بيكون اي خضار وانا غالبا بعمل الخضار باقل دهون ممكنه
مع طبق رز متوسط مع ربع فرخه مسلوقه بدون جلد

ممكن اخد ربع فرخه مسلوقه بدون جلد بليل
كوب نسكافيه بلبن معلقه سكر قبل النوم

طبعا شرب ماء كلما تذكرت
لو متوفر عندي الشمر واليانسون والكراويه بعمل براد واشربه طوال النهار
وبشرب كوب كبير تقريبا حلبه باللبن بدون سكر

الفاكهه غالبا تفاح او موز
باخد قبل الغداء تفاحه وموزه

ممكن بليل لو شعرت بالجوع اخد تفاح او موزه والموز بيكون كبير للامانه
ده في اليوم اللي مش باخد فيه ربع فرخه بليل

طبعا ان بكتر شويه في الرز لاني اعرف اه في الرجيم افضل من الخبر واقلل بقدر الامكان في الخبز لو اكلت
بيكون ربع او نصف رغيف بر بالفطار فقط

ياتري ايه من اللي بعمله صح وايه غلط وايه الرجيم المتاح في حدود الامكانيات السابقه

وهل للاكل اللي ذكرته فوق بيكون له ترتيب معين في اليوم

معلش اسئلتي كتير والله بس نفسي اخس وانا بعمل الرجيم من غير ما زوجي يعرف لانه خايف على الرضاعه بتاعه البنت وانا خايفه برضه بس خايفه اكتر من زياده الوزن اللي مأثره على رجلي ودايما ركبي وجعاني وربنا يستر


وزن تقريبا 90 كيلو
الطول 163
لا اعرف محيط الخصر لاني معنديش مازوره للقياس
بس اكتر شئ فيه دهون عندي الخصر بطن والهنش
وانا والده قيصري وبطني بايظه خالص لابعد درجه ومش بقدر اواصل في التمارين بصراحه

هلا ام عمار نورتى الركن
من هنا سابدأ:

وزن تقريبا 90 كيلو
الطول 163
لا اعرف محيط الخصر لاني معنديش مازوره للقياس
بس اكتر شئ فيه دهون عندي الخصر بطن والهنش
وانا والده قيصري وبطني بايظه خالص لابعد درجه ومش بقدر اواصل في التمارين بصراحه

ام عمار واضح زيادة بالوزن وخاصة بالخصر
وهى اخطر انواع الدهون تؤثر على الكبد والكليتين والطحال
وكذلك العمود الفقرى ربنا يعافيكى ويقويكى يا رب

انا ببدأ اليوم بشرب 3 اكواب ماء دافئ علشان الامساك
وابتديت افطر الصبح وانا بنزل ولادي للمدرسه
ربع رغيف بر مع جبنه بيضه او رمي جرجير او خيار او فلفل لو متوفر
ممكن بيضه مسلوقه
كوب كبير لبن قليل الدسم بدون سكر

من وجهة نظرى المتواضعة
ان فطورك مناسب بس احذرى من الجبنة
الجبنة البيضاء ممكن تكون مملوءة بالملح فتخزن الماء بالجسم
والصفراء تكون كاملة الدسم
اختارى نوع مناسب

قبل الغداء كوب شاي بلبن معلقه سكر
اول يوم اخدت 3 تمرات وبعدين وقفت


ارى ان النعناع او الزنجبيل افضل
او كليهما معا افضل لطرد الغازات
والمساعدة بعملية الحرق
اما التمر فمؤشره السكرى عالى
يحبذ تجنبو بالبداية

الغداء
بيكون اي خضار وانا غالبا بعمل الخضار باقل دهون ممكنه
مع طبق رز متوسط مع ربع فرخه مسلوقه بدون جلد

حبيبتى طبق السلطة مهم وضرورى ولازم
حاولى تخففى من الارز قدر المستطاع
بالتدريج ويوم عن يوم


ممكن اخد ربع فرخه مسلوقه بدون جلد بليل

احبذ ان يكون العشاء مماثل للفطور وليس الغداء
ويكون قبل النوم ب 4 ساعات على الاقل

كوب نسكافيه بلبن معلقه سكر قبل النوم

اذا لم تكونى بحاجة له فلا تشربيه
اجعليه اثناء النهار بوقت الجوع مثلا

طبعا شرب ماء كلما تذكرت
لو متوفر عندي الشمر واليانسون والكراويه بعمل براد واشربه طوال النهار
وبشرب كوب كبير تقريبا حلبه باللبن بدون سكر

حبيبتى الحلبة توصف للتسمين واللبن هل هو قليل الدسم ام كامل الدسم
لا تخافى على حليبك
بنتك ما شاء الله كبرت
وغذاؤك يوفر لها حليب مناسب مع طعامها الاخر


الفاكهه غالبا تفاح او موز
باخد قبل الغداء تفاحه وموزه

الفاكهة عند الجوع مثل تفاحة برتقالة
لا تكثرى من الموز كثيرا ولا تقطعيه

طبعا ان بكتر شويه في الرز لاني اعرف اه في الرجيم افضل من الخبر واقلل بقدر الامكان في الخبز لو اكلت
بيكون ربع او نصف رغيف بر بالفطار فقط

حبيبتى الخبز او الارز وحتى الكرفس
تحول لسعرات ان زادت عن احتياجك تتحول لدهون
فحاولى تكثرى الخضرا والفاكهة على الارز والخبز

ومش بقدر اواصل في التمارين بصراحه

ابدئى بالتدريج مشى 5 دقائق ثم 10 وهكذا
مع شفط البطن
والتمارين الخاصة بالبطن 10 دقائق يوميا
اجعليه ضمن واجباتك المنزلية
وخصصصى وقت معين له
وستتعودين باذن الله

اتمنى اكون قد افدتك

اختي الغاليه ام يزونه جزاك الله خيرا على ردودك وان شاءالله اعمل بالنصائح
بس كده حيقل اللبن معايا انا كنت ماشيه اكتر من كده شويه واللبن قل ووقفت بس ده قبل ما ادخل اكل لبنتي
يعني لا تمر ولا حلاوة ولا عسل وانا اعرف ان اي حاجه منهم في اليوم علشان لرضاعه
مش عايزة احس بالذنب تجاه بنتي لو اللبن قل تاني لانها ضعيفه جدا ووزنها اقل من الطبيعي فعايزة ازود اللبن مش يقل مع الاكل القليل اللي بتاكله

وحتي مووضع التمر او الحلاوه مش عارفه مين من الاخوات مش فاكره صراحه هي نصحتني بيه مع اول رجيم علشان الرضاعه
ايه رايك ربنا ييسر هو بالنسبه لي مش باكله بحب يعني والله بس باكله علشان بس اللبن
وربنا ييسر واشد علي نفسي كمان عما انا بعمله ويارب اخس كمان و كمان

نسيت اقول طيب افطر ايه غير الجبن مش معقول اخد كل يوم بيضه لان الجبن فعلا انا بحب الجبنه المالحه

كمان الحلبه ازاي بتخن وهي بدون سكر وحلبه حبوب مش مطحونه ومحمره بالسن ده انا اعرف انها مهمة جدا للرضاعه وايضا انا مش بحبها والله وعمري نفسي ما تروح لها بغصب نفسي عليها علشان الرضاعه برضه ياريت تفيدني هي ده الحلبه اللي بتخن الحبوب ولا المقصود الحلبه االمطحونه وبنقول عليها في مصر حلبه محوجه

بالنسبه للحليب منزوع الدسم اللي هو بشيل القشطه في البيت منه مش بشتريه منزوع الدسم

كتبت بواسطة ommammar74

اختي الغاليه ام يزونه جزاك الله خيرا على ردودك وان شاءالله اعمل بالنصائح
بس كده حيقل اللبن معايا انا كنت ماشيه اكتر من كده شويه واللبن قل ووقفت بس ده قبل ما ادخل اكل لبنتي
يعني لا تمر ولا حلاوة ولا عسل وانا اعرف ان اي حاجه منهم في اليوم علشان لرضاعه
مش عايزة احس بالذنب تجاه بنتي لو اللبن قل تاني لانها ضعيفه جدا ووزنها اقل من الطبيعي فعايزة ازود اللبن مش يقل مع الاكل القليل اللي بتاكله

وحتي مووضع التمر او الحلاوه مش عارفه مين من الاخوات مش فاكره صراحه هي نصحتني بيه مع اول رجيم علشان الرضاعه
ايه رايك ربنا ييسر هو بالنسبه لي مش باكله بحب يعني والله بس باكله علشان بس اللبن
وربنا ييسر واشد علي نفسي كمان عما انا بعمله ويارب اخس كمان و كمان

اختى الغالية
ابنتك ما شاء الله كبيرة
وضرورى تاكل
وحليبك مكمل لطعامها فقط
ولن ينقص حليبك ابدا
بالعكس حليب الام بعد عمر الست شهور لا يحقق لها فائدة كبيرة من ناحية الحديد
ولا تعلقى غاليتى على الرضاعة سبب عدم الالتزام
اكثرى من شرب الماااااااااء فهو يحفز الغدد اللبنية
اكثرى من اللبن قليل الدسم (3 كاسات باليوم مثلا)
اشربى عصير فواكه او عصير خضروات
اما الحلاوة بلاشك تزيد الوزن فابتعدى عنها
التمر كلى منه ولا تكثرى لان مؤشره السكرى عالى
وربنا يحققلك حلمك

كتبت بواسطة ommammar74

نسيت اقول طيب افطر ايه غير الجبن مش معقول اخد كل يوم بيضه لان الجبن فعلا انا بحب الجبنه المالحه

كمان الحلبه ازاي بتخن وهي بدون سكر وحلبه حبوب مش مطحونه ومحمره بالسن ده انا اعرف انها مهمة جدا للرضاعه وايضا انا مش بحبها والله وعمري نفسي ما تروح لها بغصب نفسي عليها علشان الرضاعه برضه ياريت تفيدني هي ده الحلبه اللي بتخن الحبوب ولا المقصود الحلبه االمطحونه وبنقول عليها في مصر حلبه محوجه

بالنسبه للحليب منزوع الدسم اللي هو بشيل القشطه في البيت منه مش بشتريه منزوع الدسم

حبيبتى هناك انواع للجبن
مثل الجبنة القريش مثلا
حتى الجبنة البيضاء ممكن تخففى ملحها
بشطفها عدة مرااااااات

استبدلى الحلبة بالشومر
فهو يزيد الحليب
ويساعد بالتخسيس
ولكنه يسبب جفاااااااااااااف
فعوضى بالماء
ربنا يوفقك

ربنا يكرمك يا ام يزونه اسرع رد اخده في المنتدي الظاهر انك قاعده دلوقتي زي حالاتي

ان شاء الله حطبق كلامك ويارب يكون بفايده اللهم امين بارك الله فيك وجعل ما تقومين به في موازين حسناتك