عاشقة الرحيق ...

ريجيمك حلو ...

بس حاولي تمتنعي عن الموز و تستبدليه بأي فاكهة أخرة مثل الكيوي ، او الأناناس أو تاكلي الموزة بدون أي فاكهة اخرى لأنها تحتوي على الكثير من السعرات الحرارية ....


سارة

عاشقة الرحيق ... شو هو الخبز الصامولي ؟؟؟؟؟


سارة

(غلا نجد / رومنسية شقيه ) حياج الله ويانا ... و منورتنا و الله

أبى اعرف متى بتبدئين انشالله ...


و أول خطوة تسيرين الجمعية و تيبين الأغراض هاي إذا تقدرين :

حليب خالي الدسم
جبنة + لبنة خالية الدسم
زبادي خالي الدسم
محلي اصطناعي إسمه ( سويتن لو ) أو أي محلي اصطناعي آخر قليل السعرات الحرارية
شابور للريجيم
سلاس أسمر
تونة بالماء
( تفاح + خس + خيار + طماطم )
خل التفاح ( تأكدي يكون طبيعي )

و تأكدي إذا شفتي هالأشياء كلها متوفرة عندج فالثلاجة بتتشجعين للبداية

أبى اعرف متى بتبدئين ؟؟؟

على العموم :

بالنسبةلأول 3 أيام بتحسين بتعب شوية لكن صدقيني من رابع يوم بتتعودين و بتحسين نفسج خفيفة.

بالنسبة لليوم الأول ابدئيه كالتالي:

على الريق : كوب ماء دافئ مضاف إليه ملعقة خل تفاخ .

بعده بساعة الفطور: سلايسز أسمر + بيضة مسلوقة جيدا + حبة طماطم + حبة خيار

قبل الغداء بنص ساعة تشربين كوب الماء مضاف إبه ملعقة خل التفاح

الغداء و يكون بعد 5 ساعات من الفطور: علبة تونة بالماء + سلطة ( بدون زيت و لا تكثري من الملح لأنه يحتبي الماء فالجسم)

قبل العشاء بنص ساعة كوب ماء مضاف إليه ملعقة خل التفاح

العشاء كوب حليب خالي الدسم و إذا ما حصلتي قليل الدسم و ممكن تحطيله شاي و طبعا تحلينه بالمحلي الاصطناعي (سويتن لو) لأنه يحتوي على 0.03 سعرة حرارية يعني أبدا ما يسمن + قطعة واحدة شابورة.

إذا حسيتي بالجوع بين الوجبات كلي ( حبة تفاح أو خيارة ) طبعا بعد مضي ساعتين على الأقبل من تناولك للوجبة.

هذا بالنسبة لليوم الأول بس تتعودين بتخف الكمية أكثر و أكثر ...

و لا تنسون الرياضة هي اللي تغير قياسات الجسم ...


بالتوفيق


سارة

بنوتات ...


بالنسبة لي


اليوم الصبح ( 8:00) كالعادة خل التفاح بالماء

الفطور ( 11:30) سلايز أسمر باللبنة + شريحتين طماطم + ورقة خس / كوب شاي احمر محلى بسويتن لو .

للحين بدون غدا او شي ...


الحين الساعة ( 8:20 ) ليلا ... مممممممممممممممم شكلي بشرب خل التفاح و ما باكل شي .

مع إني جووعانة ..

و خاطري فبرياني لحم و ورق عنب و كنتاكي و شبس و كتكات و دونات


بس صامدون صامدون


سارة

بالنسبة للغد ... بطلع الصبح أمشي مشي سريع لمدة ساعة

بشرب خل التفاح

سلاسيز أسمر باللبنة + طماطم و خيار + شاي

الغداء : تونة بالمي


العشاء : -------- / لا شي / --------------


و المغرب بطلع أمشي مرة ثانية


الله المستعان


سارة

هلا حبايب قلبي
انا ابي رجيم حلو وخفبف بس يضعف بسرعه
لاني بصراحه قرفت من جسمي ..

بس انا وزني 100
وطولي 173
وعمري 21
بس انا اكون في الجامعه واكلهم دسم يعني مااقدر اكل
من عندهم الا سلطة بس
ياريت بسرعه تعطوني ..

هلا الورد المحمدي ... بصراحة نورتينا .......

ورد صدقيني ... اهم شي الإرادة ... و الريجيم اللي انا مشيت عليه كان ينزلني 4 كيلو فالأسبوع

صحيح بأول ثلاث أيام بتحسين بشوية تعب ... بس صدقيني من رابع يوم بتحسين بالفرق...

أهم شي فريجيمنا ( ما تجوعين ) ... لأنه الجوع سبب من أسباب السمنة ...

جسم الإنسان ذكي جدا و إذا حس بالجوع لمدة طويلة سيدرك إنه بعد الجوع وجبة صغيرة ما راح تكفيه فيقوم بدل حرق الدهون بإعادة تخزينها ...


ما راح اطول عليج

بس مثل ما سبق و ذكرت لازم تخلين حقج فالثلاجة رف كامل تحطين فيه :

لبنة + جبنة قليلة الدسم

حليب خالي الدسم

خل التفاح الطبيعي

محلي اصطناعي ( يباع فالجمعيات )

زبادي خالي الدسم ( اكواب صغيرة )

سلايسز أسمر بالنخالة

( تفاح + خيار + خس + ليمون + كرفس + ... ) ما عدا البطيخ و الموز و المنجا

تونة بالماي

هذي الأشياء تقريبا لازم تكون متوفرة عندج ... عشان لو حسيتي بالجوع تلجئن لها ,, و بالتالي تعطيج سعرات قليلة و تملي المعدة

و طبعا بالإضافة لشابورة الريجيم.

و إذا استمريتي معانا ... بأكدلج إنج بتنزلين فالأسبوع 3 أو 4 كيلو انتي و همتج

و انا و انتي وضعنا نفس الشي أكل الجامعة كله دسم ( اللهم السلطة ماشي حالها )

اليوم الأول :

على الريق ؛ كوب ماء دافئ مضاف إليه ملعقة خل التفاح ( و تشربينها ) طبعا طعمها بس لو شربتي وراها على طول ماي بيروح الطعم

بعده بنص ساعة الفطور : كوب حليب خالي الدسم بالشاي ومحلى بالمحلي الاصطناعي و اسمه (سويتن لو) + شابورة .

الغداء: تونة بالماي + سلطة ( و إذا انتي فالجامعة خذي سلايسز أسمر بالنخالة فيه جبنة أو لبنه و تقدرين تحطين وياها شرائح طماطم و خس و تشربين معاها شاي محلى بالمحلي الاصطناعي .

العشاء: زبادي خالي الدسم ( و يكون قبل الساعة 7 مساءا )

إذا حسيتي بجوع بين الوجبات كلي خيار .. بس طبعا بعد مضس ساعتين من الوجبة الرئيسية .

طبعا إذا قدرتي تشربين قبل كل وجبة بنص ساعة كوب ماء دافئ مضاف إليه ملعقة خل التفاح بيكون أحسن ...

طبعا هذا بالنسبة لليوم الأول ... و كل يوم بتلاقين شي مختلف ... و تقدرين تاخذين كل أسبوعين وجبة فري ( يعني دسمة على كيف كيفج ) بس أنا مسوية تحدي مع نفسي إني آخذ الوجبة الفري بعد 10 كيلو.

و عليج بالرياضة ( المشي أو نط الحبل أو أي رياضة فبالج )

وإذا حبيتي تشاركينا خبريني


و موفقة انشالله


سارة

غريبة !!! وين البنات اليوم ؟؟؟؟

مسااء الغلا ياابنات

كيفكم... انشااء الله تمااام

بصرااحه ساارونا شجعتيني وبعد البنات معنا تشجعت اكثر

وانا لي فتره طويله اسوي ريجيم بس قبل اسبوعين اهملت شوي

فقلت مالي الا بنات المنتدى يساعدووني واتشجع معاهم

والاكل اللي قليه علي تقريبا قريب من اكلي الدايم

وانشااء الله اكمل على اللي قلتيه ............... بس لازم نصبر عشان نلاقي نتيجه حلوووه وراضين نها

اما اليوم الصباح:

الساعه 9 :خل تفاح مع ماء

الساعه12.5 شريحة توست مع لبنه قليلة دسم ووطماطم

بس حبيت افيدكم ان التونه اذا سويتها نزلي الزيت اللي فيه وحطي شوي من قطرات الليمون وخل

وبيكون احسن صدقووني

ويالله يارب انشااء الله ادخل بالليل واقولكم عن برنامجي

ساره\ عاشقة الرحيق\ عبير العزة \ رومنسيه شقيه \ الورد المحمدي \

لازم نشد حيلنــــــــــــــــــــا ونصبر .....

والله ويااانا انشااء الله

دمتم بود وبكل الحب

غلا نجد ...

بصراحة شجعتيني أكثر و الله ... و انشالله بعد اسبوع نباج تدخلين و تقولين كم نزلتي ...

بالنسبة للتونة حبيبتي .. انا ما أجيبها بزيت ... أنا التونة اللي أشتريها مكتوب عليها من برا ( تونة ماء و ملح )

يعني ما فيها زيت و أحطلها لمون ...

على العموم ... شدي حيلج ... و انشالله بنوصل للي نباه ...

بس تذكري لا تجوعين نفسج ... لأنه هالشي يمكن يضر بالريجيم ..




سارة