أنا عضوة جديدة
وابدأ بالسلام عليكم
كان وزني في اول يوم بالجامعة 103 وبعد 3 اشهر من الالتزام برجيم دكتور نيوترشن البروتيني صار 76 والفضل لله وكنت للأسف آخذ الحبوب اللي لين الحين ما اعرف مضارها من فوائدها
وقفت الرجيم بسبب كلام الناس اللي يخوف
اللي ينقص بسرعة يزيد بسرعة
والحبوب ومضارها
ووجهي الي تعب وكان احلى عليه المتن
وانا الغبية وقفت
المهم
بعد سنتين من الاهمال صار وزني 83 ومعناها انه زاد 7 كيلو بس وكنت اقدر اتحكم فيه
لو ما خفت من كلامهم
المهم
اللي بعدو
اتزوجت
وعلطول حملت والحمد لله وانجبت طفل جميل والحين ابني عمره شهرين واسبوعين
بس وزني اتأثر بطريقة لا يمكنكم تخيلها واصبح 113 اثناء الحمل
طبعا 30 كيلو زيادة غير طبيعية وكنت اشتكي عند كل الدكاترة اللي اراجع عندهم والكل يقولي بكل سلبية مدام الضغط سليم والسكر سليم ما نقدر نقولج سوي رجيم
واهلي طبعا كانو يقولولي هذا احتباس سوائل وبيروح ويطمنوني على الفاضي وانا كل ما اشوف الثياب اللي كنت مشترتنهم للعرس واللي ما لبستهم انحبط وابكي واحمد ربي على كل حال
المهم يوم ولدت ما نقص وزني ولا كيلو!!!!
ولا كيلو!!!!
ولا حتى وزن البيبي!!!
فعلا كان غريب الامر
ونقصت بعدها 10 كيلو والحمد لله
ورجعنا لاول يوم في الجامعة
103 من جديد
لكن مع طفل وزوج وشهادة
يعني مسؤوليات اكبر
وحرية اقل
ما اقدر الحين اروح النادي
ولا اخذ حبوب عشان الرضاعة
ولا اسوي رجيم عشان الرضاعة
بس انا قررت اتنازل شوية واسوي رجيم على قد ما اقدر
حتى لو كان بيأثر على رضاعة ابني
خصوصا وانه تعود على الرضاعة الصناعية وما صار يشرب مني كثير لاني كنت في اخر سنة في الجامعة
بس في نفس الوقت ما اقدر اخذ حبوب لانه يمكن يشرب مني ولو مرة في اليوم وما ابا اأثر عليه بالحبوب
المهم
منتداكم كان في اول نتايج البحث يوم بحثت عن رجيم
وعجبني تشجيعكم لبعض واصراركم ونجاح بعضكم
بس يا الله راسي عورني من كثر الرجيمات اللي انتو واضعينها والمواضيع اللي انتو ناقلينها او كاتبينها
واللي الله يجزيكم الخير عنها
ولكني
لا اعرف اياهم افيد واحسن نتيجة
على العموم
مثل ما عرفتو
وزني 103
وطولي 154
و وجه جميل لكن اصبحنا في وقت يعترف بالعود فقط
وليس الجمال الروحي او حتى جمال الملامح
والحمد لله على كل حال
بتساعدوني؟؟
بتنصحوني وبتقولولي اي الرجيمات احسن؟ وشو ممكن اسوي؟
وبسرعة الله يخليكم
انا مقررة أبدا يوم السبت ان شاء الله تاريخ 28 يونيو
ويوم الاحد بيوافق عيد ميلادي
والاثنين عيد زواجي
والله اعلم كيف بسوي فيهم رجيم بس ان شاء الله بعزم وما براجع ها المرة
ها شو قررتوا
؟؟؟
بتساعدوني وتقولولي اي رجيم ابدا عشان اروح اشتري الاغراض وابدا؟؟
وبتشجعوني لو بديت؟؟؟
اعتبروني حالة تجريبية
وياريت افيدكم بتجربتي مثل ما بتفيدوني
واشكركم
وابغي اتعرف عليكم كلكم
الروابط المفضلة