اعلان

العضوية مفتوحة من اليوم السبت 23 يناير الى الجمعة 29 يناير

ولن يسمح لأى عضوة جديدة بعد ذلك بالأشتراك

والعضوات القديمات

لو مدخلوش كتبوا يومياتهم خلال هذا الأسبوع والتزموا بيومياتهم او ادخلوا ميزانهم مع الأسف

مش حقدر برضه اضمهم للتنافس على لقب رشيقة الشهر

بس طبعا يقدروا يدخلوا ضمن التنافس على لقب رشيقة الأسبوع وباقى الألقاب

اشكركم

كتبت بواسطة amal_helmi

الف مبروك عليكم و علينا الجزء الخامس و العشرين للموضوع و عقبال الجزء 100 بس انشاء الله نكون احنا كلنا وصلنا للوزن المثالي و كمان بنساعد ناس تانية ان هما يخسوا ... يعني نكون قدوه ليهم انشاء الله

الموضوع كان مغلق امبارح و انا كنت عايزة اسجل يومياتي علشان انا ملتزمة جدا جدا جدا طبعا بهزر بس لو مادخلتش و الله غصب عني.

صباح الخير عليكم جميعا و صباح الخير يا دينا و شكرا جدا علي مجهودك الرائع اللي بتبذلية في الردود و متابعة الموضوع الله يجازيك كل خير ...و يا رب كل واحدة تكون و صلت للهدف بتاعها الأسبوع ده.

الوزن امبارح كان 87 و طبعا بقيت اليوم كان فري علي الآخر شيكولاتة و بيج تاستي و كل حاجة بس النهاردة دايت تاني

يومياتي اليوم
الفطار
1 توست +2 ملعقة صغير لبنة قليل الدسم
الغداء
سلطة و ربع فرخة و ربع رغيف(انشاء الله)
العشاء
1 كوب زبادي قليل الدسم (انشاء الله)

الله يبارك فيكى حبيبتى

بس يا ريت تلتزمى بعد كدة بكتابة يومياتك بشكل يومى لوسمحتى

الف مبروك على نزولك الوزن الجميل ده

كنتى 89.2 واصبحتى 87 ( ياريت لو سمحتى بعد كدة تكتبى لوزن قبل وبعد علشان تعبت عقبال ما اعرف وزنك كان كام علشان احسبلك نسبتك )

نسبتك يا قمر 2.46

الف الف مبروك

عزيزتى سهى

شكرا لقبولك عذرى وانا فى انتظارك وفى انتظار عزيمتك وقوة ارادتك وان شاء الله الجزء الجديد ده يكون وشه حلوة علينا وعليكى بأذن الله

حبيبتى دورا

ازيك يا قمرة

مبسوطة قوى ان كلامى عمل مفعول معاك اصل والله العظيم انا بعمل كدة مع نفسى تبقى الشيكولاته خلاص داخلة جوة بوقى

اقوم افتكر العذاب اللى بشوفة فى الرياضة والحرمان اللى كنت فيه طول الأسبوع والأكتئاب اللى ببقى فيه لما وزنى بيزيد والأحباط اللى ببقى فيه لما بروح اشترى هدوم وملاقيش مقاسى


كل ده افتكره يقوم طبعا يسد نفسى

الف مبروك نزول الوزن يا دودو

ونسبتك يا قمر 1.35

صباح الخير يابنات معلش اتاخرت عليكم معلش يادينا سماح اول امباح النت كان فاصل وامبارح كنت طول اليوم بره
المهم ياستى وزنى الاسبوع اللى فات كان 78كيلو و600 جرام امبارح وزنت ولقيت نفسى نزلت نص كيلو بس اهئ اهئ اهئ بقيت 78 و100 جرام نفسى اعرف انا ليه بطيئة فى النزول كده انا شاكة ان فيه حاجة فى الغدد ربنا يستر اصلا انا هرموناتى كلها ملخبطة الا جانب ان الدورة معادها النهاردة

حبيبتى نفسى اتغير

اهلا بيكى وعود احمد للفريق

فى انتظار ميزانك يا قمرة

صباح الخير عليكم جميعا
ازيكم يا بنات مبروك الجزء الجديد
ازيك يا دينا على فكرة الجزء اللى فات كان مقفول امبارح من الساعة 11 بالليل علشان كدة معرفتش ادخل اكتب وزنى الجديد
مع الاسف الشديد ودة اللى كنت متوقعاة ذى ماقلتلك اننا من يوم 7يناير حتى 19 يناير مكنش فية رجيم خالص علشان كدة لما وزنت نفسى
انا اخر ميزان ليا يوم 5/1 كان 84.150 وكلن امبارح 85 وعلى فكرة انا استحق لقب ضعيفة الاسبوع بجدارة من غير زعل علشان لغبطة العيد

عاوزة احط الميزان ده يا دينا ومش عارفه ازاى احطه ممكن فهمينى

وعاوزة اشكرك يا دينا على ردك عليا وتقديرك ليا ميرسي جدا جدا وانك قلتيلى انكم مكملين

انا مش بسهولة انقاد ورا حد لكن الحقيقه شايفه فيكى القائد اللى انا محتجاه فى

هدفى ده والحماس المطلوب وميرسي تانى

وعموما انا وزنى مازال 83 وهدفى 67 و يومى النهاردة كالاتى

الفطار : كوب لبن + ربع رغيف فول

الغدا : 6 ملاعق ارز + خضار مسلوق

العشا: زبادى خلاط مع فاكهة

ماااااااااااااااااايا

مبروك لقب درة الفريق بجد تستحقيه