حبياتي بالنيابة عن يارا قائدة الفريق نفتتح الجزء الثالث للجروب
وأترككم مع كلمات القائدة لجروب المسلمات رشيقات وأنيقات :


اهلا و سهلا بكم فى جروب المسلمات رشيقات أنيقات فى انطلاقة نحو الرشاقة و طبعا لازم تكونوا عارفين ان من زمان المسلمات فعلارشيقات جميلات أنيقات طول عمرهم
بيحبوا يلبسوا و يتعطروا و يتزينوا و يكتحلوا
دى حقيقة

جروبنا انا فتحته و كرستالة زرقاء شريكتى فى قيادة الفريق بالنيابة عن ورد مدينى ربنا يرجعها بالسلامة
و خلصنا الجزء الاول والثاني و دي الروابط
جروب المسلمات رشيقات و أنيقات ..انطلاقة نحو الرشاقة ( مجموعة ورد مدينى)


http://www.lakii.com/vb/a-8/2-775698


و مبروووووووووووووووووووووووووووووووك علينا الجزء الثالث

في البداية احب اشكر كل اخوتي اللي اشتركوا معنا في الاجزاء الماضية و باجدد شكرى للمستمرين معنا حاليا
و شكرا للغالية ورد مدينى صاحبة الفكرة الاصلية للجروب و اللى كانت بتشجعنا طول عمرها و كانت شايلة مسؤلية كبيرة عننا ماحسيناش بيها الا بعد ما امسكنا القيادة بعدها
و ربنا يصلح حالك ياورد و احنا فى انتظارك غاليتى ترجعى تنورينا من تانى



اخواتي باقي 90 يوم تقريبا على بدايه رمضان وجميعنا يريد ان يستقبله بكل جديد وخفة تعيننا على العبادة والصيام والطاعة
وما حققناه خلال الفترة السابقة يزيد من عزيمتنا لنبدأ باذن الله من جديد
وانا في غير حاجة لتذكيركم ان حلم الرشاقة ليس مستحيلا ان عقدنا النيه وتوكلنا على الله



فعايزين نكون وصلنا رمضان برشاقة و اثناء رمضان باذن الله يكون التثبيت

و نحضر احلى لبس للعيد ان شاء الله نفرح بهدية ربنا لينا و نلبس أحلى وأجمل لبس واحشنا من زمان بنشوفه فى الفاترينات و نتحسر
المرة دى هنقول لأ كلنا للسمنة لأ للاكل و شعارانا
شبعنا أكل نفسنا نشبع لبس بقى




وانا من خلال الاجزاء اللى فاتت استخلصنا او كرستالة شريكتى
انه أهم حاجة
الدخول اليومى و التفاعل بين البنات هو دا اللى بيخلى البنات تتحمس و تكمل و تتشجع و تساعد بعضهاكل ما تحتاج






و عايزاكم من اللحظة دى تخلوا نية انكم تخسوا و تبقوا رشيقات خالصة لله أولا عشان احنا مسلمات لازم نكون مثل و قدوة
و نعدد النيات
انه دا جهاد فى الزوج زى ما قال رسولنا صلى الله عليه و سلم
انه جهاد المرأة حسن تبعلها لزوجها
و ايه اكتر من انك بتصلحى من نفسك و شكلك عشان تعفي زوجك
فريجيمنا و طريقة اكلنا الصح و رياضتنا فى حد ذاتها جهاد له أجره و ثوابه عند الله
و عشان شغل البيت
والتخسيس والعبادة والتجميل والاولاد
والاهتمام بالزوج و نفسيتنا كل هذه الاشياء تقريبا
مرتبطة ببعضها
فلازم و ضروووووووووووووووووووووووووووورى التواصل بيننا
علطول
و باذن الله مع الرياضة و الاكل الصحى اللى هنتناولة هيكون فيه نصايح للاعتناء بنفسنا و اولادنا و نشارك فيها و نذكر بعض بالاذكار و العبادات
و مش هيخلى الجو من هذارانا و ضحكنا لانه ترويح عن نفسنا
فتنضيف المنزل يعينك على عدم التفكير
في الاكل او التركيز مع شعورك بالجوع
كتير مننا لما يندمج في شغل البيت
بينسى نفسه
وكمان الذكر بيعين بطريقة سبحان الله
فعلا
اما التجميل فبيعطي حافز ودفعة وبيساعد في تعديل الحاله المزاجية يعنى انا اول ما احس اني نفسيتي تعبت بخش اتمكيج واروق على نفسي















كمان عايزة اقولكم على حاجة
عايزة اللى ناوية تستمر هى اللى تدخل
مش عايزين ناس تدخل مرة و تجرى الالتزام اهم شيئ
لانه اللى ما بتدخلش و ندخل نلاقى الموضوع فاضى
دا بيحبط الباقى
او انه واحدة تدخل تشتكى من نوبة جوع بتهاجمها دلوقتى ماتلاقيش حد يسندها و يساعدها
بالنسبة لنظامنا:
- اختارى الريجيم اللى تحبيه بس التزمى
- هيبقى فيه رياضة يوميا و شعار للرياضيات النشيطات
- اللى هتغيب 3 ايام بدون عذر هنعتبرها منسحبة
- المشاركة اليومية اهم حاجة و اللى هتتفاعل اكتر هتاخد شعار التفاعل
- هتحطى اليوميات و هتكون بلون اسود عشان نميزها بسهولة مع اليوم من فضلكم
- الرياضة يوميا لا تقل عن ساعة
- هتكتبى بلون فريقك
-يوم الوزن يوم((((((((( الخميس)))))))))))

بالنسبة للتقسيمة الخاصة بالفريقين الورود الجوري والزهور النرجسية

اللى هتلخبط من الفريقين هتطبق عليها الشروط الاتية:

اول لخبطة او مافيش رياضة بدون عذر
هتاخد انذار
و كارت اصفر


اما اللى هتلخبط يومين او مافيش رياضة يومين
هناخد كارت احمر


و تكتب بالابيض و ماحدش هكلمها لمدة 3 ايام غير القائدة و النائبة كرستالة
و لو اتعدلت 3 ايام رياضة و اكل ترجع لفريقها تانى
معززة مكرمة



- وهيبقى فيه شعار لرشيقة الاسبوع
مفاجأة !!!


- و شعار تختوخة هانم للى هتزيد فى الوزن



- طبعا الفرى كل اسبوع وجبة واحدة فقط زى ماتحبى تكون
بدون ذكر تفاصيل تقول فرى و بس
-يوم الجمعة اجازة من الرياضة

الفريق الاعلى فى الرياضة
هيضيف نقطة لنتيجته و دا هيفرق عند حساب النتيجة و تحديد الفريق الفائز
شدوا حيلكم و اى استفسار انا تحت الامر
من عينيا الاثنين

و طبعا حبيبتنا ام عمار مستمرة فى تذكيرنا بالعبادات جزاها الله كل خير
- المرة دى الشروط صعبة احنا اتدلعنا كتير و جه وقت نشد على نفسنا بقى مش هنفضل طول عمرنا فى جروبات ريجيم لا ينتهى ابدا
عايزين نعمل جروب التثبيت و الوزن المثالى بقى










المطلوب منكم كبيانات:
الوزن
الطول
نوع الريجيم
الرياضة المفضلة
مقاس الوسط و الارداف و يتبعت على الخاص و احنا هنحسب النقص الاسبوعى و نحطه مش البيان الاصلى

و انا الفريقين عندنا انا و كرستالة زى بعض ماعندنا تفرقة
العبرة بالنزول و كل واحدة ادرى بنفسيتها و لا يكلف الله نفسا الا وسعها
ربنا يقويكم جميعا
المشوار صعب و عايز ارادة من حديد
و كلنا معرضين لازمات و انا فاهمة
و اعتبرونى اختكم
انا و كرستالة اللى يحب يناقش فى اى تعديل او مخنوق من حاجة مش قادر يقولها على العام يتفضل على الخاص و اللى يقترح اى حاجة جديدة يتفضل يناقشنا على الخاص
عشان نمنع الهرجلة و يفضل الموضوع ساحته رايقة
و النتيجة هى اللى هتظهر كل اسبوع مين هيغلب التانى
عازاكم تتنافسوا و تشجعوا كل واحدة فريقها و الفريق المنافس
و اللى تقدر تفيد غيرها بحاجة تتفضل مشكورة و جزاءها عند ربنا

احنا فاضلنا اقل من 3 شهور على رمضان و عايزاكم تتجدعنوا و تشدوا حيلكم وربنا هيوفقنا باذن الله
فى النهاية احب اقولكم كلمة :
الرشاقة رحلة طويلة لازم يبقى فيها عقبات و حفر نقع و نقوم و و نتكعبل و نقوم
و حواجز عريضة تاخد وقت مننا شوية عشان نعديها و اشارات مرور نقف نستنى الاشارة لما تفتح بس نقف مكاننا مش نرجع لورا
و حتى لو لخبطت احاول اعدل اليوم اللى وراه و ماستسلمش و باذن الله مش هيضيع مجهودكم

فامشى فى طريقك و ماتلتفتيش يمينك و لا شمالك عينك على حلمك اللى عايزه تحققيه و مش شايفة غيره و شوفى بس اللى بيشجعوكى و بيحبووكى مش اى حد تانى ما يهمكيش و لا يهمه نجاحك



اهلا و سهلا بكل البنات اللى هيشتركوا معنا
هتنورونى و عايزين جدية يا قمامير

قال على راى المثل وجع ساعة و لا كل ساعة
هههههههههههههههههههه
شهرين تلاتة و نخلص ان شاء الله

السلام عليكم

ازيكم يابنات ... سامحوني اضطريت أفتح أنا الجزء الجديد بدل ما نظل في الشارع هههههههههه ... فمعذرة مرة أخرى مع كل احترامي وتقديري ليارا وكرستالة ... وطبعا حقوق الطبع محفوظة لهم ههههههههههه
مبارك علينا الجزء الجديد ... يارب يكون فتحة خير علينا كلنا ونحقق فيه أهدافنا
كتبت لكم رد طوييييييييييييييييييييل وفوجئت بانه طار لأن الموضوع أغلق في وجهي

المهم انا زدت نصف كيلو في الأجازة
الوزن في البداية : 92 ك
الوزن السابق : 85 ك
الوزن الحالي : 85.5 ك
الملاحظات : قلة الحركة سبب في ثبات أو زيادة الوزن لأنه تقلل من حرق السعرات الحرارية والدهون ... وبالتالي حتى لو التزمتي بالدايت نسبة النقصان في الوزن تكون قليييييييييييييييييلة
كنت كتبت لكم بالتفصيل سبب الزيادة رغم شدة التزامي بس
للأسف دلوقتي مش هقدر أحكيلكم لأني شغالة في البيت وتعبانة جدا ومهبطة من الصيام بس مافيش مفر لأن الوقت مش مساعدني أجيب واحدة تساعدني ... ادعولي ربنا يقويني

السلام عليكم

اللقاء السابع
بفنجان قهوة وسهر الليالي الصيفية مع رشيقة
من هي ضيفتنا هذه المرة
؟؟؟


شاركونا يا أحبة هنا
​فنجان قهوة وسمر الليالي الصيفية مع رشيقة -اللقاء السابعة مع رشيقة-من ستكون ؟ تابعونا

{♥} قصــــة وعبــــرة {♥}

سافر ثلاثة من الشباب إلى دولة بعيدة لأمرٍ ما، وكان سكنهم في عمارة تتكون من 75 طابقاً..
ولم يجدوا سكناً إلاَّ في الدور الخامس والسبعين.
قال لهم موظف الاستقبال: نحن في هذه البلاد لسنا كنظامكم في الدول العربية..
... فالمصاعد مبرمجة على أن تغلق أبوابها تلقائياً عند الساعة (10) ليلاً،
فلا بد أن يكون حضوركم قبل هذا الموعد.. لأنها لو أغلقت لا تستطيع قوة أن تفتحها، فالكمبيوتر الذي يتحكم فيها في مبنىً بعيدٍ عنا! مفهوم؟!
قالوا: مفهوم .
وفي اليوم الأول.. خرجوا للنزهة.. وقبل العاشرة كانوا في سكنهم
لكن ما حدث بعد ذلك أنهم في اليوم التالي تأخروا إلى العاشرة وخمس دقائق وجاءوا بأقصى سرعتهم كي يدركوا المصاعد لكن هيهات!!
أغلقت المصاعد أبوابها! توسلوا وكادوا يبكون! دون جدوى.
فأجمعوا أمرهم على أن يصعدوا إلى غرفتهم عبر (السلالم- الدرج) صعودا على الأقدام!..
قال قائل منهم: أقترح عليكم أمراً؟
قالوا: قل
قال: أقترح أن كل واحدٍ منا يقص علينا قصة مدتها مدة الصعود في (25) طابقاً.. ثم الذي يليه، ثم الذي يليه حتى نصل إلى الغرفة
قالوا: نعم الرأي.. توكل على الله، أنت ابدأ
قال: أما أنا فسأعطيكم من الطرائف والنكت ما يجعل بطونكم تتقطع من كثرة الضحك!
قالوا هذا ما نريد..
وفعلاً حدَّثهم بهذه الطرائف حتى أصبحوا كالمجانين.. ترتج العمارة لضحكهم.
ثم.. بدأ دور الثاني فقال : أما أنا فعندي لكم قصصٌ لكنها جادة قليلاً..
فوافقوا.. فسلب عقولهم مسيرة خمسة وعشرين طابقاً أخرى.
ثم الثالث.. قال لهم: لكني أنا ليس لكم عندي إلاَّ قصصا مليئة بالنكد والهمِّ والغمِّ.. فقد سمعتم النكت.. والجد..
قالوا: قل.. أصلح الله الأمير!! حتى نصل ونحن في أشد الشوق للنوم
فبدأ يعطيهم من قصص النكد ما ينغص عيش الملوك! فلما وصلوا إلى باب الغرفة كان التعب قد بلغ بهم كل مبلغ..
فقال لهم: وأعظم قصة نكد في حياتي..
أن مفتاح الغرفة نسيناه لدى موظف الاستقبال في الدور الأرضي!
فأغمي عليهم.
وهنا انتهت القصة لكن لم ينتهِ الموضوع... بل بقيت العبرة..
نعم إنها قصة أغلب الناس بيننا...
فالشاب يلهو ويلعب ، وينكت ويرتكب الحماقات ، في السنوات الخمس والعشرين من حياته.. سنواتٍ هي أجمل سنين العمر.. فلا يشغلها بطاعة ولا بعقل
ثم... يبدأ الجد في الخمس والعشرين الثانية.. تزوج.. ورزق بأولاد.. واشتغل بطلب الرزق وانهمك في الحياة.. حتى بلغ الخمسين.
ثم في الخمس والعشرين الأخيرة من حياته – وأعمار أمتي بين الستين والسبعين وأقلهم من يجوز ذلك كما في الحديث- بدأ النكد..
تعتريه الأمراض.. والتنقل بين المستشفيات وإنفاق الأموال على العلاج.. وهمِّ العائلة.. فهذه على خلاف مع زوجها.. وذلك بينه وبين إخوته مشاكل كبيرة وخصومات ، وتراكمت عليه الديون التي تخبط فيها من أجل إسعاد أسرته، فلا هم سعدوا ولا هو ارتاح من همّ الدَّين...
حتى إذا جاء الموت.. تذكر أن المفتاح.. مفتاح الجنة.. كان قد نسيه في الخمس والعشرين الأولى من حياته.. فجاء إلى الله مفلساً..
فيأمل أن يقول:
"ربِ ارجعون.."
ويتحسر ويعض على يديه:
"لو أن الله هداني لكنت من المتقين"
ويصرخ:
"لو أن لي كرة.."
فيجاب:
{بَلَى قَدْ جَاءتْكَ آيَاتِي فَكَذَّبْتَ بِهَا وَاسْتَكْبَرْتَ وَكُنتَ مِنَ الْكَافِرِينَ }
نسأل الله الهداية لنا جميعا

جزاكى الله عنا خير الجزاء راجية حبيبتى انتى و هبة و كريستالة و يا رب يكون خير علينا كلنا اللهم اميين

السلام عليكم أحلى البنات
مبروووووووووووووووووووووك الجزء الجديد
وإن شاء الله نقرب من خلاله لهدفنا ويكون خير علينا كلنا

وجزاكي الله خيرا حبيبتي راجية إنتي وهبة وكرستالة ويارا على متابعتنا
وبداية حلوة من عزيزتنا أم عمار
جزاكي الله خيرا

بالتوفيق للجميع

كتبت بواسطة yaralemoo

السلام عليكم حبيباتى
وحشتونى قوى قوى قوى
بجد مشتاقة ليكم خالص
يارب تكونوا كلكم بخير حبايبى و يديكم الصحة و العافية و تنحفوا بدون شر يارب
انا بخير الحمد لله و مبسوطة فى مصر جدا ومازدتش غير كجم و من الاسبوع الماضى بدات انتبه لاكلى و اروح الجيم
بجد\ مشتاقة ليكم و نفسى ارجع لكم بشدة بقى فى اجازتى اقل من 3 اساتبيع
ان شاء الله
سلامى ليكم كلكم فرد فرد
من اول كرستالة لهبه لزهرة لراجية لنيبو لام عمار لاميرة لفلاشة لكاردف لراية لنسليهان
و يارب ماكون نسيت حد
ربنا معاكم يحفظكم و يرعاكم
و بوسة كبيرة ليكم
اموااااااااااااااااااااااااااااااااااااااااااااااا اااااااااااااه

حبيبتي نورتينا جميعا وسعدت كثييييييييييييييييييييييرا لما شفت ردك وفي انتظارك على أحر من الجمر
واجازة سعيدة ويااااااااااااااارب تحافظي على وزنك

بنات شدو حيلكم وبداية موفقة بإذن الله
زهورة ... جزانا واياك خير الجزاء ويارب يبارك لنا فيه ونصل جميعا لأهدافنا
أم عمار ... فعلا معك حق ... كلنا لازم ندور على اللمفتاح ونتأكد من وجوده كل لحظة
فلا تدري نفس ماذا تكسب غدا ولا تدري نفس بأي أرض تموت
نسأل الله لنا جميعا حسن الخاتمة ... وألا يتوفنا إلا وهو راض عنا
اللهم آآآآآآآآآآآآآآآآآآآآآآآآآآمييييييييييييييييييييييي يييييييييييين

ماشالله دوبنا جزئين وداخلين على التالت ههههههه يامسهل يارب

يعطيكي العافيه راجيه وكمان يارا وكرستاله الله يرجعهم بالسلامه

مبروك عليكم الجزء الجديد يابنات وان شالله بنزينه باوزاننا يوم الجمعه