السلام عليكم
انا هالة من مصر
هقلكم حكايتى مع الرجيم و الخسسان
انا جربت انظمة كتير و كنت بخس عليها كويس لكن كنت ديما بزهق و اسيب الرجيم و ماثبتش وبالتالى وزنى بيرجع تانى
بس المرة ديه انا قررت انزل وزنى و اثبته كمان
انا طولى 170 سم
وزنى قبل الدايت 109 كجم

انا حاليا ابتديت رجيم العشرة أيام و ماشية عليه تمام
بليزز احلى بنات فى اجمل منتدى تدخلوا تشجعونى و طبعا انا بدى نعمل منافسة ما بينا

ياريت اللى نفسها تعمل رجيم اى ان كان نوعه مش شرط نفس الرجيم بتاعى
تدخل تسجل اسمها و طولها و وزنها و نوع الرجيم بتاعها و نبتدى مع بعض
مين يا عالم يمكن لو شجعنا بعض نخس قبل الصيف
مستنياكم
ملحوظة : مطلوب 10 متسابقات
انا ابتديت يوم 18/04/2013
يومياتى :
اليوم الأول(18/4) : طول اليوم نسكافية بلبن خالى الدسم + سكر دايت
اليوم الثانى 19/4) : تفاح فقط بأى كمية + 1 نسكافيه ( كنت معذومة بره قلت اخد نسكافيه مع ان المفروض ماشرهوش فى يوم
التفاح هههههههههههه) .

ادعولى اقدر أكمل بلييييييييييييييييز

اختي العزيزة جميل ورائع انك قررت إنقاص وزنك وانك لديك عزيمه ولكن اعذريني البرنامج الذي تتبعينه خطا لأنك ستصا بين بالضعف وعلى فكره النسكافيه يسبب هشاشه بالعظام سوف تشعري بالإرهاق ولن تستطيعي متابعة النظام وستشعري بالإحباط تابعي النظام الذي اتبعته واذا أعجبك اتبعيه لاتقولي أني اريد احباطك او إثنائك عن إنقاص وزنك لاوالله بل اردت ان أوضح لك فقط يوم غداً سوف انزل البرنامج فانا اتبعت برنامج ونقص وزني عشره كيلو في مدة ليست قصيره النزول السريع للوزن يؤدي الرجوع الوزن النازل وبزىاده أقرائي موضوعي تجربتي مع الحميه مفاجاءه بالداخل ولكي مني جزيل الشكر

أخت هالة
الله ييسرلك يا رب وينزل وزنك وإنتي بصحة وعافية
نظامك حبيبتي كتيير غلط وله أضرار كتير على جسمك

لازم تتبعي ريجيم صحي في أكل متنوع وهرمي موزع على 3 وجبات رئيسية و2 سناك
إضافة لشرب الماء بما لا يقل عن لتر ونص يوميا
وممارسة الرياضة

بالتوفيق يا رب

عفوا يا قمر

نظامك مدمر للجسم و للريجيم

بما انك متحمسة لبداية الصيف ابتدي بريجيم صحي يفيد بشرتك و شعرك

حرام يروح شعرك و تبهت بشرتك

انتبهي يا قمر

الله يوفقك يا هلول
لكن مثل ماقالت الأخوات
اعملي رجيم صحي
على الأقل كل يوم فيه خضار وفواكه وقطعة متوسطة خبز وكوب حليب ولحم
ووزعيهم على اليوم زي مابدك

فيه خطة ايضا انك تشربي كوب ماء قبل الاكل
ونصف كوب ماء في وسط الاكل
وكوب ماء في نهاية الاكل

الماء يعطيك إحساس بالشبع وما فيه كالوري ومفيد جداً للبشرة


كلي خضار بدون طبخ
سلطة خس خيار مافيهم كتير كالوري وامضغي كويس
و أغسلي اسنانك اكثر من 3مرات باليوم

كلي في صحن أصغر وبملعقة أصغر

مممم

ونحن هنا كلنا جميعا نشجعك

وممكن تعملي رجيم النقاط الكثيرات جربوه هنا ونتائجه جيدة جداً باذن الله



ولا تظني أبدا أننا نحبط من عزيمتك
بالعكس انت قبل هذا جربتي رجيمات وزاد وزنك مجددا

خذي القرار الصح ونحن جميعا معك نشجعك



وبالنهاية أدعو الله ان يوفقك

واعتقد ان العنوان مش مناسب ولا انا مخطئة
لكن ان شاء الله من هون لوقت مش طويل تحكي عن جد قصتك مع الرجيم


وعذرا على الإطالة

صباح الخير عليكم
انا قرأت كل تعليقاتكم طبعا و بجد مشكورين لان فعلا كلامكم صح و سليم
و لكن انا مضطرة امشى على هذا النظام لانى لو اتبعت نظام النقاط او الخمس وجبات ( مع العلم انى جربته و هو نظام هايل )
بس المشكلة ان من طول مدة الدايت هزهق
فقررت انى اعمل نظام العشرة ايام
انا بدى اكون 80 او 85 يمكن بالنسبة لاخريات الوزن ده كبير لكن لانى طويلة 170 سم الوزن هيكون معقول على طولى
لانى مش ناوية اكون مانيكان ههههههههههه
و بالنسبة للضعف نتيجة هذا الرجيم فانا باخد دوا حديد لان عندى شوية تعب من ظهرى ( الفقرة الرابعة و الخامسة ضغطين على بعض) سبب التهاب فى العصب بتاع رجلى فالدكتور كتبلى حديد علشان التهاب العصب .
و هذا الرجيم ليس كله نسكافيه او تفاح فقط ده فيه يوم لحوم و يوم فاكهه مشكلة و يوم سلطة و يوم خضار .
دعواتكم ليا
و دائما مرحبة بنصائحكم الغالية و بمروركم الكريم اخواتى

اليوم الثالث:
الفطار : نسكافيه بلبن خالى الدسم بسكر دايت

زهر الريحان

حبيبتى انتى عندك حق بالنسبة للعنوان بس انا كتبت عنوان يشد البنات علشان ينضموا الى و بإذن الله هخس الوزن اللى قلت عليه
ربنا مايحرمنيش منك ولا من تشجيعك حبيتى

حبيبتي هلول انا المتابعات ليك من زمان من ايام هيلثي ههه بس انا لاحظت انك ولامرة نجحت ووصلت للوزني اللي بتحلمي بيه لانك بتعملي رجيمات غلط ومش صحية

جربي مرة وحدة نظام صحي وصدقيني مش حتزهقي بالعكس حتحسي انو نظام حياة وانك عايشة طبيعي ومش خانقة نفسك بالرجيم
وفين الرياضة في نظامك غالبا مش حتقدري تمارسي اي رياضة لانك حتشعري بالتعب والهزال وبجد حتزهقي بسرعة وتسيبي الرجيم
احنا زي اخواتك ونحب الخير ليك جربي نظام صحي وكلنا حندخل نشجعك ونحمسك
بالتوفيق ياقمر

السلام عليكم

اهلا بك غاليتي

ما شاء الله الصبايا كفوا ووفوا

معظم الناس صاروا يعرفوا الصح والغلط بالاكل ونظامه

واثبتت كل الرجيمات الخاطئة مهما كان اسمها فشلها المؤكد بنزول الوزن


حاولي واستمري باتباع نظام التخفيف او النقاط او السعرات هم الوحيدات الملائمين لحياتنا اليومية وايقاعها السريع لا تشعري معهم بالحرمان ولا المنع كما الرجيمات الاخرى وكذلك لا تنضري منهم

الله يوفقك واتمنى انك تغيري رايك لما فيه الفائدة لك ولجسمك

حكايات القمر

مرسى على النصيحة بس انا كنت بعمل قبل كده نظام صحى و نزلت 14 كيلو فى شهرين و برضو رجعت تانى
المشكلة مش فى نوع الرجيم المشكلة انك لما بتسيبى اى رجيم وزنك بيرجع تانى بغض النظر ان كان رجيم عادى و لا كيميائى
المهم انى اثبت وزنى بعد الخسسان
اما بالنسبة للرياضة ماتنفعش حاليا لانى عندى غضروف
الرياضة الوحيدة هى المشى و هبتدى فيها ان شاء الله كمان اسبوعين يكون وزنى خف شوية و اقدر امشى حبيبتى
دعواتك

أم أنس
الف شكر على نصيحتك حبيبتى
بس انا هكمل فى الدايت ده و هاخد فيتامينات
ربنا يكرمك و تنزلى وزنك بصحة و عافية يا قلبى

الغدا: نسكافيه بلبن خالى الدسم بسكر دايت