بسم الله
نبدأ بهمه ونشاط ونيه جديده لبدايه صفحه جديده للدايت
احنا حنفضل مستهترين بجسمنا لغاية امتى
محملينه فوق طاقته وجسمنا يا عينى عليه شايل ومستحمل وساكت مع انه امانه فى ايدينا لازم نحافظ عليها
الربيع قرب والصيف كمان بعديه والملابس الشتويه اللى مخبيين فيها جسمنا حتروح ويبقى الفشكله ونزعل على روحنا مش نفسك تنزلى تشترى من الاوكازيونات ( sale ) لبس جميل للبيت فستان مجسم للبيت او جيب قصير وتلبسيه من غير ما تتكسفى من عيوب فى جسمك
طيب ليه منستعدش من دلوقتى لفصل الربيع والصيف
وبصراحه كد انا زهقت من الدلع والعك والتخبيص لبعض المشتركات ناهيك عن الاعتذارات المتكرره وزيادة الوزن بدون مبرر يقنعنى
لو حملتى اشترك فيها حتى ولو 2 نشاط ابرك مية مره من ......
سمحونى لكن انا فاض بيه خلااااص
سامحتكم كتير وفاضل انكم تفكروا مع نفسكم كويس انتم فعلا عاوزين تعملوا دايت وتبقوا فى صحه ورشاقه ولا الموضوع صحبه حلوه وبس

التنافس الجديد
حنقسم البنات مجموعات متساويه فى العدد ( وانا اللى حختارهم لانى حعمل تشكيله فى الاوزان ما بين الاوزان الكبيره والصغيره ) يتعاونوا مع بعض الجديد فى الجزء ده ان الوزن كل 10 ايام بناء على طلب اغلبكم وانا شخصيااا
ونجمع نسبة النزول لكل مجموعه و نطلع افضل مجموعه متعاونه وخسرانه فى الوزن ( يعنى نتيجة المسابقه كل10 ايام مبدئيا ممكن بعد كده نخليها كل 20 يوم

طبعا كل مجموعه ممكن يتشاركوا تمرين معين مع بعض كل يوم ويحمسوا بعض زى ما هما عايزين
الفرى وجبه واحده بعد الميزان بعد 10 اياااااااام
اعتقد ان التنافس كده يعمل تعاون مع بعض ويقربنا من بعض اكتر

الشروط المطلوووووووب توافرها لكل المجموعات

1. الالتزام بالدايت مهما حصل ولينا وجبه فرى بعد الميزاااان

2. شرب المااء فى الشتاء نكتفى بلتر ونصف

3. الرياضه كل يوم نصف ساعه ( تمارين او مشى اللى يريحك )

4. الوزن مره كل 10 ايااااام

من الاخر كده اللى مش ناويه تلتزم بالشروط دى تعتذر وحتلاقى حملات كتير من غير شروط ربنا يوفقها
عاوزين بنات نشيطه مش تنيمنا جنبها
الوزن كل اسبوع مهم والرياضه اهم وشرب الميه والالتزام
نقول تانى فكروا مع نفسكم لو فيه شرط مش حتلتزمى بيه وحتتحججى يبقى بلاش تدخلى التنافس معانا افضل ليكى

علشان متزعليش منى وانا بطلبهم منك
اقولكم ليه
كل الشروط دى لمصلحتكم لان فى حالة عدم تطبيق الشرط 2و3 حنزعل يوم الميزان يا زايده يا ثابته ويجيلك احباط وتحبطينا معاكى
عاوزين نشااااااااااااااااااااااااااااااااااط
حنبدأ الانذارات من اول وجديد يعنى اللى كانت واخده انذار من قبل مسحناه
عارفه انى رزله جداااا وفيه بنات مش حتتقبل كلامى بس سامحونى عاوزه اخس وابقى رشيقه بدون تضييع وقت

بس علشان تبقوا عارفين
اللى مش حتطبق الشروط لمدة 10 ايام بجد حتنطرد من الحمله وده للعلم وابقى عملت اللى عليه كلنا استحملنا بعض الايام اللى فاتت وكفايه قوووى كده يلا مستنيه نتيجة تنافس اسبوعين فاتوا يارب الكل يكون نزل كيلوات كتيره بشكركم كلكم لانكم نعم الاخوات المتعاونات الملتزمات لولا وجودكم معايا ما كانت حملتى نجحت بالتوفيق

مبروك الافتتاح
هيييييييييه انا اول واحدة
بليل ابقى اقول يومياتى

نور

الف سلامة عليكي ياقمر

سيندي

الف سلامة عليكي وانتي حاولي تخليكي زي ماانتي لاتتقلي ولاتخففي حسب الجو ده اكتر حاجة بتجيب برد

روزي

ههههههههههههههههههههههههههههه ايه مين هرهر وترتر دول

وبعدين انا مش لية نفس مش علشان الدايت خالص بس كنت هموت من الضحك على الكائنين اللي قلتيهم دول

همس ودعاء

اولا ربنا يرزقكم بالذرية الصالحة يارب قريب

ثانيا حملوا البرنامج من على ا لرابط ده وحجمه صغير قوي قوي

http://rapidshare.com/files/72887030....71_Full_4.exe

وبعدين سطبوه سهل جدااااااااااا وانا هقولكم الطريقة بالتفصيل

1/ هتدوسوا عليه علشان تفتحوه عادي

2/ تختاروا من تحت install

3/ وبعدين تختاروا من تحت Ok

4/ وبعدين تختاروا Done

وبس كده خلاص اتسطب

هتروحوا للملف بتعنا بقى هتلاقوه على شكل كتب فوق بعضها تدوسوا عليه كليك يمين وتختاروا Extract file وتدوسوا OK بس كده هتلاقوه ملف عادي خالص

نونا

ربنا معاها يارب وتستوعب كويس وتجيب مجموع كبير ان شاء الله ربنا معاها ومع كل اللي زيها يارب

وبرضه بوسيهالي بوسة كبيرة من بتوع طاطا هههههههههههههه

جنى

والله مش لية نفس خالص اليومين دول للاكل بس هحاول

وضحكتيني على دعوتك جدا

بسبس

ههههههههههههههههههههه ضحكتيني على صلبطة جامد ( ياجماعة سلبطة ده الاسم الحركي بتاعي في الجامعة)

ياتوهبة ( ياتحفة بتاعة طاطا) اسكتي بقى لقولك تعالي حالا على هناك يوم السبت وحشتوني والله مش عارفة ازاي هستنى سنتين كده على الياهو بس اسكتي بقى ماتتكلميش تاني

وبعدين عاوزاكي تدخلي على الياهو بسرعة

وبعدين هيصة ايام الجامعة ده انتي تسكتي خالص دي ياجماعة بتاكل اكل ييييييييييييييييييييييي اكل عنبر بحاله لا وايه كله حاجات تودي في داهية

اول مرة قابلتها بعد مااكلنا كشري وشوكولا لسة ماعدناش الشارع بتقولي نجيب شاورما وانا قلتلها ابدا مقدرش آكل تاني قال هيصة قال اسكتي مش هتخلصي مني

جويل

مرسي ليكي وايوة كده ترجمة علطول لاخواتك الغلابة

حنونة

اقعدي معاها وشوفوا ايه النظام الغلط وجبيلها مقالات عن طريقة المذاكرة وكده وخليها تقراها وتشوف ايه بتعمله وايه لا وربنا معاها

اسكيندي

يامشجعني انت

وفاء

فينك

ساسو

الف سلامة عليكي ومتقسيش على نفسك

سمهونة

فينك

اسما

والله ازعل كده بقى مش قلتلك انتي بتشجعيني

اكليل

فيييييييييييييينك

ندى

لو كان فاضل كتير وانتي كنتي لسة عاوزة تفتحي الموضوع الجديد كنت انا هقوم بالواجب وزيادة

ادونا فرصة بقى

الخميس

برضه مليش نفس خالص والله اكلت غصب النهاردة

الفطار

3 تمرات عشان ماتعبش

الغدا

مفيش

العشا

ربع فرخة مشوية و 2 م رز و4 م الرضعة

وفي وسط اليوم اكلت كام واحدة شيبس من كيس آية (مقلباها انا اول باول)

الماء

3 لتر

لاني بشرب كتير وانا بلعب رياضة

الرياضة

ساعتين

ساعة مشي سريع بره البيت

وساعة منوعة

رقص

100 نط

200 بطن

200 ارداف

100فخذ

100 خسر

السلام عليكم يا رشيقات مبروك عليكم الصفحة الجديدة عقبال الالف صفحةان شاء الله
يوميات الخميس
الافطار : سندوتش زعتر + كوب شاى باللبن
الغداء : همبرجر + خبز اسمر
العشاء : سندوتش بطاطس + كوب شاى باللبن
المشروبات : كوب شاى
المياة : لتر ونصف
الرياضة : 200 نطة حبل نصف ساعة + 100 شفط بطن ربع ساعة + نصف ساعة تمارين مختلفة .

يوميات الاربعاء

ف : رغيف سن + فول + شاي بلبن
غ : فاصوليا خضراء + سن + سلطه + لحمه
ع : شاي بلبن
م : اكتر من 2 لتر
ر : 2/1 ساعه

الخميس

ف : 2/1 سن +جبنه + شاي بلبن
غ : علبة تونه + رغيف سن + سلطه
ع : مفيش
م : 2 لتر
ر : 2/1 ساعه مشي

مبرووووووووووووووك الجزء الجديد
ندى الله يبارك فيكي وجزاكي خير على تعبك معانا
ههههه نايمه جعانه طبعا وبخرف من كتر الجوع كمان يلا الله يجعله بفايده
ندى وانا اول واحده تدعيلك بنزول الوزن بالصحه والعافيه يارب وجربت الثبات بالوزن صعب اوي خاصة ان شعري بيقع كتير قولولي حد له تجربه مع الفيتامينات
ويقولي اسمه وتاثيره من فضلكم
في حد قالي على فيتا ميكس ايه رايكم

طاطس والله انا خلاص بنهار ربنا يهديني

يوميات الاربعاء
لتر ميه
رياضه 45 مشي
مشروبات كتير
ف 3 فول ومنين 2
غ كسبريه وكام زتونه ولقمتين فول بطعميه واحده
ع منين1 وخيار وطمطم

السلام عليكم
ازيكم ياقمورات؟؟
ندى
وكل ده بتضحكى علينا ومفكراكى ندى ماشى ياام ندى وكويس والله ان الرياضة حتخليكى تحبينى انتى كنت مش بتحبينى ولا ايه ده انا والله طبقت العقوبة رغم انى عندى هبوط انهاردة وضغط واطى لانى نزللت فى الحر بتاع انهاردة ده وجسمى كله بيوجعنى بس للامانة ضغطت عليا واكلتنى حتة كيكة صغيرة وعصير لانى كنت فعلا دايخة اوى
طاطس وبوسى
ايه اول مرة تسمعوا كلمة (هو ياهر هر ياترتر)حسستونى انى فضائية معاكم والله ده كلام مشهور اوى
دعاء
العفو ياقمر ادينا كلنا فى هم واحد
كل البنات
سلامات للحبايب كلهم
..................
يوميات الخميس
الفطار
نسكافيه كنت مبطلاه بقالى 10 ايام وولما شربته بطنى وجعتنى اوى
الغدا
نص طبق كشرى
سناك
حتة الكيكة اللى قلتلك عليها والعصير
العشا
برتقالتين
الرياضة
مشى نص ساعة والله جسمى وجعنى اوى ومش قادرة اعمل اى حاجة
المية
حوالى 5 كوبايات+شاى اخضر

يوميات الخميس

ف نصف رغيف بلدي وبيضه و3 ملاعق فول
سناك واحده يوسفي

غ ربع فرخه و4 ملاعق ارز وطبق فاصوليا صغير
سناك 2 خس

ع واحده يوسفي وبرتقاله

المياه لترين

الرياضه ساعه الا ربع مشي سريع
وتصبحوا علي خيييييييييير

طاطس انا نزلت الملف بس بيطلعلي كلام مش مفهوم لما افتحه