السلام عليكم ورحمة الله وبركآآته
صبآح \مســآء ,, الــورد
شلونكم يآبنآآت
بقولكم قصتي الي بديت معها بزياده ف الوزن
من عمر 11 او 12 سنه يعني كان 65
اخ والله كنت كارهه نفس ايام الطفوله والمراهقه
كنت كل سنه ازين 10 كيلو او اكثر
الى ان وصلت 106 وقفت وبعدين سويت عمليه ف اسناني
وكنت لازم اكل ايسكريم واشياء ثلللج
وزاد وزني بس ف شهرين (يعني فترت العمليه ) 8 كيلوو ,, تخيلو !!!
وقررت من الشهر اني اسكر فمي معنى اكلي جداا عادي يعني
يعني كنت اكل وجبتين ف اليوم .. ماكنت اتغدى رز وكانت وجباتي عاديه يعني
مب بدبل ( يعني مقليات وباستا وبشمل ) بس بكميات عاديه قليله جدا اقل من الي حولي , بس اتوقع قابلية جسمي كبييييييييييييييييييره
المهم سجلت ف منتدى لك وشاركت مع مجموعه بنات ونزل وزني ف اسبوع كيلو
وامس رجعت للوزن ,,
طيب مابي اكثر من الكلام ,, << كثرتي وخلصتي
طلعت من المجموعه وقررت اشجع نفسي بنفسي والي بتشارك وياي حياها الله
طيب رجيمي هو راح يكون مختلف لكل اسبوع عشان اعوض جسمي العناصر الي فقدتها
طبعا هالاسبوع راح يكون رجيمي , رجيم الشوربه
فقط هالاسبوع فقط فقط فقط والاسبوع الجاي بتشوفون شنو هو
مقآدير الشوربه
3 بصلات
2 فلفل رومي اخضر انا حطيت واحد
حزمة بقدونس , او كرفس
واحد الى اثنين معجون طماطم
1 كيس شوربة خضار ( كنور ولا ماجي )
طريقة التحضير
قطعي كلشي مكعبات صغيره وضيفي له 4 الي 5 اكواب ماء وخليه يغلي لمدة 10 دقايق
بعدين اذا تبينه ف الخلاط حطيه ف الخلاط وحطيه على النار لمدة 5 دقايق
وهذي بتكون وجبتك للفطور والغداء والعشاء كثررررررررررررري منها ماتسمن ابدا
كل ماكثررتي تحرق الدهون اكثرر
بس راح يكون في اضافاات للرجيم فتامينات وغيرها وغيرها
وراح يكون اسبوعك كـ تالي
اليوم الاول
فطور وغداء وعشاء :شوربة الرجيم
مع جميع أنواع الفاكهة(تفاح-كمثري-بطيخ-شمام)ماعدا(المانجو-العنب-الموز-التين)في أي وقت وأي كميه
اليوم الثاني
فطور وغداء وعشاء: شوربة الرجيم
مع جميع أنواع الخضروات الطازجة واالعشاء اذا حابه بطاطس مشويه وحده
اليوم الثالث
فطور غداء عشاء: شوربة الرجيم
تاكلين فواكه وخضورات مثل اليوم الاول والثاني
اليوم الرابع
فطور وغداء وعشاء:شوربة الرجيم
موز لايزيد عن 8 موزات وحليب قليل الدسم تاكلين وجبه وحده لين ماتشبعيين
فقط وجبه وحده يعني مثلا العصريه فقطط
اليوم الخامس
فطور غداء عشاء : شوربة الرجيم
مع دجاج او لحمه مشووووويه مع سلطه طماط وخيار فقط بدون زيت زيتون
اليوم السادس
فطور غداء عشاء : شوربة الرجيم
دجاج او لحم مشوووووي مع الخضار وممكن تاكلين 2 الي 3 ستيك بدوون زييت
اليوم السابع
فطور غداء عشاء:شوربة الرجيم
لبن خالي الدسم , وعصير طبيعي , وخضار
بنات يمكن تحسون بدوخه لان الرجيم مافيه سكر الا من الفواكه ,,
في حاله انك حسيتي بدوخه خذي ملعقه واحده صغيره عسل بس ملعقه ,,
اخر الاسبووع بنكون نازلين بأذن الله 5 الي 8 كيلوو ,,
وبنوقف عن هالرجيم لان مب زين نكمل ,, بس عشان يكون دافع لنا عشان نكمل
ملاحظه: الاشياء الاساسيه مع الرجيم شرب الماء لايقل عن 8 اكواب ف اليووم
طبعا لا ننسى الريااضه
والرياضه الاساسيه بتكون المشي لاتقل عن 45 دقيقه ,,
مع اي رياضه ثانيه ,, بس اهم رياضه المشي ,, لانج تحركين كلشي ف جسمج
ممنوعات الرجيم
الخبز بجمييييييييييع انواعه والمقلياات والمشروبات الغازيه
تنبيه تنبيه تنبيه
ان هذه الشوربة لاتضيف سعرات حرارية للجسم ,, بل تحرق السعرات الحرارية في الجسم وكلما تناولت الشوربة اكثر كلما فقدت وزن اكثر
وتذكرو بس هالاسبوع نطبق رجيم الشوربه فقطططططط فقط فقط
ونلتزم باليوميات ,, كل وحده تكتب يومياتها
الفطور:
العشاء:
الغداء:
الرياضه:
كيف كان يومك:
والي تبي تشارك معاي تكتب لنا :
الوزن:
الطول:
الهدف الاول:
الوزن المثالي :
الاهداف مع كل نهاية اسبوع بنكتبها
يعني مثلا وزني 70 وهدفي الاول 66 ..
الاسبوع الجاي وزني 66 هدفي الثاني 65 وهكذا
ولا نسى لازم الصبر الصبر الصبر وكل وحده تشجع الثانيه
وكل ماشفتي اكل دسم وحلو
قولي الاكل مش طااااير وان شالله بكره اكل منه وانا مرتاحه ..
وقومي من المكان الي فيه الاكل الحلو و على طول حطي لك شوربه ,,
بنات تكفوون ساعدوني وشجعوني (آنا عرسي عقب عيد الاضحى )
الوزن:113.9
الطول:165
الهدف الاول:109
الوزن المثالي :60_55
نبتدي من اليوم 8\7\2009 يوم الاربعاء
وبيكون الميزان الاسبوع الجاي الجمعه تاريخ17\7\2009
الروابط المفضلة