اللون الأخضر ............بنت الأحرار و الشفـــاعـــــــــــه
اللون الأورنجي ............جنة الطيـــور و هدء قلب
اللون الوردي ................صرخة أمل و بوح انثى
اللون الأحمر......................أميرتك و سوسو
اللون الكحــلي ...............المجبـــوره وأصولي وميوسه
اللون البنــي ....................قــــــرب وذات العفــــاف
اللون الأســـــود ....................هــــــــــاله ورحبـونه
اللون المووووفي .............. تفاحــــة الشمال وأم فصوووولي
اللون النيلي ........................سما زرقا وجبـــال الثلج
السلام عليكم ....كيفكم يابنااات ؟؟ عساكم ماشيين تمام ....يلا بالتوفيق للكل
بإذن الله .....مممم مني عارفه ايش اقلكم بس ببدأ اعلق على يومياتكم واخش
في الموضوع على طول لأني انا من النوع اللي ماحب اخرج من موضوعي الاساسي
اللي هوا الدايت والرياضه .....عمومااا يابنااات خلاص انا لغيت لعبة البرميل ورجعت
للطالبه والمعلمه .....كل معلمه تنتبه لطالبتهااا وتشجعهااا ....كل صديقه تسئل
عن صديقتهااا وتشجعها ....كل اخت تحب الخير لغيرهااا تساعد اختها اللي
محتاجه مساعده وخلاص ....يلا يا بنات شروطي زي ماهيا ...امشي على الدايت
عدل خدي عدد نقاطك المعينه لا تزيدي ولا تنقصي امشي ساعه يوميا ..حاولي
تكملي الهرم الغذائي في اكلك حاولي تكوني متفائله دوومااا ...توكلي على الله
قبل كل شي وفي اي شي وانتبهي على نفسك وكوني واثقه من كلامك ومحدده
هدفك وحاطتو قدامك ويلا استمري على بركة الله .....ممم طيب يلا ابدأ معاكم مع
اني اتأخرت كثير عليكم ....سوسو ياقلبي من جد راحو الهنود من عندكم وه بس
فديت الهنود وربي ورد احمر على الخدود خخخخخخخخخخخ المهم انا والله مو من
طبعي لا اتدلع ولا شي صدقيني الدلع في طريق وانا في طريق بس يحز في قلبي
يوم اشووف انسانه كبيره بمثابة الام تترجى انسانه صغيره في مثابة بنتهاا وتقول
ارجوكِ لا تروحي لالالالا احترامااا للآخرين هناا المفرووض كل وحده تعرف كيف وبأي
طريقه تنسحب وبعدين ياسوسو صح انا هنا اكلمكم كلكم وقائدتكم بس وقسم
بالله ماتدري قد ايش اكن في قلبي من الاحترام لعفاف لجموله لرحبونه مو معناتو
اني قائدتهم يعني مافي احترام لا والله الاحترام والاخلاق والروح الطيبه المتبادله
هنا بينناا فوق كل شي ....صح اكلمهم عادي بس وربي لانهم زي اخواتي واكثر
وهما كمان يقولو ورد كلمينا زي ما تكلمي باقي البنات وانا هنا بطيبعتي لمن اجي
ارد عليكم ارد عليكم وكأنكم اخواتي من امي وابويا ما افرق ابدا بين وحده وحده
والله المستعاان .....المهم يلا يلا ياحلوتي استمري وشكرا على الرسايل الحلوه
حقتك امواااااااااااااه احبك ياسوسو موفقه .....امووورتي وربي بكيتيني بكلامك
صح انا وعدتك اكون معاكِ للنهايه ويلا ماعليكِ انا معاكِ ومع كل قروبي الين تخلصو
كلكم وتقولو يلا يا ورد اخرجي من هنا احنا سرنا رشيقات مممممم جمول بسرعه
ابغى اشوف يومياتك انا بانتظارك .....جبال ياحياتي بفتح المسنجر دحين وانتظرك
وكل البنات اللي يبغو يكلمووني اليوم انا ليكم وجالسه عشانكم في المسن ويلا
يا جبال ماعليكي انتي معايا وبساعدك وبخليكِ ان شاءالله تسيري خبيرة تغديه ولا
يهمك ......سماااا فرحت مره بكلامك مره عجبني سما ما تعرفي كيف انا احبك
واتمنى انك تنحفي وتسافري وترجعي بالسلامه واتعرف عليكِ وتسيري صديقتي
يلا سما ماعليكِ انا موجوده استمري ياعمري انا معاكِ حتى النهايه بإذن الله
رحبونتي ياعمري انتي وربي اني احبك استمري وخلاص ما عاد اديكِ برميل تاني
مره بفكر في شي تاني اقوى منوو هههههههههه قسم بالله ماتوب عن حركاتي
ههههههههههه المهم استمري ياحياتي الى الامام .....هاله يا مشرفتي الغاليه
ما تعرفي يا هلهوووله قد ايش انا اكن لكِ من الحب والاحترام في قلبي ويعلم الله
بذلك ...المهم احمدي ربك بطلت من البرميل والا كان اديتك احلى برميل هههههه
استمري يا عمري موفقه اهم شي انوو بنوووته بتشووف نقاطك كيف وتكوني
ماشيه على الهرم الغذائي ياسكره اوك موفقه حياتي ....شفوعتي ياعمري انتي
تسلمي على كلماتك الحلووه انا فرحاانه لانك انتي ماشيه تمام استمري يا قلبي
ما احلاكي يا عسوله خخخخخ ......بنوووته يا قلبي انتي يا مشرفتي الغاليه يارب
اكون ما ضغطت عليكِ يابنوووته بس صدقيني انا بدلعك عندي وبحمسك واشجعك
ماعرف اذا اسلوبي معاكي قاسي والا لاء اهم شي قبل كل شي انا احببببببك
ولازم تتحمليني خخخخخخخخخ بالقوه يعني ههههههه جنتة الطيووور هههههههه
الناس في الناس وانتي تبغيني اعلق على نظامك واكلك هههههههههههههههههه
وربي اكلك روعه وانتي روعه وكلامك روعه ويلا استمري اهم شي زي ما علمتك
عشان لمن تروحي لاهلك تكوني لوك تااااني غيررر لوك حلوو انسانه جديده
ياسلام وراح افرح لو قلتي اهلي تفاجئو مني ومن رشاااقتي من جد نفسي
اسمع هذا الكلام واااااااااو بطير من الفرح يلا ماعليكِ حطي يوميااتك وانا بعلق
عليهاا اقصد اليوم فهمتيني يا جنتي اللي هوا يوم الجمعه واللي فات خلاص
عدى وراح بخيروو وشروو اوك ياقلبي وانا احببببببببك مووت يا جنه موفقه يالغاليه
هدوووء فينك يا هدووء تعالي سويلي ازعااج شوياات افتقدتك وانا من طبعي ما
احب اتعرف على وحده وتغيب عني وتسحب علياا وربي اجلس افكر فيها واضرب
اخماس في اسداس الين ترجع عشان كدا ارجعي وطمنيني عنك وعن اختباراتك
يلا موفقه ياقلبي ....ام فصوولي يا دوباا دقيت عليكِ جوال ما رديتي ليش بكس
في عينك عشان تردي تاني مره ...سلامتك الف سلامه ايش صابك ياسكره
يلا موفقه وقدامك العافيه ويلا بلا احباط بلا هم قومي شدي حيلك واستمري
عشان قريب ابغى اشووفك سامعتني ؟؟؟؟؟؟؟؟؟؟؟؟ تفاحة الشمال ماعرف اذا
انتي بتستمري معايا والا لاء ؟ لأني حطيتك مع ام فيصل وعلى الله تجي يا توتو
يلا بسرعه انا بانتظارك وزي ما تعودتي عليا شروطي ماتغيرت احبك ويسلمو على
كلماتك الحلوه ........ذات العفاف يا امنا الغاليه يسلمو على رسالتك الخاصه
يعني هيا بالغصب يا عفعوووفه والا كيف ؟ خخخخخخخ اهوو شوفيني جيت يلا
اهم شي اشوووفك يا قموووره شوفي كيف انا ادلع امي خخخخخخخخخخخخخ
المهم حلوه يومياتك استمري وقولي لبنتك برضوو تاكل الاكل المفيد الصحي انا
اعرف وحده مره زيها ضعيفه بس حملت وجابت توأم ماشاءالله ...يلا ربي يرزقها
توأم ان شاءالله ماعليكِ معوضه خير بإذن الله ......قروووبه اموت واعرف فينك دي
المده كلها احتمال يكون النت قاطع والا تكوني سهرانه عند اهلك اوك انا بنتظرك
الين اشووف فين كنتي بعدين افكر اديكي بكس ولا كف والا بالعصا على قولة
عفاااف هههههههههههههههه .....اصولي وميووسه تمام عليكِ استمري وانا
بشوف يومياتك من اليوم وخلاص وقت ما تبغي تنسحبي لكِ الحريه في ذلك
انتي الان الحمدلله ما ينخاف عليكي تعرفيني من مده واتعلمتي كمان كيف تاكلي
وكيف ترتبي يومياتك وكيف كل شي وانا بذلك سويت اللي علياا تبغي تمشي
نصف ساعه امشي تبغي تمشي ساعه امشي تبغي ما تمشي لا تمشي
براحتك اعتمدي على نفسك اذا خرجتي من عندي واستمري الين توصلي الوزن
اللي تبغيه وبعدها كمان انتبهي على وزنك وبالتوفيق يا قلبي ....مجبووورتي فينك
انتي بس تطيحي ههههههههههههههههههه وتتقربعي على رجولك وربي نفسي
اشووفك وانتي تطيحي خخخخخخخخخخ انا اول مره اشوف وحده زيك خخخخخخخ
يلا انا استناكي على المسن كلميني .....بالتوفيق مجبوورتي وانا معاكِ لا تخافِ
حتى النهايه زي ما وعدتك ......مممممممم خلاص كدا يابنات بقي بس بس تبغى
تنظم لينا وانا بانتظارهااا ......يلا بنات شدو الهمه حتى نصل الى القمه بإذن الله .
الروابط المفضلة