صباح الخير
أنا زعلانة اوى
انا والله اتسحرت ونويت الصيام
بس الساعة 6 الصبح لقيت دق فى راسى
زى مايكون قلبى بيدق جامد اوى فى راسى
وقمت عملت كوباية شاى لانه هو اللى بيريحنى شوية لما باكون كده
والحمد لله دلوقتى بقيت أحسن شوية
بس زعلانة اوى ومخنوقة كده علشان ماقدرتش أصوم
ومش هافطر بقى ممكن بس آكل تفاح او كمثرى بعد ساعتين او حاجة
استنوا لما اقول لكم صدمة
بعد ماقلتلكم انى ماأكلتش مانجة
ماما صحت
وقالتلى
تعالى كلى معايا مانجة
هى على فكرة عاملة ريجيم بس تخفيف ومانعة الدهون وانا اللى باعمل لها الريجيم ده
وهى نزلت 6 كيلو فى شهر وانا اللى زدت اكتر من 3 كيلو
ههههههههههههههههههههههههههه
المهم
قلتلها لااااااااا يامامااااااااااا
عايزة تلخبطى انتى فى ريجيمك براحتك لكن ماتضيعينيش معاكى
قالتلى ليه يابنتى كلى معايا؟؟؟
قلتلها انتى مش عارفة ان المانجة والتين و الموز والعنب من الممنوعات؟؟
قالتلى ليه يابنتى هو مخدرات؟؟
هععععععععععععععععع
أمى بس فكاهية شوية
قلتلها ياستى احنا ممنوعين منها وخلاااااااااااااص
قالتلى ده حتى مش سكريات..دى المانجة من الأملاح
ههههههههههههههههههههههههههههه
قلتلها مامااااااااااااا لو سمحتى ماتاكليش مانجة وتضيعى اللى عملتيه طول الشهر اللى فات
قالتلى طب تعالى كلى معايا ده احنا هانصوم بكرة
بصوا بقى ياجماعة
الأم مدرسة
يرضيكوا أزعّل المدرسة منّى؟؟؟؟؟؟؟؟
لو انتوا رضيتوا انا ماارضاش
يعنى الجنة تحت رجليهم وانا مش هاخد المانجة من ايديها؟؟؟؟؟؟
ههههههههههههههههههههه( أقنعتينا يابنت) ههههههههههههههههههه
وياختىىىىىىىىىى
مش هاقول لكم على تأنيب الضمير بقى اللى اشتغل
وقعدت اقول لنفسى
علشان متعة لحظة أتعب انا كام يوم؟؟؟ (على أساس انى على رأى ماما أخدت مخدرات) هههههههههههههه
وكبّرت الموضوع
لحد ماالموضوع كمان بقى تخين اوى وهو كمان ناوى يعمل ريجيم معايا
لا وايييييييييييييييييييييييييه
كمان ماصمتش
هههههههههههه
يعنى اتسحرت وأكلت مانجة وماصمتش
احم احم
بداية مبشّرة وتدعو للتفاؤل
خير خير ياجماعة
اللى عايز يضرب يقف فى الصف
يلا ياطمطم ابدأى انتى
ايوة ايوة وراكى على طول مايااااااااااااااااا
نوووووووووودى...اقفى فى الصف يابنت
دودووووووووووو..كل ده ضرب؟؟والله لاوريكى يوم ماتلخبطى انتى كمان
شوشوووو ماتضربيش اوى كده يابت أحسنلك
دييييييييييييييينه..ايوة كده خلّى ضربك خفيف يارقيقة انتى
همووووووووووسة...سامحتينى؟؟؟ ماانتى قلبك أبيض اصلا
أمنية بقى فى المصيف ..هيييييييييييييييييييه الضرب هايقل شوية
ههههههههههههههههههههههههههه
انا شكلى كده رايقة على الصبح
اصل انا لما بالخبط
بيبقى حاجة من الاتنين
يايبقى يوم كئيييييييييييييييب
او بقى باحاول أخرّج نفسى من أى اكتئاب
وانا باحاول أخرّجنى دلوقتى منه
ان شاء الله هاتغدا 3 ملاعق رز وفراخ وخيار
وماتنسووووووووووووووش
ماتخلوش يعدى 3 ساعات بين كل وجبة والتانية
او على الاقل بعد كل وجبة ب 3 ساعات كلوا فاكهة او اى خضار
علشان الحرق يفضل شغااااااااااال
واحنا محتاجين 6 سنين حرق
يلا اصحوا بقى ايه الكسل ده
اه نسيت اقول لكم انى رقصت تقريبا نص ساعة كده
يمكن ده اللى مفوقنى شوية
اصل انا باسمع ان الرقص بيبعد الاكتئاب
نوووووودى..انتى فيييييييييييييييييييييييييييييييين؟؟؟
رد مع الاستدلال
الروابط المفضلة