للبحث في شبكة لكِ النسائية:
|
بذور الكتان .....(2)......لمن اراد المعلومة الصحيحة
(ركن التغذية والصحة والرجيم - منتديات لكِ النسائية - الأرشيف)
استكمالا لموضوع بذور الكتان ...وياريت يا جماعه بس نستنى نخلص الموضوع وبعدين هرد على كل التساؤلات حتى لا يضيع الموضوع :
* بذور الكتان تخفض ...
-
بذور الكتان .....(2)......لمن اراد المعلومة الصحيحة
استكمالا لموضوع بذور الكتان ...وياريت يا جماعه بس نستنى نخلص الموضوع وبعدين هرد على كل التساؤلات حتى لا يضيع الموضوع :
* بذور الكتان تخفض ضغط الدم باستمرار الاستخدام ...وده تجربه اجريت على عدد كبير من المتطوعين خلا 6 اشهر فى جامعه فى اليابان و غيرها ظهر تحسن ملحوظ فى ضغط الدم ...مش هيبقى صعب عليكى انك تاخدى معلقة كبيرة من بذور الكتان الجيدة الطعم صباحا و مساء كمكمل غذائى علاجى ...و الناس كلها دلوقتى بتاخده بس للاسف العرب ادمنو الكيماويات المهلكة .
* بذور الكتان تخفض مستوى الكوليسترول ..فى تجربة جميله على عدد من المتطوعين ..اعطى تناول بذور الكتان فى الدايت بمعدل (20 جم يوميا) وده المعدل الجيد اللى معظم الناس بتاكده ..اعطى الكلام ده نتيجة مشابهه للى اعطاه عقار الفاستاتين (زى الليبيتور مثلا ) ...بصراحة حاجة ممتازة ...وعلى فكرة كتير قوى من الاغذية بتدى نتائج مشابهه للادويه باستمرار الاستخدام بس احنا نايمين ...وخليهم يمصو فى دمنا كمان و كمان ..
* بذور الكتان مصدر رائع للالياف ...طب يا عمى و احنا هنعمل بالالياف ايه .؟؟؟ شوفى يا ستى الالياف هتسهل الهضم ..مش بس كدة دى هتمنع الامساك وده بالنسبة لمرضى البواسير خاصة ممتازة ...الالياف تقى من امراض القولون العصبى و سرطان القولون و جيوب الامعاء ....دى كمان بتحسسك بالشبع فتساعد فى الرجيم ...(وده دور الكتان فى الرجيم و مشوفتش بحث بيقول غير كدة علشان بعض المقلدين بيقولو ده خرافه )...الالياف من الحاجات اللى بتقلل امتصاص السكريات من الامعاء زى مبتقول بعض الدراسات يعنى مفيدة لمرضى السكر ..عاوزة اكتر من كدة ايه بس ...طيب و الله كمان دراسة بتقول ان تناول الالياف بصورة مستمرة بتقلل الكولسترول (ده غير الاوميجا 3 اللى موجود فيه كمان ) و ده طبعا قلل فى نفس الدراسة من حدوث الاصابه بامراض القلب بنسبة عالية ....
## عاوز اقول معلومة تغذوية هامة جدا ....احنا عندنا نوعين من الاوميجا ((اوميجا 3)) و ((اوميجا 6)) ...مصادر التغذية العالمية بتقول ان على اكثر تقدير النسبة لازم متزيدشى عن 4 اوميجا 6 : 1 اوميجا 3 ....وكتير من خبراء التغذية بيخلوها 2:ا ...طيب يا عمى ازاى الكلام ده ....ببساطة الاطعمة اللى بتدى اوميجا 3 منها بذور الكتان و الجوز والكانولا و طبعا زيت سمك بالذات سمك المناطق الباردة .....و تخيلو اللى بتدى اوميجا 6 منها زيت دوار الشمس و البذور طبعا و زيت الذرة وزيت الفول السودانى طبعا و الفول نفسه والدهون اللى فى الحوم و كمان الزبدة ...متهيالى معلومة ظريفه ...يعنى يا ستى قللى شويه من اللى بيدى اوميجا 6 و كترى شويه من اللى يدى اوميجا 3
وكفايه عليكم علشان شكلكم دختم .....وصدعتم
ودمتم سالمين
لا احلل نقل الموضوع دون ذكر كاتب الموضوع والمصدر
-
-
العفو وشكرا للمرور وياريت اللى عنده تعليق او مناقشة يتفضل
-
بصراحة انا عارفة ان زيت بذرة الكتان فعلا غني بالاوميجا 3 اكتر من زيت الزيتون ويمكن علشان كدة الناس زمان صحتهم احسن مننا لانه كان منتشر جدا فى مصر وكلنا طبعا نعرف الفول بالزيت الحار وفعلا الاجانب بيفضلوه جدا عالاكل بس طبعا اكيد مش حنشرب شرب منه يعني كفاية معلقة كبيرة على السلطة مثلا واعرف كمان ودي من مصادر موثوق فيها ان زيت بذرة الكتان ماينفعش للطبخ او التحمير لانه ماينفعش يتسخن ياترى دة صح ولا غلط؟
-
خبرة و الله يا اخت لولا ....بس عاوز اقول حاجة مهمة جدا ...ودى محل نقاش وجدل بس الصيحيح انك مينفعشى تحمرى بيه ...بس ممكن تطبخى ليه ..هتقولى طب و ايه الفرق ..اقولك ...التحمير يعنى وصول الزيت لدرجة غليانه هوة ودى بتكون عاليه 300 او 400 درجة و دى بتكسره صح بس الطبخ بيه يعنى انه مش هيوصل لدرجة 100 على الاكثر ودى بالنسبة للزيوت عادية ....وده سمعته من محاضرة دكتور عالمى فى التغذية ...علشان كدة لما بيتعصر بيتعصر مش على الساخن ..و شكرا ليكى
-
مشكور يا أخي وجزاك الله خيرا
-
-
-
جزاك الله خير
انا اعرف ان بذرة الكتان مفيدة ومنحفة على مدى طويل ( مثل ما قال د/ جابر القحطاني )
لكن فيه ناس مش خبراء يعني يقولون انها تسبب العقم صح ولا لا وايش اضرارها ؟ اذا كان لها اضرار
-
مشكورين على الموضوع الشيق
انا لزوجي تجربه مع بذرة الكتان بتنزيل الكلوسترول خلال شهر
وهاي معلومه حلوه كمان
إذا الشعب يوما أراد الحياة ،،
فلا بد أن يستجيب القدر !
ولا بد لليل ان ينجلي
ولا بد للقيد " أن ينكسر" ...
... هنيئا لأسرانا البواسل . .
هنيئا لأهالي الأسرى ’ ’
هنيئا للشعب الفلسطيني بأكمله . . .
هنيئا لفلسطـــين بأبطالــها !
كن في الحياة كعابر سبيل ..... وأترك وراءك كل أثر جميل..... فما نحن في الدنيا إلا ضيوف ..... وماعلى الضيوف إلا الرحيل
اللهمَّ إني أسألك في صلاتي ودعائي بركة تُطهر بها قلبي، وتكشف بها كربي، وتغفر بها ذنبي، وتُصلح بها أمري، وتُغني بها فقري، وتُذهب بها شري، وتكشف بها همي وغمي، وتشفي بها سقمي، وتقضي بها ديني، وتجلو بها حزني، وتجمع بها شملي، وتُبيّض بها وجهي. يا أرحم الراحمين.
مواضيع مشابهه
-
بواسطة banan halabi في ركن التغذية والصحة والرجيم
الردود: 5
اخر موضوع: 18-05-2009, 09:07 PM
-
بواسطة بنت الحزم في ركن التغذية والصحة والرجيم
الردود: 13
اخر موضوع: 29-04-2009, 04:22 PM
-
بواسطة fatmaabed في ركن التغذية والصحة والرجيم
الردود: 4
اخر موضوع: 24-04-2008, 12:33 AM
-
بواسطة Mou$A IdRiS في ركن التغذية والصحة والرجيم
الردود: 2
اخر موضوع: 30-08-2007, 05:09 AM
-
بواسطة شروووف في ركن التغذية والصحة والرجيم
الردود: 11
اخر موضوع: 10-07-2007, 11:07 AM
أعضاء قرؤوا هذا الموضوع: 0
There are no members to list at the moment.
الروابط المفضلة