رشيقات طووول السنه ( 18 )
بسم الله
نبدأ الجزء الجديد
تجمعنا له شروط اغلبكم حافظها بس حكتبها تانى وزاد عليهم روح التنافس بمجموعات جديده مع الاحتفاظ بالقوانين القديمه واى اخلال بيها فيه جزاءات بتطبق ( اللهم احفظنا ) نكتب الشروط الاول
شروط اجباريه
1 - الالتزام بالدايت 100 % ومفيش اعذار ( اللى حتقول معزومه وخبصت يا ويلها ) لاننا ببساطه ممكن نزوغ باكل كميات قليله فى العزومه والاكثار من السلطه
ولما تروحى بيتك مش تدخلى تتعشى لأ خلاص تنامى خفيفه (بشوف بنات بتروح من العزومه تتعشى يا عينى يا جبروتك )
2 - المشى 4 ساعات فى الاسبوع على الاقل قسميهم براحتك ( اللى مش ناويه تلتزم بالشرط ده متدخلش احسن ) عاوزه تعملى رياضه براحتك المهم يكون 4 ساعات
3 - شرب الماء كتير ( رايحه جايه تشربى صحيتى من النوم تشربى رايحه تفطرى اشربى تتغدى اشربى تضحكى اشربى الخ الخ الخ ...... )
مش عاوزه اعذار ( بطنى اصلها ايه او بنسى اشرب او الميه بتعمل معرفش ايه ) اتصرفوا بقى اتعودوا عليها حتبقى عاده عندكم
الماء ضرورى للجسم والبشره ونضارة الوجه غير انها بتخرج السموم
4 - الميزان كل اسبوع وحددت يوم السبت للوزن ( اللى عاوزه توزن الجمعه وتاخد الفرى ماشى اللى توزن السبت ماشى )
بس كتابة الوزن يوم السبت
الوضع ده مبدئيا بنائا على رغبتكم بس انا مش مقتنعه بيه بس حنجرب لو لقيت النتايج محبطه حيرجع كل 10 ايام
5 - اللى حيزيد وزنها حتكتب فى التوقيع ( انا دبدوبه كبيره ) بالبنط العريض
الحمله دى فيها انذارين الثالث طرد حنذر البنت المخالفه فى يوم التقييم بعد الميزان مرتين متتاليتين المره الثالثه حبطل اكتب ليها تعليق كل يوم لمدة اسبوع فضلت على حالها مضطره اسفه انى احذف اسمها من الحمله
الشروط الاختياريه ( بس برضوا اجبارى )
1 - تصوير الميزان وتحميله فى المنتدى ووضعه فى الرد
2 - شرب سوائل تساعد على الدايت ( جنزبيل بالليمونجريب فروت او برتقال
شاى اخضر
يا سلام عليه) كل على حسب ظروفك وتقبلك للمشروبات ده)
3 - حنختار كل كام يوم واحده مننا تحكى تجربتها مع السمنه والسبب اللى خلاها تبدأ ريجيم ودايت عاوزيننفيد بعض واعتقد ان مفيش اكتر من التجارب الحقيقيه تقدر تشجعنا وتعرفنا ان مفيش مستحيل بأذن الله
العك ممنوع والزعل مرفوع
طيب نيجى بقى لشرح المجموعات الجديده
كل اثنين حينافسوا بعض فى نهايه الاسبوع حنعمل نسبه للنزوووووول والالتزام بالشروط
الفائزه حتروح فى الفريق الذهبى ( درجه اولى يعنى ) والخاسره فى الفريق الفضى او البرونزى على حسب التزامها
بمعنى اخر اوضح كل اثنين مع بعض حينافسوا مين اللى تكسب وتطلع للدرجه الاولى والخاسره تنزل درجه تانيه
يارب تكونوا فهمتونى
واللى مفهمش فكرتى يسيب نفسه حيفهمها واحده واحده
المهم انكم تنافسوا بقوه للحصول على الفريق الاول الذهبى اللى حيتدلع اخر دلع منى جوايز وخلافه
فيه بنات اسمها مش موجوده وده وضع مبدئى لغاية لما يلتزموا معانا كل مجموعه ليها لون تلتزم بيه علشان اعرف افرغ يومياتكم وتبقى سهله عليه
تمام
مجموعة الاراده القويه
روزانا ـــــــــــــــ حوا
جنى ــــــــــــــــشوشو
مجموعة التحدى
جنا ــــــــــــــــ منى
حنونه ــــــــــــــ جويل
دودى ـــــــــــــــطاطس
سندريلا ــــــــــــ ندى
مجموعة الاصرار
ايمان ـــــــــــــ انوس
اكليل ــــــــــــــ اسماء
كيوى ــــــــــــــ عبوره
ملاحظه
احنا اتفقنا من الاول اللى حيزيد يكتب انا دبدوبه والشرط ده مش حتنازل عنه ومش عاوزه مناقشه فيه كتير لانى حطنش اى اقتراحات بخصوصه
كذلك الوضع مع الانذارات
عارفه انى قاسيه عليكم حبتين تلاته بس من غير كده حتبقى حملة تهريج وضحك وشات وانا عاوزه التزم وانزل من وزنى الى جانب الصداقه اللى بتجمعنا مع بعض
انا عملت اللى عليه وجددت الحمله بناء على رغبتكم وكمان اقتراحتكم فى حدود قناعاتى الشخصيه الباقى عليكم وعاوزه اخد منكم التزام وجديه ان شاء الله تبقى النتيجه حلوه ومرضيه للجميع مع خالص دعواتى لكم جميعا بتحيق حلمكم فى الرشاقه
اتفقنا
الروابط المفضلة