بسم الله الرحمن الرحيم
وبه نستعين والصلاة والسلام على اشرف النبين سيدنا محمد صل الله عليه وسلم سيد
الخلق والمرسلين


















مين فينا مابيفكرش فى الرشاقه

مين فينا محلمش يكون رشيق


مين فينا ماتعرضش لموقف
حسسه انه محرج بسبب وزنه سواء حس دا بنفسه او حد اتطوع وحسسه بيه
حاسه انك تستاهلى تقدير من الناس حوليكى اكتر!

طب بتكسفى من نفسك
حصل معاكى مره روحتى توزنى
قالولك لا مبيشيلش اكتر من 120 كيلو سوررى يا
فندم
طب حسيتى بايه ساعتها


روحتى تعملى شوبينج على لبس

وقالولك لا مافيش حاجه مقاسك
كل مره بترجعى بطرحه ماهى هى دى اللى بتيجى مقاسك هههههه
سامعاكى بتقولى على طووووول

نفسك
تطلعى لسانك للكام كيلو اللى قرفينك




يبقى انتى محتاجه اعادت تقييم لذاتك
تحبى نفسك تحبى صورتك ف المرايا بدل ماتستخبى ورا اللى جنبك فى الصور
اتحدى اللى تقولى انها بتحب التصوير فيكم

حاولى تبقى قد التحدى و تفرحى بميزانك

اللى خسو وحققو هدفهم مش افضل منك
انت مش ناقصه عنهم حاجه

تعالى نستفيد من تجارب الناس الناجحه اللى قدرت توصل لهدفها وتنزل فى

باذن الله هجيبلكم تجارب كتير

باذن الله هنقدر نحقق حلمنا مع بعض بس ف صوره مسابقه لطيفه حماسيه مولعه نار




المسابقه

الفكره دى من وحى البرنامج الشهير الرابح الاكبر من سنتين وشويه عملناها ومين معجبتهوش الفكره

وده رابط الموضوع فى اوله للى حابب يطلع عليه
مسابقه الرابح الاكبر الجزء الثانى مطلوب البدايه 27 -2 -2010




تعالو اشرحلكم
فريقين











فريق احمر و فريق ازرق








المنافسه هتكون لذيذه طحن كفايه نكون مع
بعض


المسابقه هيبقى دمها حامى و خفيف


وكل
فريق هيحاول يرفع من شأن فريقه حتى لو غلس بلذاذه طبعا على الفريق التانى

لازم الكل هنا يكون
عارف ان دى مسابقه

وقتها
محدد 3شهور واستمراريتها منوطه بالتزامكم وقوتكم
الفريق
الاحمر يكتب بالاحمر و دا اساسى والازرق يكتب بالازرق وده
اساسى

الشروط
هى:
ü الالتزام التام وعدم التخبيص و اليوميات ميبقاش فيها نشويات
وكربوهيدرات كتير على حس الرجيم الصحى و الهرم الغذائى و النقاط لا كل شىء بالمعقول و اليوميات تتكتب ف العام طبعا لو اليوميات متكتبتش 3 مرات فى الاسبوع
هتتشطبى من المسابقه
-قائده لكل فريق تشجعكم وتشد عليكم وترفع روحكم المعنويه لو ملتزمين هتجمع
يومياتكم وتعقب عليها وحده وحده وده عشان الناس اللى بيحبو يتابعوو يوميات غيرهم
تكون معروفه فى رد القائده فى تقريرها

*كتابة الوزن فى التوقيع وقت المسابقه النهارده والهدف خلال شهر قدام و شعار الخاص بالفريق فى التوقيع كل فرقه بلونها

ü
سيتم طرد البنت اللى هتلخبط بعد انذارها مرتين لو كررت هتتشطب من المسابقه

او متغيبه بشكل شبه دائم بدون اعذار حتى لو انا

ü الاوزان تتبعتلى على الخاص نهايه كل اسبوع هنوزن يوم الاحد قابل للنقاش معاكم
اعلان النتايج والنسب

هيبقى متجمع يوم بعد ارسال الاوزان
ü اللى متغيب كتير و مش فعال ومش بيخساو مش هيحترم اى قانون او هايجادل كتيير هيتشطب اسمها وهيتم اعلان عن مشتركات جدد الا لو فيه فعلا مشكله

نيجى لنقطه مهمه جدااا وانتو كلكم عارفينها الزعل
ممنووووووووووووع ابدا ابدا الزعل مش عايزن وجع قلب
لو لخبطتى هتلاقى عصايا طالعالك تزعلى مش مقبول
بنهزر كتير مع بعض فاياريت تكون المتقدمات مش من النوع اللى بيزعل من الهزار

نيجى لاهم نقطه بقى
المسابقه هتبقى 3 شهور
اول شهر عادى كلنا بنتسابق وكل شىء والمخالف هيتشطب اسمه بس
من تانى شهر
هنبتدى نصفى الفريق زى الرابح الاكبر تمام
كل اسبوع وحده من كل فريق هتطلع
لحد اخر اسبوع لاقوى اتنين هيكملو تحت رعايت القائدات
الفريق الخاسر هيتعرض لطرد اتنين
مطلوب منك كل اسبوع مع رساله الوزن تبعتى اسم بنت ترشحيها تطلع فى حال خسارة فريقكم
ومفيهاش زعل كل اسبوع لازم ترشحى وحده وهيبقى سر
اكتر وحده انتى شايفاها بتلخبط وهتخسر فريقك لانه هيتعرض لخساره اتنين منه بدل وحده


طبعا كل اسبوع لينا رشيقه وحده وليها شعار اكيد
وشعارات لصاحبة افضل يوميات والتزام و نشاط و رياضه وهكذا

وصاحبه اسوء وزن والتزام هيكون ليها شعار تحطه يدل على انها لخبطت ومفجوعه كمان
وهامشى وراها فى كل حته اقول التخينه اهى هههههه



نيجى فى الاخر بعد ال3 شهور باذن الله
الرابحه الكبرى ليها مكافئه عندى حفله نسرد فيها قصة نجاحها كلها وازاى وصلت للمثالى او لهدفها
و يومياتها

ودى حفله من حفلاتنا للرابحه الكبرى الاولى

دبدوبه بالحيل

حفله الرابح الاكبر ...... وبدايته فى ثوب جديد دبدوبه اكاديمى..


اوعو تفقدو حماسكم
واللى هالمحها فى قسم المعجنات وللا المخبوزات وتسلم ايدك ياعمرى ويسللم ايديكى يا مش عارف مين


خلو الحماس على اشده
عايزه منافسه ونقار ودم خفيف وناس جميله تحب بعض بروح خفيفه



اوعى تقولى بكره ابتدى دلوقتى فورا
ابتدى دلوقتى الوقت هيجرى مش هيستناكى


اصحى وفوقى من نومك

نيجى لنقطتين مهمين
اليوميات

لازم تكون فى نفس اليوم لان القائدات هيعملو التقرير الصبح فاول مايصحو هيعملو
يكون فيها الاتى

شعار اليوميات
الميه مش اقل من لتر ونص يوميا يعنى اقلها 8 اكواب وباكد ودى فيها انذار اصفر

الرياضه



نص ساعه فى اليوم مش هاطلب اكتر حسب مانتى تحبى مشى جرى ايروبكس براحتك شوفتو الا لو فى عارض مرضى

فى شويه مكملات وحاجات طبيعيه عايزاكى تشتريها
من الصيدليه

كالسيوم وفيتامين د3
زنك هيساعدك على الشبع مهم جدااااااااااا
وكمان ان ظوافرك و شعرك تحاولى تحافظى عليه زى ميجا فيت
مالتى فيتامين زى سنتروم
كو انزيم كيو 10 انزيم مفيد جداا
اللى عايز حاجه للحرق بتاع الكربوهيدرات
من غير ميكون ليها اثار جانبيه وخصوصا مرضى السمنه المصحوبه بسكرى

كروميم هيبقى مفيد معاها


مع ارق واجمل تمنياتى لينا كلنا وكل المنتدى وعضواته بالوصول للهدف فى ظل صحبه طيبه باذن الله

شعارات الفريق الاحمر والازرق
بليز حطوهم فى التوقيع من هنا وطالع



شعار اليوميات اللى هتتحط قبل كل يوميات
تسهيلا على القائدات للمتابعه


ده للفريق الاحمر



وده للزرق




وده شعار التقارير هتحطو القائده قبل كل تقرير





ده شعار ملكه الموسم بعد انتهاء الشهر
اكتر واحده نزلت ف الوزن خلال الموسم كله

وده شعار المثالى





وده شعارات ملكه الرشاقه الاسبوعى



وده شعار ملكه الاكل وعدم الالتزام الاسبوعى











ده شعار التقارير للقائدات قبل تقاريرها اللى بتعقب فيها على البنات

مبروووووووووووووووووووك

مبروووووووك الجزء الجديد يا بنات

مبروك الجزء الجديد



يومياتي لليوم الخميس

الفطار \5 تمر و2 م معكرونه
وبطاطا متوسطه مسلوقه

السناك \ ك وربع فشار وموزه

العشاء \ صدر دجاج ونص رغيف
الماء لتر
الرياضه\مشي مشوار ربع ساعه خارج البيت
و20 دمشي بنفس المكان مع حركات باليدين
و10 د رقص زومبا

ليزا اهلا
وجزء جديد ثاني من يديك بركه وخير
وبالنسبه للكريمات ما اقدر افيدك لانه حتى انا على طول السنه بشرتي تتحسس لاي كريم للوجه
جربت ومافي فايده
الله يشفيك ويفرجها عليكم يارب

دينا... سلامتك الله يشفيك وبالتوفيق وتسلمي لتوصيل السلام

ليموا تسلمي يا غاليه
وانا بصراحه احب الايس كريم بالبرد اكثر من الحر غرييبه هههههههههه

بوسي فين تكون خرجت النهار ده تتمشى يارب تكون مبسوطه

رسال كلت ايس كريم حتقول ايه روشا بعد الفري الكبير بتاع امس ههههههه
حلو الايس كريم بالهنا
ما اعتقد فيه مشكله اذا قلت لني مبسوطه بوزني ومتفائله بيه
والا ايه رايك يا قائده وينك اليوم

كراملا الله يستر
كل دول عندك هههههههههههه
الله يعينك وتقولي خايفه وزنك يزيد ماراح يزيد وانتي كل يوم عزيمه

كل البنات سلامي لكم

مساااااااااااااااء الفل عليكم يا احلي بنات معلش
اتاخرت عليكم كنت هدخل كالعاده بس النت كان بطئ ومعلق
اتعدل حبه دلوقتي بس سي السيد قاعد سهران
وحشتوووووووني
قريت كل كلامكو بس مش هعرف اعلق عملت لايك وحشتوووني
ومبرووووووووووووووك الجزء الجديد يارب خير علينا
يلا سلام قلت امسي
بكره الصبح اول ما اصحي هخش ابعت الوزن ويمكن معرفش ادخل تاني عارفين الجمعه ضايع عندي
جمعه مباركه عليكم كلكم يارب

يوميات الخميس 8-3
صيام الحمد لله
فطور=3معالق مكرونه ب5معالق لحمه مفرومه بدون اي دهون
ع=4معالق مكرونه ب3معالق لحمه مفرومه وقطعه لحمه مسلوقه وعودين خس
سناك=برتقال وتفاح
م=لتر ونص
م=بيبسي دايت
ر=نص ساعه زومبا

اهلا بوسي وانا كمان راح اروح
اشوفك بكره على خير ان شاء الله
سلااااااااااااام للجميع

منقول للافاده
والتشجييييييييييييع
وسمعونا صقفه



الحمد لله خسيييييييييييييييت بعد معاناه والله يابنات
ححكى لكم الحكايه م الاول
انا ف شهر 4 اللى فات 2011
كان جوزى بيقولى كتيييير خسى شويه وانا بصراحه كنت واخده الموضوع على كرامتى اوى ههههههههههههه
واقوله هو انا تخينه اوى للدرجادى انت محسسنى انى فيل عايش معاك ف البيت
انا كنت 75 كيلو بس قبل مانتجوز كنت 66 كيلو وهو كان شايفنى جسمى حلو بس طبعاا بعد الجواز والخلفه انا عندى طفلين ورا بعض
وهنا ف الغربه اللى انا فيها دى مافيش غير الاكل والقعده ادام التليفزيون وكل اللى مغتربه زى حتعرف ان هناا لحياه واالحركه مش زى مصر خااااااااااالص

بس حطيت الموضوع بقا ف دماغى
وف 25 - 6 - 2011 كان وزنى 74 وطولى 165
قررت ابدأرجيم اللى بجدددددددددددددددددددد مش تهريج ولا يومين وخلاص
صحى م النوم ف يوم لاقانى بقوله انا بدأت رجيم اليوم
عمل كده قالى فجأه كده ؟ قولتلو اة خلاص
انا كنت حنزل مصر 25-8
قلتله عشان لما انزل مصر وكان فرح اخويا فا اخدت دا حافز ليا بصراحه انى البس فستان حلو ف فرح اخويا
وبدأت
من غير ااااى دكتور ولا مشيت على رجيم معين بيتاع دكتور معروف ولا حتى كنت بطلع بره باب شقتى امشى ولاااااااا حاجه
كل اللى عملته انى اشتركت هنا مع جروب بنات زى العسل احلى جروووووووب واحلى بنات عرفتهم
وكنا بنشجع بعض جدااااااا وكل واحده كانت ماشيه على رجيم بيريحها كانت بس تدخل تكتب يومياتها


كنت بفطر واحده توست اسمر مع مسحه جبنه وشاى بلبن بمعلقه سكر ( دا كدا كدا سكرى معلقه من زماااااااان ) سكر عادى مش بدائل

بين الفطار والغدا كنت باخد زبادى او ممكن نسكافيه بلبن وبمعلقه سكر او شاى اخضر او تفاحه

الغدا كنت بتغدى شوربه عدس مع اتنين توست محمص - او قطعه بانيه مسلوقه او مستويه مع الخضار ف الفرن من غير زيت ولا سمنه
او علبه تونه مع خيار وطماطم وواحده توست اسمر - او حته لحمه مع خضار متسوى ف الفرن - او شوربه فراخ مع واحده توست اسمر
او فراخ مسلوقه وبقطعها كده زى الشاورمه وبقطع عليها بصل وفلفل وطماطم وباكلها بالشوكه - او قطعتين همبورجر مشوى مع اتنين توست اسمر محمص
او بطاطسايه مسلوقه من غير ملح مقطع عليها طمطمايه وباكلها بالشوكه -

العشا كنت باكل توست اسمر واحده مع بيضايه مسلوقه وخيار مقطع - او واحده توست مع زبادى وفلفل اخضر رومى مقطع - او توست اسمر مع حته واحده نستو
- او معلقتين فول مع خيار وشاى بلبن
وكنت بشر بميه كتييير - وبشرب كمون على لمون وقرفه كل يوم بعد وجبه الغدا
وكنت بشرب مرتين شاى اخضر ف اليوم

منعت الرز - والمكرونه - والعيش العادى - والبيبسى حتى لو دايت - والشيكولاته - وكل الالحلوياااااااات
كنت باخدهم ف اليوم الفرى لو نفسى اووووى فيهم

مشيت ع النظام ده لحد شهر 7 ودخل علينا شهر 8 وبدأ رمضان
وفضلت على نظاااااااااااااااااامى ده حتى ف رمضان بس بزود ف السحور اتنين توست بدل واحده
وكنت بزود قطعتين لحمه بدل واحده
وكنت بزود 5 معالق رز وسط الاسبوع مره + الرز يوم الفرى
كذلك المكرونه
كذلك الحلويات يوم وسط الاسبوع + اليوم الفرى
العيش لالالالا
انا قطعت تماما العيش الابيض سعراته عاليه ع الفاضى
انا مازلت مستمره ع التوسط الاسمر صحى اكتر ومفيد
وعلى يوم 24- 8 قبل ما انزل مصر بيوم كنت وصلت ل 65 كيلو انا كنت بنزل ف الاسبوع كيلو كان نفسى انزل اكتر بس جسمى كان بينزل بس كيلو
وجوزى كا يقولى كيلو رايح ومش راجع احسن ما تنزلى 2 او 3 كيلو جترجعيهم تانى بمجرد ما تكلى
ونزلت مصر بقا الكللللللللللللللل ماصدقش وزنى وازاى خسيت كده
اخواتى واهلى واهل جوزى والله

الكل هنا بقا يقولى حتنزلى مصر وترجعى وزنك اتخن م الاول بسبب اكل مصر والعزايم وكده

نزلت مصر وفعلا خنت خايفه
رحت لليدليه وقلت للدكتور عاوزة حاجه اخدها ومتخنش بس مش عاوزة اخس
قالى خودى اورليستات امن وكمان بيثبت الوزن خديه مع الوجبات الدسمه

اخدته شهر وااااااااااحد بس
وموزنتش طول ما نا ف مصر
وكنت لما اتقل اوى اوى ف الاكل كنت بعمل يوم واحد رجيم وسط الاسبوع اعوض فى لخبطه الاسبوع كلها
وكنت بنزل كتير ف مصر وبيت امى دور تالت من غير اسانسير

ورجعت هنا ووزنت يوم ماجيت
لاقيتنى كاااااااااااااااااااااااااااااااااااااام

62 كيلو يعنى خسيت ف 3 شهور 3 كيلو وطبعا كنت باااكل كلللللل حاجه وبعمل يوم رجيم ف وسط الاسبوع

ورجعت هنا لاكلى العادى بقا التوست الاسمر والطبيخ بزيت الذره وقللت اكلى شويه بس مش رجيم زى الاول قللت بس
ونزلت ل 60 كيلو
وكسرت ال 60 يوم 5 يناير - 2012 وبقيت 59.3 كيلو ( كنت مشتركه مع جروب بيتاع رجيم سعرات بنات زى العسل ماشاء الله عليهم شجعونى جدااا
وبفضل الله ثم بفضلهم كسرت ال 60 كيلو وانا معاهم وصلت ل 59 و 58 كيلو )
ويوم 26 يناير 2012- كنت 58.7

ووزنى يوم 1 - 2- 2012
57 كيلوووو ولله الحمد وطولى 165
ودا كان هدفى الحمد لله انى اوصل ل 57 كيلو وكنت حتى كاتبه هدفى ده ف توقيعى ووصلتلو بفضل الله
والله والله يابنات كنت لما بشوف لبس حلو واجيب منه xl كان جوزى يقولى هو دا حيدخل فيكى اقوله دا اكس لرج يقولى لالالالا دا مش حيدخل فيكى
وكنت بحس بأحباااااااااااط
حاليا اقسم بالله لما بيشوفنى جايبه حاجه مقاس كبير يقولى هاتى مقاس صغير دى كبيره عليكى دى هههههههههههههه
انا بلبس حاليا m يعنى مديم ولو عاوزه حاجه فضفاضه بجيب lL لرج تخيلو الحمد لله الحمد لله

ونظامى الحالى
بفطر توست اسمر برضو ( اصلى بحبه اووووووووى واتعودت عليه وباكله دايما سواء رجيم او لاء )
مع جبنه وبعد ساعتين باخد شاى بلبن وبشرب ميه كتير - وبعد ساعتين بتغدى مع جوزى نص الكميه اللى هو بياكلها باخد اصغر طبق ف البيت ليا
وبقوم دايييييييييييييما م ع الاكل نص بطن - وبعد الغدا ب 3 ساعات باخد فاكهه او كيك او قطعه شيكولاته او نص طبق كاسترد او اى حاجه حلوة نفسى فيها
وبعد كده ب 3 ساعات بتعشى جبنه وتوست او توست وبيض مسلوق وخلااااااااااااااااااااص
يعنى بقسم وجباتى بدل 3 وجبات تقال بخليهم 5 مثلا صغيرين ومافيهمش دهون كتير ولا سعرات عاليه

بالنسبه للرياضه
انا كنت بعمل رياضه يوميااااااااااااااا ايام ما كنت بعمل رجيم وحتى لما نزلت مصر ولحد ديلوقتتتتتتتى
مبطلتش الرياضه حتى من بعد ما وزنى نزل لااااااااا مستمره
وكنت بمشى ف البيت رايحه جايه ساعه مثلا وكنت بعمل ايروبكس الفيديوهات اللى البنات بينزلوها هنا كل يوم نص ساعه
وكنت بجرى ف البيت 10 دقايق وكنت بعمل تمارين البطن كل يوم وانا ع السرير قبل ما انام
وكنت برقص مثلا ساعه الا ربع
كللللللل ده كنت بعمل كل يوم حاجه من دول على مدار الاسبوع
الايام بس اللى بوقف فيها الرياضه هى اول ايام ف البيريود بسسسسسس لانى بكون تعبانه

ودى كل حكايتى مع التخن والرجيم وكل اللى انا عملته عشان اخس
انا كتبت الموضوع ده بغرض الافاده اقسم بالله مش اكتر ولان بنات كتييييييييييييييييييييييييييييييير
بعتولى ع الخاص بسبب توقيعى يسألونى خسيتى ازاى
وفى كمان بنات سبحان الله كان متبعين توقيعى ايام ما كانت حاطه اهداف و لما اتحقق هدفى ف الوزن بعتولى يقولولى مبروك
كنا متابعين توقيعك وهدفك لوصولك للوزن اللى نفسك فى ( جزاهم الله خير بنات جدعه وزى العسل ربنا يكرمهم )

يارب اكون عرفت افيد اى بنوته نفسها تخس ومش عارفه عشان معاها عيال زى كده او مغتربه ومش بتتحرك زى كده
نفسى بجد والله افيد اى حد بتجربتى دى
وادعووووووووووووووولى يابنات انى اثبت ومرجعش للتخن تانى ياااااااااارب ويديم عليا الصحه عشان خاطر ولادى
وافضل ف عيون جوزى احلى واحده ( زى ماهو بيقول عليا ديلوقتى هههههههه دايما يقولى جوجو الموزة بيتاعتى ههههههههههههه )