السلام عليكم
انا مشتركة جديدة طولي 166 سم ووزني 76 كغم
متزوجة وحامل بالشهر التاني ..
انا نفسي اغير عاداتي الغذائية لانو متأكدة ازا غيرتهم رح يتغير وزني وانحف .. طبعا مش الوزن هاجسي وانما الشكل .. بس مثلا انا ازا نحفت 10 كيلو وصرت 66 كغم ما رح اكون بشكل متناسق زي ما بدي بس مقبول نوعا ما لحتى اكمل مشواري وما اضل متعقدة من لبسي وشكلي ..
حبيباتي انتو هلأ رح تحكو اني حامل ولازم ما افكر بالريجيمات والبيبي محتاج اكل مشان يتغذى ..
بس انا برأيي انو البيبي محتاج أكل صحي فقط !!!
يعني انا مو مفكرة اعمل ريجيم معين بس حابة اخفف الشيبسات والحلويات والمقالي من أكلي .. وممكن اكلهم مرة كل اسبوع مثلا ..
واللي رح تفكر انو ليش هلأ اجيت اتشاطر واخفف وزني مش من قبل ، جوابي الها انو انا طول عمري بحاول اخفف وزني وما زبط معي ، بحاول اغير من عادات الأكل بس برد برجعلهم !!!
كل مرة بحكي خلص رح اخفف اكل حلو ولما اشوف حلو باكل بشكل كبير ما بكتفي بقطعة او قطعتين ..
السؤال :: للصبايا اللي نحفو ... كيف عودتو حالكم على نظام اكل والتزمتو فيه ؟؟؟
وكمان سؤال :: بتعرفو صبايا حوامل وقررو ينحفو ونحفو بفترة الحمل ؟؟
صراحة أنا قرأت تجربة بالمنتدى هون وهي رابطها بس الموضوع قديم ::
http://www.lakii.com/vb/a-8/a-780272/
انا كلي أمل اني اغير عاداتي واصير اكل بشكل طبيعي !!
انا صراحة مو ناوية الغي الخبز والرز لأنو بعرف ما رح أضل طول حياتي وانا لاغيتهم .. بس حابة اكل بمقدار يكفيني وبدون زيادة ..
إزا عندكم ايا نصائح تفيدوني فيها بكون شاكرة الكم ..
الروابط المفضلة