PLEASE ANA M3AKOOOOO
HA2BDA2 MN BOKRA
للبحث في شبكة لكِ النسائية:
|
PLEASE ANA M3AKOOOOO
HA2BDA2 MN BOKRA
إيمى يا حبيبتى آآآآآآآه أقولك إيه ولا إيه,أنا لو قعدت أتكلم مش هخلص والله,الواحد مليان يا إيمى والله على آخره,مع إنى قررت ماشتكيش والحمدلله أنا طبعا بحمد ربنا على كل شىء,بس عارفة تيجى بالليل وتتجمع عليكى الهموم بقى وحملان الهم أول ماتعرفى إن فى مناسبة ولا أى حاجة كانت محتاجة خسران وزن,بجد بضايق من نفسى مووت وأقول أنا ليه مخستش فى الأجازة أو فى الوقت اللى كنت عايزة أخس فيه عشان أبتدى حياه جديدة بقى خالية من الضغط وحملان الهم والإكتئاب واللى مش عارفة هتيجى إمتى الحياه دى(والله ماإعتراض)بس بجد أصل أنا بقالى فى الموال ده فيما يعادل 5 أو 6 سنين, وقضيت سنين الجامعة كلها فى الهم ده بدل ما أتمتع بأحلى سنين عمرى لأ ضيعتها فى الإكتئاب وعدم الثقة بالنفس والهروب بقى من الرحلات والتجمعات وما إلى ذلك,عارفة الموضوع ده كان محزنى أوى,بس والله بقول الحمد لله لأن أكيد ربنا ليه فى كده حكمة(ولا إنتوا رأيكوا إيه؟) وبقول أبدأ حياه جديدة من دلوقتى بس برده لسه زى ما أنا وبجد تعبت وإتخنقت, وكل ماأقول هبدأ على مهلى ألاقى حاجة طلعتلى زى الخازوء نكدت عليا,زى من شوية عرفت إن فى حفلة تخرج وأكيد غالبا مش هاروحها لأنها السبت الجاى إن شاء الله ولو إتنططت مش هالحق أخس,كان نفسى أروح بشكل جديدوالناس يشوفونى خسة ولو مرة فى حياتى لأن أد إيه الرفع بيفرق فى الشكل وبيخلى شكلك أحلى وأصغر,فرجعت إضايقت ومش طايقة نفسى إنى حتى مخستش فى الأجازة دى و قاعدة أقول لو كنت عملت ريجيم فى الأجازة كان زمانى خسة ورايحة شكلى حلو وعاملة نيولوك(إستغفر الله العظيم على قولة لو بس أعمل إيه غصب عنى والله),لكن كالعادة مش هاروح زى مابقالى 5 سنين بتهرب من الأفراح والمناسبات لما بجد تعبت وإتخنقتتتتتتتتت وحسة إنى هانفجر خلاااص,أنا رغيت كتير بس أنا لسه فى قلبى كتيييييييير لو قعدت أقوله هصدعكوا فكفاية عليكوا كده إنهارده بس المشكلة بس إنى بكتبلكوا وأنا لسه عارفة الخبر عشان كده تلاقينى مشحونة أوى,إيمى بجد لازم تصبرينى وتشجعينى وقوليلى أعمل إيه,قوليلى أى كلام حلو يخلينى أبدأ وأنا متفائلة شوية,لسه فى أمل يا إيمى ولا خلاص سنين الخسسان راحت ولا إيه؟خلااااص بصى قولى أى حاجة فى أى حاجة بس عشان خاطرى هدينى وشجعينى وإكتبيلى كلام كتير برده زييى,إوعلى ألاقيكى ردة عليات فى جملة ولا حاجة (شكلك هتتخنقى) وياريت يا إيمى لو تفضفضيلى إنت كمان وتحكيلى كانت حياتك عاملة إزاى مع التخننننننننننننننن(q؟((ربنا يخلصنا منه يارب)بس خلاص ياحبيبتى كفاية كده إنهارده معلش يا إيمى إستحملينى بس بجد كنت مشحونة وعلى آخرى,وإن شاء الله نبقى صحاب.نوسة.
نوسة حبيبتى
ليه كل ده يابنتى؟؟
انتى فكرتينى بيا فعلا بس ماكنتش وصلت للدرجة الصعبة دى من الاحباط
أصل فى الاول وفى الاخر التخن ده مش مرض وصعب نتخلص منه زى بعد الشر أمراض مستعصية تانية
ده مجرد نتيجة لحاجة
ايه هى الحاجة دى؟؟؟ اكل كتير+ قلة حركة+
يبقى نعمل اييييييييييييييييييييه؟؟
انا ياستى كنت فى أول مابدأت أعمل ريجيمات كنت 84 كيلو
وفى مرة نزلت ل 63 كيلو الحمد لله
طبعا ده ماكانش سهل علشان مااضحكش عليكى
وفى نفس الوقت ماكانش مستحيل
بس كنت مثلا أشمّ ريحة المحشى (وماأدراكى ماالمحشى) وأبص لماما واخواتى من فوق لتحت واقول لهم (بردو مش هاضعف)
وكانوا يستغربوا جداااااااااااااا لما يلاقوا ارادتى حديد كده وانا قاعدة آكل فى سلطة ولا باشرب فى ميّه علشان املى معدتى
وهما قاعدين ياكلوا فى حاجات حلوة ومغرية
بس الحمد لله فعلا ارادتى كانت حديد
وعلشان كده كنت بكافئ نفسى
بس مش مرة كل أسبوع
لأ كنت عاملة لنفسى كده نظام
انى لما أنزل 4 كيلو أخرج مع أصحابى ونتغدا بره ونعيش بقى فى اليوم ده
ال 4 كيلو دول كنت بانزلهم فى اسبوعين
فتلاقينى طول الأسبوعين شغالة رياضة وريجيم على أمل انى أنزل ال 4 كيلو وأخرج وآكل زى الناس
وفى أحيان كتيرة كنت بعمل ريجيمات سريعة زى ريجيم الموز او البطاطس المسلوقة وكنت بانزل تقريبا 6 كيلو فى 9 ايام
بس ماانصحكيش بريجيم النوع الواحد ده غير لما يكون عندك مثلا فرح او مناسبة خلال أسبوع او اسبوعين ويكون مافيش وقت خاااااااااااااااااالص علشان اولا الوزن بيثبت بعد النوع الواحد ده فترة ثانيا الوزن بيزيد بسهولة اوى بعد كده
لكن لو عملتى ريجيم صحى وتنزلى حتى 4 كيلو فى الشهر فمش هاتزيديهم بسهولة أبدااااااا
وده عن تجربة
أنا كمان بدأت موال الريجيمات ده من 5 سنين تقريبا يعنى فى اول دخولى الجامعة
بس ده مامنعنيش لا من رحلات ولا من مناسبات ولا أى حاجة
لانى كنت واثقة ان اللى بيروح مابيتعوضش
وكنت بضربها طنااااااااااااااااااااااااش
فكنت بعمل كل اللى نفسى فيه وبقول ايه يعنى تخينة تخينة جسمى وانا حرة فيه حد له حاجة عندى ماكل واحد يشوف اللى فيه قبل مايركز معايا اوى كده؟؟؟ وبعدين مشكلتنا احنا الكلبوظات بقى اننا داااااااااااااايما حاطين فى بالنا ان الناس كلها مركزة معانا اوى ومش وراهم حاجة غيرنا مع اننا يابنتى مجرد حاجة بتعدى ادامهم وممكن ماحدش ياخد باله مننا اساسا
بس الواحد اللى بيتحرج يمشى ادام الناس ده بيبقى واحد عامل له عملة مش مجرد واحد تخين وبشوية ارادة هايخس
يلا يلا بلاش دلع ابدأى معايا
ده انا والله من كتر ماكنت ببقى مبسوطة من نفسى ووصلت لدرجة ثقة جامدة اوى ان نزول الوزن ده حاجة مش صعبة أوى يعنى
بقيت أسيب نفسى اتخن براحتى وانا واثقة انى لما احب أخس هاخسّ ان شاء الله
بس ده طبعا تفكير غلط
بدليل انى اهو اتزنقت جدا فى الوقت وفرحى بعد شهرين والمفروض أنزل 15 كيلو
بس ان شاء الله هانزلهم وانتى كمان هاتنزلى اكتر منهم لو شلتى الأفكار الوحشة دى من دماغك
وروحى الحفلة يابنتى
وقلى لكل أصحابك أنا عندى مفاجأة ليكم بعد شهرين
واتحدى نفسك وقولى انا خلاااااااااااص التزمت بكلمة يعنى لازم يكون فعلا عندى مفاجأة
وحاولى تنزلى فيهم على أد ماتقدرى
أنا فى أول شهر دايما بانزل 8 كيلو وفى تانى شهر 5 تقريبا
علشان النزول الأكبر هو اللى بيكون فى الأول
وانتى لو نزلتى 13 كيلو بيتهيألى هايفرق كتير معاكى وهاتكونى فعلا مفاجأة
هااااااااااااااا...مش رديت فى جملة ولا هاتخنق ولا حاجة الحمد لله
بس ياريت بقى فى الآخر نلاقى ارادتك مكسرة الدنيا
طب ممكن ريجيم خاص فقط بالارداف لاني عندي ارداف وجوانب ونفسي انحف الفخاو والجوانب ارجوكي
الله يسهلك وينزل وزنك وزني 15 كيلو يارب
ياايمو ياعمري والله انتي كمان وحشتينا وتعرفي لما اشوفك فاتحة موضوع جديد تتفتح نفسي للرجيم
بس ان شاء الله نريد ننزل من وزننا جامد خلال الشهرين القادمين وانا والله بجد اتشجع بحماسك وفعلا انتي سبب في تشجيعي
خلينا نظل نحمس بعض وانا اوعدك اني كل يوم ادخل اكتب ايش اكلت
اليوم ما قدرت افطر لا اكلت حاجة بالجامعة
لما رجعت الظهر اكلت شوية دجاج وشوية خبز
بعد فترة 4 ساعات اكلت قطعة همبركر مشوي وسلطة
طبعا لسة اكلي ما منظم بس من بكرة ببتدي انظم وجباتي اكثر
وانتي شنو سويتي؟؟
إيه يا إيمى الجمال ده,أهه ده الرد ولا بلاش,أصل الردود غالبا بتبقى سطور مفسفسة كده مش باينة لكن شوفى ردك كده حلو إزاى يخزى العين الله أكبر,والله أحسن حاجة يا إيمى إنك مأرفتيش نفسك فترة الجامعة وأظن ده من إيمانك بربنا برده ,بس أنا الحمد لله دلوقتى تفكيرى إلى حد ما إتحسن عن زمان شوية,لسه في بس شوية كلاكيع بسيطة كده تروح بإذن الله مع الوقت,أنا خلاص معنتش عايزة أندم وياريت إنت كمان تكرهينى فى الندم ده بشوية كلام positive منك كده(معلش هنتعبك معانا بقى (أهه نستغلك شوية قبل ماتتجوزى وتنسينا))لأن فى الأول وفى الآخر الندم مالوش لازمة,ومبيعملش حاجة غير إنه بينكد عالواحد وبس....ما علينا هارحمكوا من الرغى بتاعى إنهارده,ويارب يارب يارب ربنا يقدرنى وأتشجع بيكوا وأخس إن شالله 4 كيلو فى الشهر زى مابتقولى,والله أنا خلاص بقيت راضية بأى حاجة,إن شالله كيلو والله حتى الكيلو بيفرق(ووووه خلاص بقى كفاية رغى كل ما آجى أنهى الكلام الكلام مايخلصش)عامة هحاول أواظب عالكتابة إن شاء الله we c u later ba2a ya 2amar.
ماشى يا ست ايمان
عندك حق 400+700=1100
معلش الظاهر انى من كتر السهر مع الواد ابنى دماغى خرفت
على فكرة انا عندى بيبى صغير اسمة كريم عمرة شهر واحد
بس مورينى النجوم فى عز الظهر
عقبالك كدة ان شاء الة
اكتبلك بقى على نظامى النهاردة
الفطار عدد 1 نسكافية فقط
=80
الغدا قطعة لحم 200س
طبق صغير رز قولى 400
معلقتين كوسة اصلى ما بحبهاش=20
كوب شوربة = 100
برتقالة =62
اليوم= 862
وشربت كوبين شاى اخضر بسكر الدايت
واللة نفسى اقلل عن كدة بس مش عارفة
يلة ربنا يستر واعرف اخس عن كدة
ودى معلومة على الماشى
الشاي الأخضر يساعد على حرق الدهون، فيساعد الشاي الأخضر على تسريع عملية الأيض لأن تأثيره المضاد للأكسدة يساعد الكبد على أداء وظيفته بشكل أكثر فعالية، وفى دراسة جديدة أجريت على رجال بدناء أن شرب الشاي الأخضر ثلاث مرات يومياً يحرق 200 سعر حراري إضافي يومياً، وأن من يتناولون الشاي الأخضر زادت لديهم الطاقة بشكل كبير ، وهو يخفض مستوى السكر في الدم والذي يعتبر مسؤولاً عن خزن الجلوكوز على شكل دهون. (ويستعمل كحمية غذائية على المدى الطويل)
حـــــــــــوريا
آخر مرة عدل بواسطة s_houriaaa : 26-11-2008 في 08:09 PM
ماشاء الله ماشاء الله ايه الهمه والنشاط ده كله عيني عليكو بارده
الف مبروووووووووووووووووووووووك يا ايمان علي كتب الكتاب والدخله القريبه ربنا يتمم بخير
هتنضمي لركب المتزوجات هههههههه
وعلي فكره مش شرط الواحده تتخن بالجواز الي بيخلي باله بيمسك نفسه ويبقي تمام
انا عن نفسي اتجوزت وحملت مرتين ومتخنتش الا بعد مفطمت ابني التاني ومن الطفاسه والفجعه عالاكل وقلة الحركه لاني اشتريت سياره وسوقتها
المهم
انا معاكو انا بقالي اسبوع عامله ريجيم النقاط بس مش ملتزمه اوي نقصت كيلو واحد حلو ومن غير رياضه
اليوم بداية اسبوع جديد عندي
صحيت متاخره اكلت تفاحه فقط
الغدا صينية سمك و5 ملاعق رز صياديه
واكلت قطعتين شيكولاته صغيره لان السمك والتوم عامل عمايله بعيد عنكو
واتمني اني ابتدي امشي نص ساعه
ايه رايكو فرضت نفسي عليكو وكتبت يومياتي كمان
اهلا بيكى يا ست نايس
منورة المجموعة
تقليل الوجبات فى حد ذاتة جميل
بس قللى شوية من الشيكولاتة لان سعراتها الحرارية باتكون عالية جدا
وحاولى تشربى الشاى الاخضر 3 مرات فى اليوم
والقرفة والجنزبيل بعد الوجبات الدسمة
بس استفسار كم وزنك وطولك
ويا ريت تفهمينى يعنى اية رجيم النقاط
حـــــــــــوريا
الروابط المفضلة