هاي يابنات

انا حابه اسووي ريجيم بس وزني مو وايد ابي انزل 5 كيلو لان ابي يصير وزني 50 كيلوو

بحثت بالنت وهالموضوع عجبني والريجيم يناسبني وايد طبعا انا لمن انزل 5 كيلوو بوقف الريجيم لان موزين اكثر من 50 انزل

بس الصراحه انا اعرف نفسي مو قووية اراده كلش فأتمنى انكم تشاركووني وانا بكتب يومياتي اول بأول منو تبي تشترك معاي بلييييز

السبت . الافطار . جبنة قليلة الدسم 100 جم + توست + شاي أقهوة ( أنا أحط شريحة جبنة قليلة الدسم وهي متوفرة فوق 1 شريحة بريد بر مع شاهي طبعاً أحط السكر الخاص بالريجيم فقط لا تفركرين تحطين سكر مع الشاهي ولا نقطة هههههه تعذيب صح ) عالعموم اللي يبي الدح مايقول أح ...
الغدا . 2/1 دجاجة مشوية + سلطة خضراء + خضار مسلوقة .. ( الخضار تجي مجمدة في أكياس بس أسلقيها )
العشا . كوب كبير عصير برتقال ( طازج طبعاً أنتي تعصرينة وأنتي ماتشوفين الدرب ) + علبة زبادي قليل الدسم كليها طبعاً آخر الليل مو مع البرتقال ( يازينك وأنتي تاكلين عصير وتشربين برتقال )

الأحد . الأفطار . 2 بيضة مسلوقة مع شاي ( بدون سكر الا من سكر الريجيم )
الغدا . سمكة مشوية كبيرة + صحن سلطة خضراء ..
العشا . شابورة ( طبعاً بر ) مع قطعة جبنة ( اللي ذكرتها فوق """) مع شاي أو قهوة ( شاي اكيد )

الاثنين . الافطار . بيضة مسلوقة + برتقاله + شاي أو قهوة
الغدا . لحم مشوي غير محدود الكمية مع حبة طماطم أو خيار ( أنا أستبدلته بدجاج ) ...
العشا . كوب حليب قليل الدسم ويفضل منزوع + شابورة ( بر ) ...

الثلاثاء . الافطار . شريحة جبنة قليله الدسم + توست ( بريد بر ) + شاي أقهوة .
الغدا . نوع واح من الفاكهة ... ( أنا كنت آكل التفاح ) ......
العشا . لبن قليل الدسم مع توست ( بريد بر )

الاربعاء . الافطار . 7 حبات تمر مع قهوة طبعاً مو شاي
الغدا . دجاج مشوي بدون جلد غير محدود الكمية .
العشا . 3 بيضات مسلوقات مع توست .... ( أنا كنت أحط البيض في المقلى من دون زيت وأقلقلة .. وأحط شوية جبنة فيتا قليلة الدسم علشان يلينة ) ...

الخميس . الافطار . مفتوح الغدا . مفتوح
العشا . مفتوح
الجمعة . الافطار . جبن قليل الدسم + 2/1 خبزة + عصير برتقال ...
الغدا . لحم مشوي غير محدود الكمية ( أستبدلية بدجاج اذا تبين ) + لبن قليل الدسم ويفضل منزوع ....
العشا . مفتوح
ملاحظة : مفتوح تعني اختيار أي وجبة مما سبق في الريجيم ( لا تستانسين واجد ) ..

عالعموم أنتي بس سوية عشرين يوم يعني أسبوعي و6 أيام = 3 أسابيع وروحي الدوااام وأنتي مستانسة وقولي عذاري ماقالت .. رهيييب واذا حسيتي بالجوع مررة بين الوجبات كلي هوى أقصد كلي تفاحة

منقوووووووول

يازينك انتي ورجيمك

انا مشيت بهالريجيم 10 ايام
وفعلا محفت فيهم بس باليوم الحادي عشر صابني هبوط ودوخة وفقر دم لأني اجتني الدورة الشهرية وما اخدت مقويات حديد او ما عوضت بأكل يرفع نسبة الحديد
ومن تجربتي بهالريجيم بشجعك انتي والاخوات عليه لأنه فعلا فعال ومنوع وما بتحسي بالجوع بس يا عسل لا تغلطي غلطتي وحاولي ادعمي وجباتك بما يرفع نسبة الحديد مثل اكل الزهرة او الملفوف او الفلفل الحلو او البندورة او اخذ حبوب للحديد من الصيديلة يومي حبة واحدة وهيك بتصير امورك تمااااااااام
بالتوفيق

ان شاء الله بجربو لحسن انا محتاجه انقص على الاقل 5 كيلو
تسلمي على النظام الحلو

تسلمووون حبيباتي

ركازر يازينج انتي

بسبوسة شاميه مشكوووره عالنصائئح

ام نوني اشكرج ويالله نبدأ >> انا بدأت من اليوم والله يثبتنا

وانشالله يضبط اليوم لان صديقتي بتتعشى عندي :/

أنا أببدأ فيه من بكره إن شاء الله لأنه بكره السبت ..لأني محتاجه أنقص 10 كيلو تقريباً ..
ومافيها شيء لو نقصنا 5 معاها ..يكون أحسن ..بس في شيء ممكن أستبدله بـ نص دجاجه مشويه ..لأني أحسها كثيره..يعني اقدر أستبدلها بشريحه وحده همبرغر..يعني شريحه لحالها..بدون شيء ..

مشكورة اختي على البرنامج للرجيم

الله يوفقك

مشكوووووووورين عالمرور

القلعه الزرقاء اكييد ممكن تبدلين بس انا افضل الديايه عشان اشبع لوووووول وانقث من الاكل

انا راح ابدأ ان شاءالله من بكره السبت
وكل وحده جربت هذا الريجيم تكتب لنا كم كان وزنها قبل وكم صار بعدين حتى نتشجع
والله يوفق الجميع