السلام عليكم
هذي اول مشاركه لي بالمنتدى واتمنى تعجبكم
وزني كان 140 والحين صار 95 تبون الحل؟




بعد
بعد شوي



اخر مره
من يوم انا صغيره وانا اسوي ريجيم من عمري كان 12 سنه
مليت طقت جبدي يوم وصل عمري 18 وزني زاد بسرعه وبدى يزيد وكل ماسوي ريجيمانقص من وزني 30 او 35 كيلو وارجعهم مره ثانيه مشكلتي كانت مو تنزيل الوزن مشكلتي شلون احافظ على الوزن الي وصلتله ادري طولت عليكم
الحل هو عملية تحزيم المعده عمليه ممتازه نزلت من وزني 45كيلو مافيها جوع ومن سويت العمليه ولا مره زاد وزني وانشاله اوصل للوزن المثالي.

مشاءالله عليج مشكورة على موضوعج والله يعطيج العافية

الله يسهل عليج .. بس ترا هاي العملية مو كل حد يقدر يسويها .. بس اللي وزنهم يزيد عن حد معين ..
جزاك الله خير ..

هذه العمليه لفئه من الناس يعنى مو الوزنها زايد عن الطبيعى 10 كيلو تسوى العملية لها ظوابط مشكورة

اختي بنت الكويت اريد معلومات وافيه و بالتفصيل عن عملية تحزيم المعده
و اين عملتيها وكم كلفت و.......... الخ
ارجو المساعده مع الشكر.

هلا umhamad
بالنسبع للعمليه سويتها بالكويت طبعا بمستشفى مبارك الكبير عند دكتور شاطر لان هالعمليه بالذات ماتقدرين تسوينها عن اي دكتور.
كلفتني قيمة الحزام 850 دينار.والعمليه بدون فلوس لان المستشفى حكومي.
على فكره هالعمليه مو اي وحده تقدر تسويها لازم وزن معين قوليلي وزنج وطولج واقولج اذا تقدرين تسوينها ولا لا واذا تبين اي معلومات زياده انا بالخدمه.

حبيبتي بنت الكويت أنا وزني 70 كيلو و طولى 154 سم فشرايك و لو سمحت شنو إسم الدكتور إلي سويتي عنده العمليه ؟ و متى سويتيها و كم المده إلى ظليت حاطه فيها الحزام ؟

هلا فيج sabrina بالنسبه لج ما تقدرين تسوين العمليه لان معدل كتلة الجسم عندج=29
ومن شروط العمليه ان يكون معدل كتلة الجسم=40 ومافوق
اسم الدكتور موسى خورشيد جراح معروف عندنا
والعمليه سويتها شهر 11/2000 والحزام للحين موجود ماشلته ولا افكر اشيله لاني مرتاحه عليه
وبعد ماوصلت للوزن الي ابيه.
اذا تبين اي استفسار انا بالخدمه.

شكرا جدا بنت الكويت .

العفو sabrina .