كل سنه وانتم طيبين

العيد خلص وخلص العك والتخبيص على راى رشيقتنا جنا الروح( عيد.... بأي حال رحلت يا عيد....

بوزن زائد...ـام بكروش فيك يزيد... )

عاوزين نبدأ من جديد بدايه قويه اكيد الكل اكل اللى فى نفسه ومحدش حرم نفسه من حاجه نلتفت لصحتنا ورشاقتنا ونعتبر اللى فات كان اعاده لنشاطنا وتجديد للهمه

اكتشفت حاجه غريبه جدااااا وانا باكل الفته بتاعة العيد ان الاكل فعلا نعمه بس بتروح لذة الاكل بعد ما نقوم من السفره اما نعمة الصحه بيفضل جمالها موجود معانا طول ما احنا بنحافظ عليها وطبعا الصحه دى امانه عندنا من الله لازم ننتبه ليها ونحافظ عليها

والريجيم مش معناه الحرمان لان انظمة الريجيم كتير ومتنوعه ممكن ناكل كل اللى نفسنا فيه بنظام السعرات او النقاط وكل واحده تتبع النظام المناسب ليها ولاسرتها يعنى الموضوع مش صعب

جددوا نيه الريجيم وحطوا هدف قصادكم للوصول ليه

تجمعنا له شروط اغلبكم حافظها بس حكتبها تانى لانى زودت حاجات بسيطه عليها علشان توافقوا عليها مره تانيه لان اى اخلال بيها فيه جزاءات بتطبق ( اللهم احفظنا )

شروط اجباريه

1 - الالتزام بالدايت 100 % ومفيش اعذار ( اللى حتقول معزومه وخبصت يا ويلها ) لاننا ببساطه ممكن نزوغ باكل كميات قليله فى العزومه والاكثار من السلطه

ولما تروحى بيتك مش تدخلى تتعشى لأ خلاص تنامى خفيفه (بشوف بنات بتروح من العزومه تتعشى يا عينى يا جبروتك )

2 - المشى 4 ساعات فى الاسبوع على الاقل قسميهم براحتك ( اللى مش ناويه تلتزم بالشرط ده متدخلش احسن ) عاوزه تعملى رياضه براحتك المهم يكون 4 ساعات

3 - شرب الماء كتير ( رايحه جايه تشربى صحيتى من النوم تشربى رايحه تفطرى اشربى تتغدى اشربى تضحكى اشربى الخ الخ الخ ...... )

مش عاوزه اعذار ( بطنى اصلها ايه او بنسى اشرب او الميه بتعمل معرفش ايه ) اتصرفوا بقى اتعودوا عليها حتبقى عاده عندكم

الماء ضرورى للجسم والبشره ونضارة الوجه غير انها بتخرج السموم

4 - الميزان كل اسبوع وحددت يوم السبت للوزن ( اللى عاوزه توزن الجمعه وتاخد الفرى ماشى اللى توزن السبت ماشى )

بس كتابة الوزن يوم السبت

الوضع ده مبدئيا بنائا على رغبتكم بس انا مش مقتنعه بيه بس حنجرب لو لقيت النتايج محبطه حيرجع كل 10 ايام

5 - اللى حيزيد وزنها حتكتب فى التوقيع ( انا دبدوبه كبيره ) بالبنط العريض

الحمله دى فيها انذارين الثالث طرد حنذر البنت المخالفه فى يوم التقييم بعد الميزان مرتين متتاليتين المره الثالثه حبطل اكتب ليها تعليق كل يوم لمدة اسبوع فضلت على حالها مضطره اسفه انى احذف اسمها من الحمله

الشروط الاختياريه ( بس برضوا اجبارى )

1 - تصوير الميزان وتحميله فى المنتدى ووضعه فى الرد

شرب سوائل تساعد على الدايت ( جنزبيل بالليمون جريب فروت او برتقال شاى اخضر يا سلام عليه) كل على حسب ظروفك وتقبلك للمشروبات ده)

2 - لكل مجموعه قائده تشجعهم وتحمسهم وتكون قدوه ليهم

وممكن تنظم لهم جدول للرياضه والتمرين لو حبت

3 - حنختار كل كام يوم واحده مننا تحكى تجربتها مع السمنه والسبب اللى خلاها تبدأ ريجيم ودايت عاوزيننفيد بعض واعتقد ان مفيش اكتر من التجارب الحقيقيه تقدر تشجعنا وتعرفنا ان مفيش مستحيل بأذن الله

زودت مجموعة الرشاقه لاصحاب الوزن المثالى لمتابعتهم فى تثبيت الوزن

بتمنى من البنات اللى حتشترك تقدر

شدتى عليكم لانه كل فى مصلحتكم

العك ممنوع والزعل مرفوع

اللى عاوزه تجدد اشتراكها تتفضل بعد قراءه الشروط جيداااا

علشان منزعلش من بعض

لان تقييمى بعد كل ميزان مش على نزول الوزن لكن على تطبيق الشروط الاجباريه

اتفقنا

البيانات المطلوبه للكل جديد وقديم لانى بعمل تحديث للبيانات

الطول

الوزن

حنبدأ دايت فعليا وتسجيل اليوميات من يوم السبت

كتابة الوزن الجديد اجبارى

يلا بالتوفيق لينا كلنا بأذن الله

هيه هيه هيييييييييييييي.....اخيرا أنا اول وحده ترد...الف مبروك الجزء الجديد ويارب يكون فاتحة خير علينا
طولي 163 ووزني الحالي63,800

مبروك التجمع الجديد عليكم جميعا
الطول 160 الوزن الجديد 78

بسم الله الرحمن الرحيم

السلام عليكم ورحمه الله وبركاته

واخيرررررررررررررا وصلنا لجزء جديد وبدايه جديده باذن الله

انا الحمدلله ناويه التزم واكون قد الحمله وموافقه على كل شروطها

وان شاء الله ربنا يوفقني وما اخل باي شرط

طبعا ابتدي بكتابه معلوماتي من جديد
الطول 168 سم
الوزن بعد العيد للاسف اصبح 67

يالا راح اعتبر نفسي مشتركه جديده ومن اليوم

اما شعااااااااااااااااري

الرشاقه..الرشاقه.. الرشاقه
يعني الصحه يعني الذوق والاناقه

انا بكتب بهذا اللون حاليا بانتظار حبيبتي ندى تعيد ترتيب صفوفنا من جديد

اما بالنسبه لموضوع الوزن الاسبوعي اتمنى ياندى تعيدي النظر فيه والاسباب معروفه مافي داعي اوجع راسكم بيها

اليوميات اليوم الاربعاء

الافطار بيضه مسلوقه نصف صمونه شاي بحليب

الغدا شوربه الكرنب(الملفوف) مع خضار منوعه وحبه كبه

للاسف وزتني نفسي اكل رافييلو لكني عوضتها في
الرياضه وكانت ثلث ساعه مشي سريع تخللها هروله وركض

الماء لحد الان نص لتر لكن متواصله باذن الله

العشا حيكون شي خفيف لسه مش عارفه

ندو حبيبتي خطيبي فرحني بخبر انو مده السفر اتقلصت من 3 اشهر الى شهرين وانا طايره من الفررررررررح

تحياتي لكم واحده واحده واحشيني مووووووووت

azayakom
mabrook el goza el geded
salamy leko koloko
wahashtoony awy
tates
mesafra
we betsalem aleko awe
hatergaa
kaman yomen
yawmeyati
f=kob shay
g=regyf molokia we qtat lahma sogayra
a=zabadi we hetet golash
maya= letren
reyada=mashy nos saaa
wazny =waznt we zedt
momken ykon galat

السلام عليكم

مبروووووك الجزء الجديد

انا للاتسف رجعت للتسعين ........ قمة الاحباط ... بس شو اعمل ؟؟
الله بعين

السلام عليكم
مبروك افتتاح الجزء الجديد
ندى
بالنسبة لموضوع الميزان انا صعب جدا جدا انزل ناو لانى مش حنزل من بيتنا قبل يوم الاتنين الجاى بس احتمال انزل الجمعة لو نزلت حوزن وكمان لان الراجل اللى بوزن عنده فى محطة الرمل يعنى صعب جدا انزل عشان اروح هناك
يومياتى
الفطار
نسكافيه
الغدا
3 كفتة مشوية+طبق سلطة كبير+كركديه
المية شربت كتير اول ماقمت وقبل الغدا حوالى لتر الا رع حتى الان
الرياضة بليل

ياهلا باحلى بووووووووووووسي كات

سلميلنا على طاطس وترجع بالسلامه

مبروووووووووووك الجزء الجديد

انا وزننننننني زااااااااااايد صار 72

يعني زدت كيييلووو


ياسلاام وااااااااااااااء

كتبت بواسطة rozana

السلام عليكم
مبروك افتتاح الجزء الجديد
ندى
بالنسبة لموضوع الميزان انا صعب جدا جدا انزل ناو لانى مش حنزل من بيتنا قبل يوم الاتنين الجاى بس احتمال انزل الجمعة لو نزلت حوزن وكمان لان الراجل اللى بوزن عنده فى محطة الرمل يعنى صعب جدا انزل عشان اروح هناك

ما توزنى جنب البيت يا قطه هو لازم تنزلى كله مره محطة الرمل
الصيدليات كتير جنب بيتكم
اخر ميعاد لادخال الميزان يوم الجمعه علشان انزل المجموعات ( بدانا المعاكسه والمشاكسه ) هههههههههههههههههه

كتبت بواسطة { الآء }

السلام عليكم

مبروووووك الجزء الجديد

انا للاتسف رجعت للتسعين ........ قمة الاحباط ... بس شو اعمل ؟؟
الله بعين

محدش يبص كان كام وبقى كام اعتبروا نفسكم بدأتم حمله جديده ودايت جديد
اتفقنا مش عاوزين احباط
حنزل وزنى يوم الجمعه ان شاء الله