ربنا معاكى
للبحث في شبكة لكِ النسائية:
|
ربنا معاكى
السلام عليكم..
كيفكم يا أحلى صبايا.. ما شاء الله على هالهمة و النشاط و التشجيمع.. و إن شاء الله تكون قوة الإرادة قوية كمان زي التشجيمع..
أنا اليوم آخر يوم بأول أسبوع من الريجيم الكيميائي.. بس ما شاء الله بنطلوني الجينز صار بجنن على.. بس خلال أسبوع هيك صار البنطلون كيف بعد 3 أسابيع.. بدي بنطلون جديد و أصغر.. ما هيك.. صار مقاسي 8 بالمقاس الأمريكي...
و كمان بدي أحكيلكم شغلة يمكن تشجعكم أكتر.. كنت عند جارتي إمبارح و شفت عندها قريبتها.. بس شو جسمها بجنن عود قصب.. لما روحت الست تميت شوي عند جارتي فبحكيلها ما شاء الله على قريبتك بتجنن و لا هالكسمات بياخدوا العقل.. حكتلي لو تشوفيها قبل 3 سنين ما بتعرفيها و ما بتصدقي إنها هي.. قلتلها خير شو مالها.. حكتلي من 3 سنين كان وزنها ما شاء الله 120 كيلووو.. و هلأ بجوز وزنها من شكلها 55 كيلوووو.. قلتلها معقول.. قالتلي والله..
هي الست اتبعت ريجيم البروتين.. و عندها قوة إرادة.. قالتلي ما كانت تاكل غير لحوم (أسماك و دجاج و لحم بقري) و الخضار الخضراااا.. ما كانت تاكل فواكه و لا خبر.. و امتنعت عن السكريات نهائيا.. بس ما شاء الله عليها..
عقبال عندكم.. يا رب جميعاااااااا...
Hermione...
أختي أنا متلك ما بحب البيض كتير.. و أصلا ما بفطر كل يوم بيض.. و إزا كنت جوعانة و مطرة آكل بيض باكل بيضة وحدة..
الأسبوع التاني من الريجيم كله بيض.. أكيد راح أختصر كل اليوم على بيضة أو بيضتين بس... يعني ما تفكري كتير بموضوع البيض.. اعمليه و إيمت ما خطر ما جعتي و كانت الوجبة فيها بيض كلي بيضة وحدة..
عفكرة اخترعت طريقة كتييييييير طيبة للبيض.. بمقلاة القلي بحط شوية و عليها البيضة و بحطلها ملح و فلفل أسود.. و بغطيها بغطا المقلاية و بحطها على نار هادية لتستوي منيح من جواااا و من براااا.. بتطلع متل البيض المسلوق و شكلها بيض عيون.. بس طعمها كتيييييييير طيب..
الله يوفقك يا رب و تعملي هالريجيم...
شكرا للجميع على التشجيع و أنا من طرفي راح شجعكم.. يالله شدوا الهمة مقاسي كان 12 و صار هلأ 8.. خلال أسبوع واحد بس... و كيف من هون لنهاية الريجيم يعني بعد 3 أسابيع..
مجدو وينك ما بينتي هاليومين.. إن شاء الله يكون المانع خير..
و هلأ سلام للجميع..
و على قولة مجدو..
أودعناكن....
ما شاء الله عليكي
لما اخلص رجيمي ان شاء الله ابدا رجيمك
بس ليش كل الناس تهرب و تخاف لما تسمع رجيم كيميائي
ارجوك جاوبيني بامانة
ومشكورة
يلا ياجماعه نشجع بعص وانا بدات معاكم الرجيم فعلا
وكل يوم ندخل نشجع بعض ونقول احنا اكلنا ايه النهارده
ونقول احنا خسنا اد ايه
ومشكوره ام ايه علي تشجعنا
ربنا معاكى يا ام ايه وتنزلى وزنكم المطلوب
والله كلامك يا ام ايه حلو وبشجع....بس احكيلنا اول كم يوم ما كنتي تجوعي؟ومثلا وقت بقولو عالغداء دجاج مشوي او لحم مشوي يعني القصد اي كميه ولا كميه معينه؟ومارستي الرياضه والا شو ساويتي؟وياريت تقوليلنا كم كيلو نزلتي بهاللاسبوع ؟شكرا سلف
السلام عليكم...
كيفكم يا صبايا..
شكرا على تشجيعكم إلي.. عندي إلكم خبر بجنن..
أنا اليوم وزنت حالي طلعت نازلة 4.5 كيلو خلال أسبوع من الريجيم الكيميائي...
بس شو انجاز.. الحمد لله عقبال عندكم.. و هي دفعة تشجيع للجميع.. 4.5 كيلو مو قلال مناح.. ما هيك و لا شو رأيكم.. من ناحية لعب رياضة ما بلعب.. بس بكفي شغل البيت و الركض ورااا بنتي آية.. و طلباتها هي و أبوها.. و لا شو رأيكم..
الروابط المفضلة