السلام عليكم..
كيفكم يا بنات أحلى منتدى في العالم.. كل عام و إنتوا بألف خير..
بعرف إني انقطعت فترة شهرين تقريبا.. بسبب انقطاع النت عندي.. و كنت حابة أشارك بمسابقة رمضان و كنت متحمسة.. بس الحمد لله على كل حال.. تجري الرياح بما لا تشتهي السفن..

بلشت من يوم الأربعاء 14\11 الريجيم الكيميائي.. معظمكم راح يحكيلي عن خطورته.. و بشكركم مقدما على نصائحكم.. الرب واحد و العمر واحد.. و ما حدااا راح يموت ناقص عمر.. و لي مكتوب على الجبين لازم تشوفه العين..
أنا جربت هالريجيم زمان و نفع معي و ثبت وزني فترة سنتين و نص... بس بعدها ولدت و بعد الولادة سمنت.. و سبب سمني إني كنت برضع طبيعي و بجوووووع كتييييييييير.. و خصوصا بالليل.. و كنت أصحى آخر الليل و آكل كل ما هب و دب.. و أرجع أنام.. و غير هيك احملت مرة تانية بعد شهرين من ولادتي الأولى.. بس ربنا ما كتب لحملي التاني يكمل.. و خلال حملي التاني انتفخ جسمي كتييييييييير بجوز وقتها وصل وزني لل 85 كيلووو.. والحمد لله هلأ نويت أرجع وزني زي قبل يعني لل 60 كيلوو..
و لي بتحب تشاركني الريجيم أهلا و سهلا فيها.. هلأ باليوم الرابع من الريجيم.. و الحمد لله صامدة.. وزني نزل 2 كيلو لحد هلأ..
http://www.lakii.com/diet.php?doWhat...&articleid=111
هي الريجيم الكيميائي.. إلي بتحب تعمله.. و إن شاء الله كل يوم راح أدخل و أحكيلكم كلمتين عن ريجيمي إن ماشي تمام و لا خبصت.. و إن شاء الله ما أخبص..
كمان شغلة مهمه.. ما تحكوا راح نبلش أول الأسبوع أو من أول الشهر.. ياما كنت أحكي لحالي هالكلمة و ما أبلش.. فسبحان الله بديت من نص الأسبوع.. لإنه بلحظه القدرة و النية بتيجي فجأة...
و كمان شغلة أنا حاطة صورتي و أنا عروس (يعني أيام النحافة جنب إيد باب التلاجة) مشان كل ما يخطر ع بالي آكل أشوف صورتي و أحكي لحالي هي أنا و هيك راح أكون.. و هيك راح تم إن شاء الله.. جربوا هالطريقة و إن شاء الله تفيدكم..
وزني حاليا 75 كيلو...
بعرف إني طولت عليكم بالحكي بس حابة أحكيلكم إلي عندي... و الله يوفقني و يوفق الجميع...

هلا والله
كيفك يا قمر..
من يومين كنت ناوية أبعت نداء ودور عليك..........

شو أخبارك وكيفا أيوش
الله يخليلك إياها..

اشتقنالك يالله شدي همتك عالريجيم..

أنا بديت بالريجيم القاسي للدكتور محمد ربيع

وببقبى بفوت بحكيلك وبتحكيلي..
ومنشكي همومنا لبعض....هههههههههههههه


يالله
أودعناكن....

السلام عليكم..
كيفك يا أحلى مجدوووووو.. إلك وحشة كبييييييرة هااااااااااااااااااااااااااااااااااااااااااااااااا اااااااااااااآآآآآد و أكبر..
كيفك و كيف صحتك و كيف بناتك.. و كيف إجازتك إن شاء الله تكوني انبسطتي..
أنا زي ما أنا بسمن شوي و بنحف شوي.. إجا رمضان كتر الله خيره خلاني أرجع أسمن شوي.. و بعده العيد و ما أدراكي ما العيد و معمول العيد.. الله وكيلك جربت أعمل معمول.. ما شاء الله طلع بشهي.. و ما تم حدااا ما رحت و اعملتله معمول..
و هلأ ناوية و نية قوية قبل العيد الكبير أكون بنيو لوك.. إن شاء الله.. الله يستر و يصبرني.. و الحمد لله صامدة و صابرة..
الله يوفقك يا رب..

اليوم الربع من الريجيم و الحمد لله مر تمام التمام..
و على قولة مجدو...
أودعناكن....

إيه والله إم آية
لازم نكون بنيو لوك
وأنا كمان صرلي شهر عم حاول أعمل ريجيم وكل مرة بقول يالله ببلش بكرة!!!!!!!!!!

بس انشالله هالمرة منكمل

بدنا تشجيع ومنوصل انشالله
أنا وزني 76

وأقل شي لازم لل 60 إزا مو أقل((عقولتك))

يالله
أودعناكن...

الله يوفقك ... وان شاء الله ترجعي زي الاول واحلى
وبالتوفيق

السلام عليكم..
كيفك يا مجدو.. كيف الريجيم معك اليوم..
اليوم الحمد لله اليوم الخامس و الريجيم تمام التمام...
مع إني اعملت بان كيك و اشتهيت آكل لو قطعة صغيرة.. أروح و أرجع عالمطبخ و أحكي لحالي ما فيها شي لو أكلت لقمة صغيرة.. بس الحمد لله اتحديت حالي و نفسي الدنيئة.. و ما أكلت و لا لقمة.. الحمد لله إرادتي هالمرة قوية كتييييييييييير.. بتعرفي تاني يوم بالريجيم اعملت كيكة جزر.. بس مشان أشوف حالي بقدر أقاوم و لا لأ... و الحمد لله قاومت.. مع إنه في لسااا من كيكة الجزر عندي بس الحمد لله ما عم بقرب عليها مع إني بقعد بطعمي آية..
ع فكرة كمان بطلت آكل شو بزيد من وراااا آية.. صرت أحط الأكل الزايد بعلبة صغيرة و أحكي لحالي هاد أكل لآية لكمان شوي أو لبكرة..
الحمد لله على هالإرادة القوية..
اللهم أعطي كل صبية هالإرادة القوية... اللهم آمين...

nahooola.... شكرا إلك كتييييييييييييييييييييييييييييييييييييييير عالتشجيع و إن شاء الله ربنا يوفقك و يحققلك أمنياتك

ام ايه برافو عليكي وانشاءالله توصلي للوزن المطلوب
انا كمان متلك كان وزني يوم عرسي 58 كيلو.......ومالي عرفانه ارجع لوزني القدييييييييم...حاليا (يعني من كم يوم) صايرة من بعد الساعه 6 باليل ما باكول شي ابدا....حابه اعمل الريجيم الكيميائي بس خايفه اضعف....انشاءالله راح حاول قوي حالي وبلش فيه وخبرينا انت شو عم يصير معك

سبحان الله كنت حابه اكتب موضوع خاص فيني علشان ابغى احد يسوي معاي رجيم كيميائي ويشجعني
انا متحطمه كثير لاني كنت 86 قبل ثلاثه شهور
والحين تفاجئت لما رحت ووزنت وصرت 90 كيلو وابي احد يشجعني ويعمل معاي رجيم كيميائي لاني نفسي انزل الى 86 بسرعه وارجع على الاقل زي مااكنت وبعدها اعمل انضمه ثانيه خصوصا اني من النوع الي نزولي صعب
حبيبتي اختي ام ايه ارجو ا ان انتساعد وتشجعيني لاني صايره ضعيفه جدا عند الاكل
راح ابدا من اليوم
كنت ابي اخذ رايك انا افطرت قطعتين بيتزا وكذا بيصير خرب علي وشرايك اكمل من الغدا واعيد بكره اليوم الاول ولا ايش اعمل انصحيني

}{}{ }{}{ }{}{ }{}{ }{}{ }{}{ }{}{ }{}{ }{}{ }{}{ }{}{ }{}{ }{}{


}{}{ }{}{ :: هلا ام اية :: }{}{ }{}{

بالتووووفيييييييييييق ياااا غااالية ....

وانا كمان بديت رجيم من اسبوع
وزني طول الاسبوع كان ثابت والميزان ما تحركـ لان كنت بستخدم الرجيم اللكيتون ..
وغيرتي رجيمي من يومين واليوم الحمد الله حن علي ونزل كيلوو ..
عقبال الـ 10 كيلو .
طولي 160
وزني قبل الرجيم 65 ونص
هلاء 64 ..
الوزن المطلوب 55
ادعووولي ..
مع حبي اختكـ زينة


}{}{ }{}{ }{}{ }{}{ }{}{ }{}{ }{}{ }{}{ }{}{ }{}{ }{}{ }{}{ }{}{