بسم الله الرحمن الرحيم
حبيت افيدكم في رجيم منقول من عالم حواء وفي وايد ناس سوة وينصحون بهالرجيم وانا اليوم انشاء الة ببدي على الرجيم هذا والرجيم يحتوي على:



طبعا اهو مقسم الى اربع اجزااء:
-اول جزء اهو اول 3 اييييام طبعا ما تاكليين شى غير الزباادي وطبعا يكون قليل الدسم ومسموح بشرب اللبن والحليب بس قلييل الدسم ولا تاكليين شى غيرهم في اول 3 اييام0

-ثاني جزء بيتكون من اليوم4+5+6 وبس تاكليين فيهم فوااكه كل انواع الفوااكه ماعداا المنجاا والعنب والتمر والمووز0

-وثالث جزء بيكون من اليوم7+8+9 وبس تاكليين فيهم خضاار انواع الخضار سوء كان مسلوق او ني الى يعجبج بس خضاار وما تاكليين بطاطس تقولين مسلوق معليه لانه البطاطس يسمن كان مسلوق وله مغلي يسمن يعنى لا تقربينه 0

- والجزء الرابع والاخييربيكون اليوم10+11+12 وبس تاكليين لحوم يعنى دجااج ولحم مسلوق او مشووى بس الى تبي الاحسن تاكله مسلوق صج يلوع الجبد بس مسلوق يحرق بسرعه يعنى معى المسلوق تنزلييين اسرع


وانشاء الة يابنات يفيدكم هالرجيم ولا يطوفكم وتعالو اشتركو معاي عشان يصير بينة تنافز وانشاء الة بس اخلص هالرجيم بقولكم كم وصل الحين انا وزني 72 وطولي 160 وانشاء الة ابي اوصل ل50 ادعولي يا بنات

وينكم يا بنات ??

نشكرك أختي الكريمة على نقل هذا الرجيم لكن مثل هذه الرجيمات التي تعتمد على نوع واحد من الاطعمة اضرارها اكثر من منافعها فالجسم يحتاج إلى تنوع في المواد الغذائية وليس تركيز على نوع واحد ....

لكن اختى اسيرة نوع من هذا الرجيم جربتة والة كان وزني 87 وبعدين صار 70 وصارلي تقريبا سنة او سنتين ما ضرني ولا شي

وفي وايد بنات مجربينة ونتائجة جيدا ومرضية واليوم لي اول يوم ما حسيت بالجوع اابدا مع علم اني كنت مسوية قبلة رجيم

ويا ريت من البنات ينضمون معى في هذا الرجييم

انا ناطرة ردودكوم

بسم الله الرحمن الرحيم
شكرا لك جدا على الرجيم سوف أتبعه ولكن بعد ما أخلص الرجيم إلي الحين متبعته..
و تقريبا أنا نفس الوزن ونفس الطول
وإن شاء الله تنافس شريف وممتع

هلا اختي اياسمين
حياج اللة معانا بالرجيم

حبيبتي انا حابه اقلك على معلومه صغنطوطه بس مررررررره مهمه
الي ينزل بسرعه يرجع بسرعه
واساليني انا لاني اخذه الدكتوراه في الرجيم
فالافضل انه يكون على هونه ويكون معاه رياضه
يمكن هذا نستعمل هذا الرجيم الي قلتيه اذا مثلا حاطين عينا على لبس معين او اشترينا حاجه وتورطنا في المقاس
او عندنا مناسبع وزدنا قبلها بكم كيلو يفشلون الواحد قدام الناس فممكن نعمله
بس مو دايما طبعا
عموما مشكوره حبيبتي
تحياتي لك..........

هلا اختي

ورد القمر

صح كلامج الى ينزل بسرعة يطلع بسرعة ولكن يطلع في حالة وحدة اذا خلص ن الرجيم وسيدة على الاكل الدسم اكيد راح يمتن بس انا قبل شسوي اني اول ما خلص الرجيم كل يوم اضيف مقدار شوية من الاكل لين يكتمل الاكل عندي وهذي انا عملت الرجيم من زمان ولا كثر ولا شي وانا لحين ما كثر وزني ولا شي


وتقبلي تحياتي

هلا اختي هذا رجيم يهلك الجسم ويسبب فقر الدم اساليني انا اول ذابحة نفسي من الرجيمات

والنتيجة مضاعفات كثيرة
الحين صايره اتبع نظام اختي وسام ....

باركولي يا بنات نقصت كيلوووووو في اول يوم وبكرة بكمل ثاني يوم يعني الحين صار71

بس كليت رووووب وشربت 3 قلصات حليب يعني بصبح قلاص وبلغدا وبلعشاا

تصدقوون عااد اليووم الاهل مسوين مجبوس وهمبرقر وبطاط ولا كليت وجايبين على لعشااء بيتزاا تجنن وما كليت لوووووووووول واختي ماتدري اني بديت في الرجيم وتقولي ككاوج في لثلاجةة ههههههههه قلتلهاا عطي حق اليهال هههههههه