تحدي ال 100 يوم لأكثر من 100 كيلو
*********

كفــــــــــــــــــــــــــــايه




دي الكلمه اللي دايما بقولها لنفسي بعد ما أكل اكله كبيره و انا عارفه انها بتخن بس الضمير ده مش عارفه ليه مبيطلعش قبل ما افتح بقي و مش بس هنا




كفـــــايه:

1. عدم ثقه بالنفس.
2. اللامبالاه و انا عارفه ان الناس شايفني تخينه و بقول اعمل ايه يعني.
3. اللامبالااه تاني لما يعجبني اللبس في المحلات و معاكي فلوس في شنطتك و بردو مش عارفه تشتريه.
4. اختيار اذواق في اللبس مختلفه عنك و بقول عجباني اوي مع انها مش عجباني اوي بس ده اللي جه مقاسي.
5. حتى في الجواز لما يتقدملك واحد و مش مرتحاله أهلك يقلولك فكري كويس و هما في عنيهم فكري يابنتي .. انتي مش كل يوم هيجيلك واحد كده.
6. كسل و فرجه على التليفزيون و تشوفي دي رفيعه ازاي و دي حلوه ازاي و انا زي ما أنا
7. الإحساس اني مش أنا و أكني مسجونه جوا بني آدمه تانيه بشكل تاني.
8. الخوف من التصوير و كل محد يصورني اقول لأ مبحبش أتصور خالص.
9. حتى في الخروج اتكسف اخرج في أمكان مفتوحه او فيها جري و تنطيط عشان الناس متضحكش عليا و يا سلام لما أصحابك يقلولك رايحين نركب خيل تقولي لأ انا بخاف أوي مع اني ولا بخاف و لا حاجه بس صعبان عليا الحصان ده لو رضي هو أساسا.
10. عدم إهتمام بنفسك.

و ده أهم حاجه الاهتمام بالنفس أو حبي نفسك و مع اني الاول كنت بقول لأ اللي بيحب نفسه يبقى أناني بس كذا مره ربنا يخليني أقراه حاجات بالصدفه كلها بتقول أذا لم تكن قادراً على حب نفسك فلن تستطع حب الغير.

عشان كده هتعلم أحب نفسي مثلا لما بنحب حد و يبقى عيان بمرض مزمن مش ممكن نعمل اي حاجه عشان نساعده و نشوفه رجع زي مكان و مرضه راح ده ان شاء الله اللي هعمله لنفسي ، مش هقول تاني أنا عاوزه أخس لو قدرت أخس 10 أو 15 كيلو يبقى كويس لأ لأ لأ أنا مش هعيش في الجسم ده علطول أنا مثلا زايده 40 كيلو عن وزني عشان كده هقول أنا لازم أخس 40 كيلو أن شاء الله

اللي عاوزه تبدأ فيكو معايا رحلة ال100 يوم أهلا بيها طبعاُ مع أي نظام تحبه المهم تحلف قدام ربنا و نفسها انها ال100 يوم دول هتلتزم بجد و من غير تهريج و لو ضعفت أو بوظت زي ما بنعمل ساعات في الدايتس بتاعتنا يبقى لازم تتحمل العقاب اللي هتتفق عليه المجموعه و اللي هيكون في الغالب لمصلحتها زي مثلا نطلب منها تمشي نص ساعه زياده او تلعب تمرين معين أو تفوت العشا كده يعني.

ال100 حتى يوم 19\6 بإذن الله و أكتر واحده هتخس في الفتره دي مع الالتزام ليها هدية مني و دي بجد


ده الجزء السادس يا بنات لموضوعنا و بالنسبة للجزء الأول و الجزء الثاني و الجزء الثالث والجزء الرابعو الجزءالخامس وده رابط الجزء6
http://www.lakii.com/vb/showthread.php?t=551711
وده الجزء السابع
http://www.lakii.com/vb/showthread.php?t=554633
وده الجزء الثامنhttp://http://www.lakii.com/vb/showthread.php?t=556736
وده الجزء التاسعhttp://www.lakii.com/vb/showthread.php?t=558195
وده الجزء العاشرhttp://www.lakii.com/vb/showthread.php?t=559780
وده الجزء الحادى عشرhttp://www.lakii.com/vb/showthread.php?t=561307
وده الجزء الثانى عشر http://www.lakii.com/vb/showthread.php?t=562560
الجزء الثالث عشر http://www.lakii.com/vb/showthread.php?t=564169

وده الالرابع عشرhttp://www.lakii.com/vb/showthread.php?t=566298

مبررررررررررروك يا لولو الجزء الجديد
معلش يابنات انا مقصرة بس مشغولة شويتين
مبروك يا الهام يا جميل كده احنا ماشيين مع بعض
انا بقيت 93 بردوااااااااااااا عقبال ال80

صباح الخير على الحلوين
كيفكم ومبروك النزول للجميع وعقبالنا يارب
والله يسمع منك ياالهام ونرجع تانى زى اول واكتير يارب

غاده وميمى بس معقوله

المفروض انتو تكونوا حاضرين اكتر فى غيابى يا بنات

انا زعلانه خالص انتو فين

مبروك يا بنات الجزء الجديد

معلش انا غير متواجدة اليومين دول لان نفسيتى تعبانة وملخبطة وهاحاول من بكرة ارجع تانى

وكمان زايدة 5كيلو وغالبا البريود مخلية جسمى فيه مية لانها المفروض تيجى ولسة ما جاتش

ادعوا لى يا بنات ارجع تانى

على العموم انا النهاردة مقللة اكلى ومن بكرة ان شاء الله هابدأ رجيم الزبادى لاننى حاسة ان جسمى فيه مية كتير وعايزة اكل اكل مفيش فيه ملح

الخطة ان شاء الله كالاتى:

2يوم زبادى و 2يوم تفاح ويوم السبت ان شاء الله هاروح للدكتور فاروق

هلا حبيباااااااااااااتي
الف مبروووووووووووك على الجزء الجديد
وان شاء لله انه اكثر حمااااااااااااس ونتضاااااااااااااااام
الف مبرووووك غاده 93 وانا اصبحت زيك
هني ماتزعليش نفسك وكلوه بيتعوض الاصحتك والحمدلله على الصحه ارجعي بحماس وكثري المشي واشربي الماء الصاخن بعد كل وجبه وعلى الريق وقبل النوم والله شي سحري يبين في الشكل اكثر من الميزان

اخواااااااااااتي الحين مااااشيه برجيم صعب شوي فلو سمحتو ادعولي ماخبص
ويمكن اغيب في نهاية لاسبوع بنساااااااااااااااااافر

ألف مكبروك افتتاح الجزء الجديد
مرحبا بنات كيفكم انم شالله بخير انا غداي اليوم كان صحن شوربة فاصوليا خضراء وتمشيت نص ساعة وبشرب ماء كثير

السلام عليكم يابنات
ألف مبروك الجزء الجديد ويارب يكون سعيد علينا ونخس فيه

وياااااااارب يرجع حبايبنا كلهم بالسلامة


يومياتي أمس

الفطار : بيض مسلوقة + ربع رغيف + خيارتين
الساعة3 : 2 خيار
الغداء : ربع فرخة + ربع رغيف + سلطة + قلييييييييييييييل من الملوخية حوالي 3 أو 4 ملاعق
الساعة 8 : تفاحة
العشاء :2 ملعقة فول + بطيخ
الماء : 4 لتر

صباح النور
كيفكم ياحلوين منورين المنتدى ماشاءالله عليكم
انا كمان ماشيه على نظام التخفيف ولكن امس كان مفتوح لانى ابغاء اجرب رجيم الكورن فليكس بيقولوا 5كيلوا فى اسبوع
النظام:
4وجبات كورن
3 تفاحات فى اليوم
وعادى تشربى شائ اعشاب قهوة لكن بدون سكر
والحين انا مش عارفه لان عندى ضيوف من القصيم قلت افطر واتعشاء منه ادا قدرت والغداء معاهم
والله يعين يارب

السلام عليكم يابنات
ميمي خلي بالك من صحتك يا حبيبتي ولا تتعجلي وبلاش الأنظمة الشديدة
وإن كان ولابد جربي التمر واللبن لمدة أسبوع واحد على الأقل سنة عن الرسول ولهم فوائد كثيرة ومتكاملة بس لا تستمري عليه أو أسبوع الشربة الحارقة لأنها تنقي الجسم من السموم والشوائب وربنا يحفظك ويعينك