المرفق 130241

كيفكم يا حلوات اشتقتلكم من بعد غياب ربنا يديم علينا الرضى ويشغلنا دووووم بالطاعات

حبوباتي فكرت فكرت فكرت ايش ممكن اقدم لحبيباتي من فوائد ما وجدت متل نصيحة من تجارب مريت فيها بما يتعلق بالريجيمات وانقاص الوزن

انا بفضل الله وصلت هذا الصيف لوزن ممتاز وهو 65 وطبعا طولي 161 بس مو هون الموضوع

الموضوع اني رح اخبركم بالأسرار اللي سببت وصولي لهالوزن بفترة شهرين فقط...من وزن 74

السر الاول : هو الريااااااااااااااااااااااااااااااااااااااااااااضة وليس الحرمان من الاكل

والله يا بنات جربت ريجيمات كتييييييييييييييييييييير وكنت العب رياضة قليل وفي ايام كنت احرم نفسي لكن ما نفعني الا الريااااااااااااااااااااااضة والالتزام بها 3 ايام اسبوعيا وفي مرات كنت العب رياضة 5 مرات بالاسبوع لكن عالاغلب 3 ايام بالاسبوع وسببتلي فقدان الشهية بشكل تدريجي وهي السبب اللي خلاني انظم اكلي..

السر التاني : الحركة بشغل البيت خصوصا مسح الجدران والتكنيس والشطف ركزوا كتير على هاي الحركات في شغل البيت مسح الجدران لو عملتيه كل اسبوع مرة كرشك رح يختفي تماما وتنشد اديكي وظهرك وعند صدرك كله رح يكون مشدود وينزل منك عرق كتير اثناء الشغل غير انك رح تستمتعي بان بيتك نظيف ويفرحوا فيه جوزك وولادك .. والشطف ومسح الارضيات نفس الشي بمسحلك جهة الورك والوسط والفخود لو داومتي عليه....

بنات هاي تجارب علما ان جسمي عادي لا نزوله سريع ولا بطيئ نزول الوزن عندي بشكل طبيعي وعادي

الان ممكن تحكولي كيف هالشي طيب وكيف كنتي تاكلي؟؟؟

شوفوا يا قمرات..

طبعا اناا ام وعندي اطفال وبطبخ يوميا ويمي يمي عطبيخي الزاكي بس كيف كنت انحف؟؟؟

السر الثالث : بحمد الله من كتر ما جربت ريجيمات كنت انحف وارجع اسمن ازا تركتها فتوصلت الى نظام ممتاااااااااااااز ريحني وطلعت معه بنتيجة وهو اني بفطر عادي وبتغدا عادي بس بعد الغدا مبااااااااااااشرة ما تاكلي ولا شي الا بس ممكن تشربي شاي او تشربي ماء فقط.....صدقوني اول يومين كانت الصعوبة بس بعد اليومين تعودت عالنظام وريحني كتير لأني ما كنت احرم حالي من الاكل مع جوزي وولادي

هلأ اخواتي الحبيبات الرياضة مو ضروري يوميا لا.. فيكي تعملي رياضة 3 ايام اسبوعيا بس لازم تكون على الاقل نص ساعة مو اقل وممكن ساعة ونص 3 ايام اسبوعيا والنظام متل ما قلتلكم فطور عادي وغدا عادي بس بعد الغدا ولا شي الا بس مي او شاي مع العيلة.. ممكن تخلي يوم الجمعة بس حر بحيث تاكلي من الصبح لليل مو مشكلة..

السر الرابع : رح تظهر نتائج هذا النظام بعد 3 ايام فقط من تطبيقه بتكوني لعبتي فيهم مرتين رياضة و3 ايام ماتاكلي ولا شي بعد الغدا وبتضلك تشربي مي كتير لحد نا تنامي والله يا بنات بعد 3 ايام بس رح تشوفي كرشك راح وجسمك انشد ووجهك صار نضر ما احلاه اسم الله عليكي..وبنفس الوقت بتكوني فطرتي وتغديتي متل جوزك وولادك...

السر الخامس : وهاد سر كتيييير حلو ورح تفرحي فيه ورح يكون سبب استمراريتك بالنظام انك يوم عن يوم رح تنسد شهيتك اكتر من الاول والكمية اللي رح تاكليها عالفطور والغدا رح تقل تدريجيا لأن فترة بعد الغدا لحد النوم اللي كنتي ما تاكلي فيهم عملو عملية تصغير لمعدتك فصارت ما تقدر تاكل كميات كبيرة بالايام التالية فرح تصيري تشبعي من كمية اكل اقل عالفطور والغدا وتتعودي ما تاكلي اشي بعد الغدا..

السر السادس : طبعا في اسباب تانية شجعتني من اول يوم طبعا اول ايام هي الصعبة عشان بدك تعودي حالك من نمط لنمط فكنت كا ما اجي العب رياضة كنت ادهن شعري بزيت لتطويله وتنعيمه او حمامات زيت وسشوار واعمل تسريحة لشعري كل فترة والتانية هاي الحركات الاضافية بنات بكون الها تأثيييييييييييييييير كبيييير على استمرارية نظامك الصحي هاد لأنك رح تتشجعي اكتر تعملي رياضة وتلتزمي فيه لأنه خلاكي احلى من اول غير ان جوزك رح يطير فيكي طير ويحسك رجعتي متل ايام الخطبة

السر السابع : كنت احدد لكل اسبوع كم لازم ينزل من وزني فكنت احدد كيلو واحد او تنين فقط بالاسبوع مو اكتر ولما كنت اشوف وزني ثبت عادي ما اتضايق لأنه بعد فترة رح ينزل بشكل اكبر فما كنت ازعل من ثبات الوزن..

السر الثامن : كنت اخصص لبس معين ويكون هدفي اني البسه واضل اشتغل على حالي لحد ما البسه وكنت كل يومين اقسيه واتشجع اكتر اني التزم ودايما بتخيل حالي الي خصر صغير ومافي كرش ابدا وهيك...

السر التاسع : اللبس القديم اللي كان يبيني اني سمينه على طوووول غسلته كله وكويته وخبيته للصدقات وبهيك بتخلص بلبسي القديم بطريقة مناسبة وبضل التزم بلبسي اللي بنحفني واللي مقاساته اصغر من قبل وبتشجع اني التزم وكل ما يزيد وزني شوي ارجع العب رياضة وارجعه لأن لبسي كل مقاساته صغيرة..

السر العاشر وهو الاهم وختامه مسك : لا تحسسي اللي حواليكي ولا حتى جوزك انك عم تعملي ريجيمات او تحرمي حالك لا لأنهم رح يضلو يراقبوكي وممكن يحبطوكي ويحكولك انتي طبيعتك السمنة ورح ترجعي ولا تغلبي حالك وهيك طبعا لا تحكي لحد ولا تحسسي اي حد وازا سألوكي لي بتخففي او لي مابدك تاكلي احكيلهم والله مو جاي عبالي او اي حجه مناسبة...

بظرف شهرين صار وزني من 74 الى 65 بفضل الله (9 كيلو )...

دمتم سالمين وربنا يوفقكم جميعا اخواتي وحبيباتي ...

ما شاء الله لا قوة الا بالله ،، يسعدنى انى اكون اول رد ،،،، انا معجبة بتجربتك جدا وبانجازك الهايل ... ونصايحك دى درر ، انا حاعتمدها وابدا التطبيق من بكرة ان شاء الله ولعل يكون ده سبب فى نزول وزنى اكتر ووصولى لهدفى بطريقة اسرع ... بوركت يا بسبوسة وربنا يهنيك بالرشاقة ويهنى زوجك واولادك بك

لي سؤال لك ، بسبوسة

امتى كنت بتتغدى . الساعة كام ؟ ولو جعتى ،، هل مرت عليكى وقت اوايام كنت بتجوعى ومتقدريش تنامى بالليل من الجوع ؟ وكنتى بتعملى ايه؟

ماشاء الله تبارك الله
موضوع لبسبوسة
أكيد نافع وفيه تجارب رائعه وجميلة
حفظك الله ورعاكِ
بجد استمتعت جداا بالتجربة المذهلة وخصوصا بذكر النصائح بشكل واضح جداا
حماكِ الله

سعيدة جداا بوجودك
مع الاشتياق الكبير لكِ

كتبت بواسطة muslema

لي سؤال لك ، بسبوسة

امتى كنت بتتغدى . الساعة كام ؟ ولو جعتى ،، هل مرت عليكى وقت اوايام كنت بتجوعى ومتقدريش تنامى بالليل من الجوع ؟ وكنتى بتعملى ايه؟

اهلا فيكي يا غالية ربنا يكرمك وينولك كل مرادك واهدافك يااااااااارب
دايما احنا بنتغدا قبل الساعة 2:30 وغالبا الساعة 1:30 بعد الظهر
طبعااااااا اول يومين كان صععععب جدا علي هالنظام جدااااا بس كل ما يقرصني الجووووع واشوف الولاد عم ياكلو فواكه وسندويشات كنت اقنع حالي اني ماشية بالطريق الصحيح وشعوري بالجوع معناها ان جسمي عم ينحف واني بكرة رح افيق من النوم وانا نحفانة واكيد متغيرة فكنت اشجع حالي اني اتحمل واتحمل وكنت اقول لحالي اني ازا ما بديت اليوم متى رح ابدأ لازم ابدأ وكل بداية لازم تكون صعبة
هاد حديث النفس كان دايما يراودني كل ما كنت اجوع واشتهي الاكل بعد الغدا وكمان كنت اقنع نفسي من جوا اني تغديت وافطرت واكلت عادي معناها اني مو حارمة حالي من شي لازم استمر بعد الغدا شرب مي فقط او شاي مع اولادي...
الله يوفقك حبيبتي واي خدمة بدك ياها انا حاضرة...

كتبت بواسطة - بنت الأحرار -

ماشاء الله تبارك الله
موضوع لبسبوسة
أكيد نافع وفيه تجارب رائعه وجميلة
حفظك الله ورعاكِ
بجد استمتعت جداا بالتجربة المذهلة وخصوصا بذكر النصائح بشكل واضح جداا
حماكِ الله

سعيدة جداا بوجودك
مع الاشتياق الكبير لكِ

انا اشتقت لكم اكثر واكثروالله ومااشغلني الا السفر والامور العائلية مع الادي
نورتي الموضوع يا مشرفتنا الغالية بنت الاحرار تشرفت بردك الجميل ...

تجربتك اكثر من رااااااااااائعة ما شاء الله تبارك الله
مبروك نزول وزنك ويارب تفضلي رشيقة طول العمر
على فكرة استفدت جدا من موضوعك الله يبارك فيك

السلام عليكم

ما شاء الله تجربة جمييلة ورائعة ونصائح قيمة

ومبرووك نزول وزنك وان شاء الله بتضلي مستمرة على الطريق ولا تتراجعي

الله يوفقك

الله يجزاك خير ع التوضيح بسبوسة ... بس هل بتشربي الشاى بسكر والا بدون ... عشان دى اكيد بتفرق .. وعذرا للاطالة

kaman ana rah jarib haydi tari9a id3oli ini athamil iljou3