مرحبا ياحلوين 
اليوم حبيت أشارككم بتجرتي وتجارب اصدقائي وقريباتي وأن شاءالله تفيد كل البنات 
وهاذي نصيحه لوجه لله لكل بنت تبغى تستخدم الليزر واللهم صل وسلم وبارك على سيدنا محمد
بعد ما بحثت الكثير عن الليزر أنواعه و معرفة سلبياته واجابياته وطريقة أستخدامه حبيت أفيدكم بهذي المعلومات كلها
. أول شيئ مثل ماهو متعارف بيننا اول ما نسمع عن اي عيادة ليزر مسوية تخفيض او عروض نركض عليها 
بدون مانعرف أيش نوع هذا الليزر ونوع الجهاز اللي يستخدمونه فالعيادة وعالطول نسوي الجلسات ونصير مرررررة متحمسين للجلسات هذا الشيئ مرة غلط 
أنك تسوين بجهاز ماتعرفين ايش نوعه او أسمه أو التقنيه اللي بيستخدموها في الجهاز الليزر . ماهو الليزر-
كلمة ليزر LASER تعني الأحرف الأولي لفكرة عمل الليزر والمتمثلة في هذه الجمله
Light Amplification by Stimulated Emisson of Radiation
وتعني تكبير الضوء بواسطة الانبعاث الاستحثاثي للإشعاع الكهرومغناطيسي ( بعرف أن الكلمة طويلة ومو مفهومه 
مرة بس قلت اعرفلكم معنها )
ويستخدم الليزر في عدده مجالات منها الطبيه التجميليه ومنها أزالة الشعر وهاذي صارت منتشر في هذا الوقت لكل نوع جلد ولون بشرة يستخدم جهاز معين لظهور النتائج المرجوة.
• (1)الروبي: قليل الاستخدام في المناطق العربية وذلك لخطورته على الجلد الأسمر لكنه فعال جداً طول موجته 690 نانو متر .
مثل ( دومينو،،،سنكروريبلاي،،،ساينوشور اليكس أو الجنتل)
طول الموجه 755نانومتر ، ولكن يسبب تصبغات للبشرة السمراء ويناسب جميع أنواع البشرة ماعدا البشرة السمراء الداكنه والسوداء.
مثل (الما،،،سبرانو )هذا في أجهزة العيادات و(التريا) في أجهزة المنزلية طو الموجة 800 نانو متر ويناسب جميع أنواع البشرة ماعدا البشرة السوداء.
)YAG_NDنوع الياق ((3)
مثل (فوتوناياق،،،ساينوشور ياق ) طول الموجه 1064 وهو أكثر أمانا للبشرة خاصة السمراء ويناسب جميع أنواع البشرة.
) Alex+Yag)(4)نوع الأليكس والياق معا
مثل( الدويتو ) أكثر الأجهزة فعالية لأنها تجمع بين التقنيتين معا ويصلح لجميع أنواع البشرة .
) IPL(5) نوع تقنية نبض الضوء المكثف (
مثل بعض أجهزة المراكز(ديكا) أو الاجهزة المنزليه (مليسه،فليبس)
تتراوح الموجه بين 590الى 1200نانومتر
وهو ليس ليزر أنما نبض الضوء المكثف
يناسب الدرجة البشرة الفاتحة ولا يناسب البشرة الداكنة او السوداء.
ومن رأيي أفضل تقنية ليزر تبغي تستتخدميه في العيادة او في المنزل اللي بيكون بتقنية الياق او الياق والاليكس معا او تقنية نبض الضوء المكثف هذا بعد ما سألت صديقاتي وقريباتي عن اايش افضل تقنية ليزر استخدموها في العيادات
. الاغلب كان يشتكي من نوع جهاز يسبب لهم اسمرار في مناطق معينه من الجسم وزيادة ريحة العرق الله يكرمكم 
واذا استخدمو على الشعر الخفيف مثل الوجه بيرجع يطلع أسمك من اول واكثر ولأسف أنه منتشر في أكثر العيادت
بس مو الكل يشتكي من هذا الجهاز بس الاغلبية يشتكون من نفس السلبيات حقته اما الاجهزة اللي كان يمدحون فيها مررررة هي اللي تعمل بتقنية الدويتو أو نبض الضوء المكثف أو الياق . يعني اذا روحتي اي عيادة أسئليهم عن اسمه الجهاز ونوع الليزر قبل ما تحجزين موعد عندهم وتتورطين بجهاز مو زين .
الحين بعد ما تتأكدي من نوع الليزر واسم الجهاز وحجزتي موعد
قبل لا تروحين العيادة ماتكوني مسويه حمام بخار او مغربي او تان او مستخدمه خلطات تقشير وماتكوني شايله الشعر بالشمع او الحلاوة او بالبراون وقفي كل هاذي الاشياء قبل الجلسة بأسبوع أقل شيئ .
وبعد الجلسة نفس الشيئ ماتسوي ذي الاشياء الا بعد اسبوع من الجلسة 
. بعد ماتسوين جلساتك ومالاقيتي نتيجة ولاحظتي الشعر رجع يظهر مرة ثانيه نفس اول هذا بيكون بسبب أنه في خربطه في هرمونات الجسم أو غيرها
طبعا أنا سويت ثلاث جلسات بالعيادة وخلصت قروشاتي 
وكان يبغالي جلسات زيادة وسعر الجلسة كان غالي شوي وفجأه ظهرتلي فكرة تجنن
قلت ليش ما أشتري جهاز ليزر منزلي اوفر وأرخص وأوفر المشاوير حقته الروحه والجيه والحجز بالعيادة وبعد في أماكن كنت أستحي اني اخلي أحد بالعيادة يسويها لي 
لانه ما يصلح تنكشف قدام أحد حتى لو اللي يسون لنا الليزر لانه ما يجوز بس طبعا مو هين أني لاقيت جهاز زين حق الليزر المنزلي وله نتيجة فعاله 
فيه أجهز ليزر منزليه كثيرررره جدا وأسعارها مختلفه فقلت أدخل أشوف على ألانستغرام والفيس والجروبات أيش أشهر جهاز منزلي وأفضل والمميزات حقته مالاقيت غير ثلاث أجهزة معروفين بين البنات وكثير بنات يشترونهم ويمدحون في النتيجة المهم أخذتلي واحد منهم لانه في ميزة مرررررا عجبتني انه في أخصائية تتابع معك وتعلمك كل شيئ حسيتها كأنها عيادة أون لاين 
وصراحه النتيجة حقته فجائتني جدا كانت رائعه واستخدامه مرا كان سهل 
والله يجزاها خير الاخصائية اللي كانت تتابع معي ماقصرت في شيئ ابدا والحمد لله الحين خلصت جالساتي و مستانسه ومرتاحه من الشعر 
.
رد مع الاستدلال
الروابط المفضلة