كل شيء عن معجزة البشرة الديرما رولر راح تندمي اذا ما دخلتي
هلا حبيباتي السلام عليكم ورحمة الله وبركاته الديرما رولر هاذي المعجزة الصغيرة الحجم انا مبهورة فيها بقوة المفروض انهم يدوا لمخترعها جائزة نوبل لابتكاره الخطير اللي يحل كل مشاكل البشرة اعذروني دخلت عرض بس لوشفتوا نتايجها زي ما شفت راح تنجنوا اننا كيف نروح العيادات ونصرف الالاف بل عشرات الالاف على مشاكلنا من ليزر لتقشير وال بي جي وميزو ثيرابي واحنا هاذ كله نقدر نحصله بطريقة سهلة من دون ما ندفع هاذي الفلوس ويا ريت على نتيجة دائمة انا يا بنات بصراحة اول ما قريت عن الديرما رولر حسيت انه مبالغة وقلت في نفسي لو كان هاذا الحل موجود ورخيص ما طلعت كل هاذي العلاجات والتقنيات بس بصراحة لأنها موغالية وشفت صور قبل وبعد في المنتديات الأجنبية وقريت انهم شافوا منها نتايج حلوة طلبتها واستخدمتها وندمت اني ما استخدمتها من قبل انا حابة اشكر من كل قلبي اللي اخترعها لأنها شالتلي الخطوط السترتش مارك بنسبة 80 بالمية والسليوليت بنسبة 90 بالمية وهاذا كله خلال 3 اسابيع فقط
ومو بس كذا هي كمان ليها استخدامات كثيرة وممتازة انا راح اذكرها لكم الان هي تستخدم لعلاج
- ندبات حب الشباب Acne Scars
- المسامات الكبيره Large pores
- خطوط التمدد البيضاء والحمراء Stretch Mark
علامات التمدد باليدين والأفخاذ والأرداف والبطن بعد الحمل والولاده وبطن الركبه وكل العلامات بالجسم بعد السمنه او الولاده .
- ازالة السلولايت cellulite اللي هي زي قشر البرتقال بالأرداف .
- التجاعيد wrinkles
- تساقط الشعر او فروة الرأس المصلعه hair loss
- ازالة آثار الحروق والجروح واثار التعرض للشمس .
- بهتان البشرة وفقدان بريقها الحاصل من قلة وجود الكولاجين بالبشره .
وأغلب هذه المشاكل سببها قلة الكولاجين في البشرة .. وهذه الأداة هي بإختصار تحفز عمل الكولاجين الطبيعي الموجود ببشرتك أصلا ..
تكلموا عنها كثير من خبراء وخبيرات التجميل في القنوات العربيه والأجنبية كما في The Rachael Ray Show وThe Doctors' Show وصباح الخير ياعرب .. وكذلك في المنتديات والمدونات الأجنبية .. ومدحها كذا بروفسور غربي و دكتور عربي كالدكتور خالد العبد الوهاب والدكتور نجم الدين صالح واثنيناتهم استشاريين في الجلديه والتجميل لو بحثتي بالنت بتلقين عنها كثيير وهي تقريبا لها أكثر من سنتين او 3 معروفه ومشهوره .. بل فيه مراكز بالخليج تسوي الجلسة الواحده فوق 400 ريال بنفس هذه الأداة ..
وهي فوق هاذا كله تفتح البشرة وشكلها عبارة عن دحروجة زي ما انتو شايفين بالصورة مسننة بإبر جدا صغيرة لا تكاد ترى تجدد الكولاجين في الجلد وعليها تتجدد البشرة وتتخلص من مشاكلها الكثيرة في وقت قياسي
وهي عدة اطوال لكل مشكلة نوع
معين من الطول
انواع الأطوال
حجم الربع ميلي والنص ميلي حق بشرة الوية تشيل التجاعيد وتصفي الوية وتشيل اثار الحبوب والندوب وتقدرين تستخدمينها يوم وترك او يوميا حسب تحملج وظروري بعد الاستخدام تحطين كبسولة فيتامين سي الخاصة للوية من بودي شوب يوميا معاها...
اما حجم واحد اهي مخصصة حق السترج مارك الصغار وفروة الراس وتستخدمينها مرة اسبوعيا او مرة كل 10 ايام مع العناية بالبشرة والشعر من داخل وبرا ...
والحجم واحد ونص و2 و3 ميلي اقصد طول الابرة الرفيعة كلهم يستخدمون حق السترج مارك وواحد ونص تستخدم حق السليوليت خاصة وهذي بعض الصور
وبتفصيل أكثر
الرولر مقاس 0.5 mm
تستخدم لـ :
تبييض البشرة
تحسين تصبغ الجلد
تحسين التجاعيد (منطقة العين)
تحسين ثعلبة
تحفيز الكولاجين
الرولر مقاسات 1.0 mm
1,5 mm
2.0 mm
تستخدم لـ :
تحسين التجاعيد
تحفيز الكولاجين
تحسين ندبات الجلد
علاج السيلوليت
سماكة الجلد
اي يا بنات حطي قاعدة كل ما ازدادت سمكة الجلد ومشكلته احتجتي لابرة اطول والعكس صحيح
نجي لطريقة الاستخدام
طبعا لابد من التعقيم لوجهك وللأداة قبل وبعد كل استخدام ..
عقمي وجهك مثلا بمسحات طبيه او كولونيا او اي غسول منظف ..
وعقمي الرولر بديتول ومرريها على فوطه دافيه نظيفه عشان تتعقم ..
وحطي فيو سيدين للبشرة الحساسة قبل وبعد الاستخدام
ثم تمررين الرولر على المنطقه المراد معالجتها بشكل افقي 10 مرات وبشكل عمودي 10 مرات ، تمررينها بضغطه خفيفه لين تحسين بالوخز مو بشكل قوي تعورين نفسك
يمكن اول استخدام وثاني استخدام تحسين بألم اكثر لكن بعد كذا تتعودين ولا تحسين الا بدغدغه بسييييطه لا تكاد تذكر .. زي الحلاوه اذا شلتي فيها كم مره وبعد كذا خلاص يتعود جسمك عليها والألم يصير عادي مررررره .
شوفوا ناس استحدموها قبل وبعد
وهاذوا بنات استخدموها في المنتديات شوفوا تجاربهم
[راعية البنز مشكووووره حبيبتي عالموضوع الحلوووو الصراحه ^^
انا حاليا استخدم الديررما رول والصراحه كلمة روعه شوي عليه وبستمر عليه ان شاء الله
صغر مساماتي وبعد الحفر وشد بشرتي اللي كانت دايما تبين باهته وكاني عيوز بسبب المسام ومشاكله
الحين الكل ملاحظ طبعا مب فالبيت شرات ما قالت راعية البنز انا اختي كل يومين او 3 ايام اتزوناااا
وهي بعد تقول النتايج واايد حلووو وتشجعني اني استمر لانهااا تعرف كيف انا كنت اكررررررررره بشرتي اما الحين
ما شاء الله انصح كل البنات فيهااااا ^^
وهج الخيال اليوم اللي اسويه ويهي يستوي سيده بدووون اي مطبات وتضاريس وحفر،،، ويتم جيه يومين وعقب اليوم تبدا تبين الحفر بس نسبه بسيطه اللي باقيه،،،
يعني بمعنى اخر انا كانت فيني حفر جدا عميقه مع الاستخدام هالحفر العميقه صارت سطحيه،، والحفر السطحيه اختفت،،
بس انا مستمره ع الاستخدام احينه عشان نضارة ويهي ولانه يحافظ ع بشرتي ويغنيني عن التقشير والكريمات والفيشل،،
بروووق عدد مرات الاستخدام يعتمد ع المشكله والحاله وسبب الاستخدام،، انا كنت للحفر استخدمه اسبوعيا مرتين بالاسبوع لين شفت نتيجه طيبه والحمدلله،، احينه استخدامي للجهاز عشان احافظ ع ويهي مثل ما ذكرت استخدمه مره او مرتين بالاسبوع،،
البنات اللي ماعندهن اي مشاكل بس يستخدمنه للمحافظه ع البشره ونضارتها ممكن يستخدمنه مره كل عشر ايام
اللي عندهن نمش وكلف وتصبغات وبيغمنتيشن ممكن يستخدمنه شرات الحفر مرتين الى ثلاث بالاسبوع
بصراحه انا استمتع ف استخدامه عسب جيه ما امل منه واحسصدق يحليني لما استخدمه ...
واستخدمه بدون اي مخدر لاني خلاص اتعودت عليهكنت ابا اسوي موضوع خاص عن تجربة ربيعتي اللي هي توها بادية في استخدام هالجهاز ..
عندها اثار حبوب .. من حفر وبقع ..
واشترت ديرما رولر قياس 1.5 المهم ان استفادت وايد ما شاء الله خلال اسبوعين استخدمته خمس مرات واتحط عقب الاستخدام فيتامين E ،، مع انها اشترت الدوا ،، ولكن قالت في البداية اتجرب الفيتامين..
النتيجة..
1-البقع خفت وايد
2-الحفر خفت شوية في بعض الحفر استوت سطحية ..
3- ويها مستوي نضر ومشرق ما شاء الله ..وهاذي عضوة كويتية تشرح تجربتها بالتفصيل جزاها الله خيرالموضوع هذا يشهد على ربي اني منزلتة بعد تجربتي الشخصية واني والله العظيم ما اقتبست الموضوع انا الي كاتبتة بيدي ((( اقسم بالله))) طبعن انا مثل وايد غيري من البات تعبت وانا ادور حل حق السترج مارك وماخليت عيادة ماخذيت منها كورسات وقطيت فولس وايد على الكريمات والادوية عشان اتخلص من هالمشكلة وما خلصت منها لين على يوم ... قاعدة اسوي سيرج عن افضل حل حق المشكلة طبعن لقيت شغلة عجيبة اسمها ديرما رولر
تمكنت اني اييب المنتج من امريكا وبخلال 10 ايام وصلني سميت بسم الله وبديت استخدمة الا الاة الاه الله والله العظيم ان بشرتي بدت تتغير وبدت الخطوط تنكمش وخصوصن الخرايط الي في بطني من بعد ولادتين يعني جسمي كان متشوة شوي علية والله يا بنات اني كنت متعقدة من كثر الخطوط الي فيني بكل مكان بجسمي بمنطقة الزنود والخواصر وفوق الركب وهم فبطات ريولي والمؤخرة واسفل الظهر هذول بس قبل الحمال فمابالكم بعد الحمل لمرتين شلون رح تصير بشرتي غير الترهل خلوها على الله المهم سويتلي نظام معين وبكل يوم قمت اعالج مكان معين فبشرتي ...
طريقة الاستخدام .. بنات مهم جدا تتبعون الطريقة مالتي وديرو بالكم من باجي الطرق الي حابة تستعملة لا تصدق الحجي الي مكتوب بمنتديات دول ثانية بدول ثانية بنات اول شي مشيت على كلامهم وماستفدت الي تبي الخلاصة والله العظيم عندي انا ...
اولا : خلي عندج كريمات ترطيب وايد وايد وبانواع زينة ويقضل انج تشترين من بودي شوب سيروم فيتامين سي واي او كريمات مرطبات ب**دة الشيا مع الكوكو البرازيلية هذول انا استخدمتهم مفعولهم حلو وايد ...او اذا كانت الميزانية عندج ما تساعد فاشتري جرجنز بخلاصة فيتامين اي وسي الخاص بشد البشرة بالاضافة الا الكوكو بوتر من بالمرز او مرطبات فازلين هم زينة .. ظروري تهتمين بترطيب بشرتج
ثانيا : هم اذا تقدرين تييبين فيتامينات من الصيدلية عشان يصير علاجج من برا وداخل واهمها حبوب الكولاجين .. بنات هذي تجربتي انا والي انا سويتة مو ظروري تلتزمون بهالاشياء بس انا الدمار كان شامل عندي ففرق بين بشرة وبشرة ..
ثالثا:: توكلت على اللة وبديت استخدم الجهاز اول شي تغسلين المكان الي تبين تعالجينة وذا تقدرين مسحية بكحول وعقب ابتدي بالوخر بشكل خطوط مستقيمة اما بالطول او بالعرض او مائلة بشرط انج ما تستخدمينة بطريقة دائرية ابدا ابدا طبعن بلطف لان اول مرة رح تحسيت بالم فلا تهلكين بشرتج . بعد الاستخدام بجم دقيقة رح تحمر البشرة ورح تحسين ان شكل بشرتج صار جنة زولية موكيت عادي لا تخافين وعقب اذا تحبين حطي كريم الفا كورت هذا مضاد حيوي يصرفونة بالطبيب على المطقة الي عالجتيها ومن ثاني يوم حطي عليها فيتامين السي مع فيتامين اي او كريماتج المرطبة.
رح تحسين بالم بعدها بعدة ايام بس عادي تحملو والله النتايج تستاهل عالاقل احسن من علاجات الليزر الي تتلف البشرة بعد فترة ..
رابعا:: ريحيي بشرتج وكرري العملية عقي اسبوع او عشر ايام وسويها بشكل جلسات علاجية بس اهم شي لا تهملين الترطيب والفيتامينات وحسني من عاداتج الغذائية .. كثري من عصير البرتقال الطبيعي واكلبي وايد تبولة لانها غنية بالبقدونس الي فية فيتامين سي بشكل كبير وهم فية مضادات حيوية وهم مادة الكبريت المعقمة للبشرة وهم الجلوتاثيون المبيض الطبيعي تصدقون ..
صوري نفسج من اسبوع لي اسبوع وشوفي الفرق وباذن الله رح توصلين حق النتيجة الي ترضيج بنات شهادة لله انا صارلي الحين جريب الشهر ونص من استخدمتها والحمد الله احس نفسيتي قامت تتحسن وثقتي بنفسي قامت تزيد..كفاية اني تخلصت للابد من الخطوط الب فبطة ريولي والي بصدري راحو وبدون اي اثر اقسم بالله اني صاجة بكلامي هذا
طريقة استخدامة للشعر :::
هم نفس الشي قمت امشي بالرول على فروة راسي النظيفة بخطوط مستقيمة بالطول والعرض هم نفس الشي اول شي عورتني ومع تكرار الاستخدام قام يخف الالم .. المهم بعد اول استخدام وبعد اسبوع تقريبن رح تلقين قشور كبيرة بفروة راسج هذي مو قشرة بنات لا تخافون ترى هذى الجلد الي تجدد سوي فوقة بالرولر رح يطيح كلا ... عشان تاخذين المفعول الاكيد ييبي شامبو صحي من الصيدلية حسب نوع شعرج وهم حبوب فيتامينات مقوية للشعر وسيروم او امبولات تكسرينهم على فروة راسج بعد كل استخدام للرولر والله العظيم الي الا الاة الا هو ان سبحان الله نبتلي شعر وايد وايد الحمد الله والله اني راضية على كل النتايج الي وصلتلها احمدك يارب
واحنا هنا نتعى نتشاور ونتكلم في الطريقة والنتايج ونبغاها جلسة للديرما رولر
رد مع الاستدلال
الروابط المفضلة