السلام عليكم ورحمه الله وبركاته

اقسم بالله اني مجربه هذه الوصفه بنفسي و استفدت منها جدا ... طبعا الكل عارف ومجرب مئات الخلطات بعضها مفيد و بعضها ماله داعي ... و الشي الغالب على الخلطات انه ريحتها مو ذاك الزود وانها يبغالها تعب و جهد و وقت مخصص وذا الشي كان يخليني اترك الوصفه حتى لو استفدت منها ...

المهم اللي سار ياجماعه انا من الاساس بشرتي الله يستر عليها حبوب شباب و تصبغات بالوجه و شعر تحت الجلد و رؤوس سودا على الارداف وحبوب من جميع المقاسات بكل مكان بجسمي و سواد بالمناطق الحساسه و الركب و الاكواع كل انواع عيوب البشرع يارب لك الحمد ههههههههه وفوق كل ذا بشرتي حساسه بزياده اي خلطه قويه شوي ممكن تسبب لي تهيج و حبوب بزياده... ودفعت دم قلبي على اطباء الجلديه في كل مكان ههههههههههههههه

المهم لا ازودها عليكم خليني اعطيكم الوصفه :

انا سافرت برا و ماعاد لقيت مكونات الوصفات وبعد شهر بدأ السواد يلعب بوجهي و كفوفي لعب قلت عاد مايحتاج اصبر اكتر من كذا وبس روحت الصيدليه و شريت مجموعه بيبي جونسون

اللوشون الوردي اللي هو مكتوب عليه baby lotion
و الشور جل اللي مكتوب عليه baby wash
وزيت الاطفال العادي
والبودره تبع بيبي جونسون
وشريت ليمون و مويه ورد
... طبعا لك حريه الخيار في نوع المجموعه ممكن تستخدمي بيد تايم اللي لونها موف....

المهم بدأت انسق المقادير ... ضاق صدري من منظر جسمي و الخشونه والسواد اللي زادوا و صعب اسوي خلطات تاخذ وقت او توسخ الملابس ... هناك الحياه كلها جري و مافي مجال لتضيع الوقت

المهم شو المقادير :
فنجان ليمون و فنجان لوشن وفنجان شور جل ونص فنجان زيت اطفال...

يعني الليمون و اللوشن و الشور جل مقادير متساويه و نص المقدار زيت اطفال و تخلطيهم مع بعض كويس و تحفظيهم بعلبه بلاستيك ... انا عني استخدمت علبه اللوشن والشور جل وحفظت فيها الخلطه...

و حطيهم بالحمام ماتخرب الخلطه و لاشي و قبل ماتنامي ياطويله العمر ادهني كل جسمك حتى وجهك و المناطق الحساسه بها الخلطه و البسي بيجامتك ونامي ... ولما تصحي الصباح اتحممي و اتليفي عادي و لما تخلصي دهني جسمك بزيت الاطفال و حطي نقطه مسك بكفوفك و امسحي جسمك كله مسحه خفيفه و البسي عادي و استني بس اسبوعين و بتشوفي الفرق كل شي بجسمك بينعم و كل فروقات الالوان تخف تدريجيا الين ماتختفي ...

انا الحين لي شهرين على هالخلطه و الله يابنات جسمي اتغير 180 درجه و كل الالوان تقريبا راحت حتى الكيعان سارت حمرا ههههههههه <<< الله يرحم زمن الاسود

ليش انا من جد حبيت هالخلطه و مستمره عليها لدحين ... اول شي مره سهله .. يعني كل اسبوعين تسوي هالخلطه و تقعد معاك و ثاني شي مره خفيفه ماتحسي بيها لما تستخدميها ولا توسخ بيجامتك ولا شي و الشي الثالث انها من جد تخلي ريحه جسمك بيبي لانك بستخدمي المجموعه كامله و تتركز معاكي ومع الوقت تلاحضي انه طول النهار ريحتك بيبي و ملمسك بيبي

بس عاد اهم شي 1-لا تستخدمي الخلطه وتتطلعي بالشمس
2- لا تحطي زيت الاطفال على وجهك ورقبتك بعد ماتتحممي الصباح واغسلي كفوفك عدل اذا جيتي تطلعي للشمس.
3- حطي بس اللوشن لوجهك ورقبتك و الواقي الشمسي ضروري لانه مثل مانتم عارفين الليمون يسوي تقشير بسيط جدا للبشره و لازم واقي شمسي
4- انا استخدم خلطه بورده بيبي جونسون في الايام اللي ماطلع فيها من البيت و مقادير الخلطه ملعقتين مويه ورد و ملعقه بورده بيبي جونسون و رشه ملح ورشه سكر و ونص ملعقه زيت اطفال

منقوووول

.

بارك الله فيك اختى على ذكر هذه التجربه القيمه
واجد كل مكونات الوصفه حلوه
لكن صعب ادهن جسمى شور واذهب للنوم !!!
الشور نوع من انواع الصابون وبه كيماويات يتشربها الجسم ولا اظن المداومه على هذا ستكون جيده
وعموما كما قلتى فاليمون يساعد على التقشير
وزيت جونسون واللوشن حلوين فعلا
تسلمى غاليتى على هذا الطرح المفيد وشكرا لانك ضحكتينى جدا

وحبوب من جميع المقاسات بكل مكان بجسمي و سواد بالمناطق الحساسه و الركب و الاكواع كل انواع عيوب البشرع يارب لك الحمد ههههههههه

حتى الكيعان سارت حمرا ههههههههه <<< الله يرحم زمن الاسود

نقل موفق غاليتي
جزاك الله كل خير

شکرا لنقل التجربه وتسلمین اختی

تسلمي اختي على الموضوع

اعتقد ان الكماويات دى لما تقعد على البشرة فترة طويلة ده غلط اذا كان الواحد بيستخدم الشامبو ولا اى شىء وهو خايف نسيبها على بشرتنا كل ده انصحك حبيبتى لا تفعلى ذلك ربى يعافينا ويعافيكى لا تنسى ان الكماويات دى تسبب السرطان ربنا يستر.
على العموم تسلمى حبيبتى

كتبت بواسطة nonosnana

اعتقد ان الكماويات دى لما تقعد على البشرة فترة طويلة ده غلط اذا كان الواحد بيستخدم الشامبو ولا اى شىء وهو خايف نسيبها على بشرتنا كل ده انصحك حبيبتى لا تفعلى ذلك ربى يعافينا ويعافيكى لا تنسى ان الكماويات دى تسبب السرطان ربنا يستر.
على العموم تسلمى حبيبتى

تسلمي حبيبتي لتنيهي أسعدني مروركي

شكرا للمروركم الجميل

يعطيك العافيه