السلام عليكم ورحمة الله وبركاته

ازيكم يا قمرات يارب تكونو بخير

لو سمحتم كنت عاوزة اخد رايكم فى حاجة

انا جبت جهاز الشمع لازالة الشعر الزائد ومعاه زيت زيتون المفروض بدهن منه بعد الازالة

وكمان عندى صابونة بنبات السعد المفروض استحمى بيها بعد الازالة لتاخير ظهور الشعر

انا بقى مش عارفة استعمل ايه الاول

يعنى بعد ماستخدم الجهاز اخد شاور بالصابونة وبعدين ادهن زيت زتون واسيبه ولا ادهن بعد الازالة على طول بزيت الزتون وبعد فترة اغسله و اخد شاور بالصابونة

ياريت حد يساعدنى وجزاكم الله خيرا

هلا بيك غاليتي
*
*
الزيت يدهن به فورا بعد الازالة بالشمع وبعدها تستخدمي الصابون
*
*
*

جزاكى الله خيرا يا مدام انجى

بس طب لما ادهن الزيت اغسل بالصابون بعد اد ايه

يعنى اد ايه الوقت اللى اسيب الزيت على جسمى فيه وبعدين اغسل بالصابونة ؟

يابنات فينكم

طب قليلى موضوع جهاز الشمع ده اي
ه يعنى اقصد منين وبكام وكمان شو اخبار الالم
ارجو الافاااااااااااااااااده

حبيبتي اول شيء تهدني الزيت وبعدها بنص ساعة ابقي اغسلية لان الزيت مفيش مشكلة منة علي الجسم بالعكس دة بيطري وينعم الجسم

لو سمحتي اختي من وين شريتي الشمع؟
وين الاقيه
ممكن صورته بليييز

السلام عليكم

انا اسفة يابنات على التاخير فى الرد والله ماكنتش بدخل

اولا حبيبتى مازنة

جزاكى الله خيرا على الافادة

ثانيا البنات اللى طلبو منى معلومات عنه

بصو هو حلو اوى ماشاء الله ومش بيوجع اوى زى السويت وكمان مش فيه حساسية السويت

يعنى انا جسمى حساس من السويت جدا جدااااااااااااااااااااااا ولما كنت اعملها تطلعلى حبوب وتفضل بالشهور وكمان فى المنطقة الحساسة كانت تعبانى اوى

بس كنت بعمل وشى ببجهاز الشمع ده فى الكوافير والحمد لله كنت مستريحة فيه وعجبنى اوى وكان نفسى اجيبه لبقية جسمى

فمرة كنت فى معرض ولقيته رحت جبته على طول

واستخدمته والحمد لله بجد ماصدقتش انى زيلت الشعر بدون حبوب وكمان فى المنطقة الحساسة كانت حاجة بسيطة جدا ماشاء الله وراحت فى يومين بالظبط

دة غير انه بياخر ظهور الشعر الشعر اكتر من السويت وكمان بيزيل الشعر القصير اللى مش بتزيله السويت

بجد يابتات بنصحكم تجيبوه ممكن تلاقوه عند محلات ادوات التجميل

واسفة ان مافيش صور لان جاك الموبايل بتاعى للتنزيل على الكمبيوتر مش معايا بس والله بدورلكم على النت على صوره واول مالاقيه هنزله باذن الله

واى استفسار انا تحت امركم

طب قليلى ممكن الاقيه فين ف مصر وسعره كاااااااااااام
معلش انا اسفة انى طولت عليكى

كتبت بواسطة المهندسة مرجانة

طب قليلى ممكن الاقيه فين ف مصر وسعره كاااااااااااام
معلش انا اسفة انى طولت عليكى

الكلمتين دول وطولتى هههههههههههههههههه

انا بهزر معاكى ياقمر

انتى منين من مصر ؟

وعموما انتى ممكن تلاقيه فى محل لبيع ادوات التجميل او لوازم الكوافيرات

وسعره ب 115 جنيه فيه الجهاز نفسه والشاحن والزيت اللى بتدهنى منه بعد الازالة و المناديل اللى بتشيلى بيها والشمع بقى 3 علب

وفيه علبة بس ب 85 جنيه

كل سنة وانتى طيبة