انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 2 12 الأخيرالأخير
عرض النتائج 1 الى 10 من 12

الموضوع: بنات وعرايس اسكندريه بالله عليكم تساعدونى

  1. #1
    تاريخ التسجيل
    Jan 2010
    الردود
    14
    الجنس
    أنثى

    strange2 بنات وعرايس اسكندريه بالله عليكم تساعدونى

    بسم الله الرحمن الرحيم
    قبل ما ابدا الموضوع احب اقولكم انى متابعه المنتدى من زمان وبحبه جدا وسجلت فيه مخصوص لانى محتاجه مساعده من بنات وعرايس اسكندريه ضر وورى جدا وياريت الاقى حد يساعدنى وحقلكم على الموضوع باختصار
    انا مخطوبة وان شاء الله فرحى فى شهر 8 اللى جاى يعنى فى عز الصيف والزحمه و زى اى عروسه بدات من دلوقتى ادور على كوافير كويس مش مهم يكون كبير ومشهور بس المهم ان العرايس تكون عنده بطلع جميله والمكياج حلو واحس انى عروسه ولاقيت ناس كتير كويسيين والله هما مش مشهوريين بس شفت العرايس بتاعتهم حلو والحمد لله انا بشرتى كويسه ومش محتاجه حاجات كتير تتحط عى وشى علشان المكياج يكون حلو يعنى البسيط بيكون كويس لحد كده كويس اووى حتقلولى فين المشكله
    المشكله فى حماتى وخطيبى
    حماتى شافت كوافير جمبها قريب جدا من بيتها وعايزانى اروح عندهم علشان ابقى قريبه من بيتها وتقدر تكون معايا فى الكوافير والزفه يعنى وعلشان الصيف بيكون فيه زحمة مواصلات وبكده نوفر يعنى خطيبى يكون بيته جمب الكوافير ونوفر وقت والمشكه ان خطيبى بيقلى انا مش بفهم فى الحاجات دى وانتى اتفقى مع ماما وانتوا حوريين مع بعض
    المصيبه بقى اييييييييييييييييييييييييييييييييييييه
    فى اول الشهر ده كنت مره عند حماتى و قلتلها انا حروح اشوف الكوافير اللى عاجبك علشان اسال على الاسعار والبرامج وكمان عندهم فساتين اتفرج عليها بالمره
    والصدمه الكبيره انى وانا رايحه ولسه تحت العمارة اللى فيها الكوافير لقيت عروسه نازله من عندهم و مش عارفه اقول ايه والله لو مش حاطه مكياج كانت حتبقى احلى بكتير العروسه مكياجها وحش جدااااااااااااااااااااااااااااااااااااااااااااااا والطرحه اوحششششششششششششششششششششش
    والبنت شكلها زعلانه جدا وعريسها بصراحه احلى منها باين انه عريس
    لخدت اول صدمه قلت يمكن هى حظها كده قلت اطع اشوف ايه النظام طعت اتفرجت على الفساتين وحشه اووى وشكلها كلها قديمه وايجارها غالى اووى وموديلاتها قديمه جدا
    واتفرجت على الكوافير شكله اصلا مش شغال مش عارفه ليه حسيت بكده من شكل البنات
    اللى هناك دا غير اصلا انى حسيت انهم معندهم خبره من طريقة كلامهم معايا قمت نزلت ورحت حكيت لحماتى اللى حصل تفتكروا ترد عيا تقلى ايه
    قالتلى العرايس حظوظ وممكن تكون حظها كده لكن مش لازم الكل يطلع من هناك وحش وانتى حلوه ومش محتاجه مكياج تقيل
    وخطيبى طبعا طالع من الموضوع خالص بجد مش عارفه اعمل ايه ياريت اللى يعرف حاجه عن الكوافير ده يقولى او حتى عمل اى حاجه عنده بجد يا بنات انا ناويه اخلى خطيبى يشوف الموضوع ويشوف مشاركتكم علشان يقطنع لو هو فعلا المكان مش كويس لانى بجد نفسى افرح بجو الكوافير والناس اللى معايا واكون مستريحه نفسيا يومها
    هو اسمه كوافير واتيليه مس علا فى بوكلى على الترام وفيه تحته محل فضه اسمه مصطفى فاروق
    بالله عليكم تساعدونى انا محتاجه لحد يكون جرب او عروسه تكون راحت عندهم

    ومرسى جدا انكم استحملته قصتى المحزنه دى ويارب يتمم لكل العرايس ىعلى خير ويبعد عنكم حماتكم



  2. #2
    تاريخ التسجيل
    Sep 2008
    الموقع
    مع احلي اولاد واطيب زوج بالعالم
    الردود
    17,251
    الجنس
    امرأة
    التدوينات
    3
    التكريم
    • (القاب)
      • مجموعة العطاء في أركان الجمال
      • مُبدعة صيف 1430هـ
      • النجم الذهبي
      • شعلة العطاء
    الف مبروك عزيزتي
    وان شاء الله بنت مصر يساعدوكي اكيد
    عدت الحمد لله ومشتاااااااااااااااااااااقة لكل الحبايب

  3. #3
    تاريخ التسجيل
    Jan 2010
    الردود
    10
    الجنس
    امرأة

    flower2

    هاي ضحي
    موضوعك مش لازم يكون حزين
    المفروض ده فرحك وانتي ايلي لازم تقرري تفاصيله وتكوني مرتاحه
    انتي مش هتجوزي كل يوم
    اوعي تعملي حاجه انتي مش راضيه عنه او مش مرتاحلها
    ده فرحك انتي ويومك انتي
    استمتعي بكل حاجه واعملي كل ايلي انتي عاوزاه
    ومتخليش اي حد ايا كان يضيع فرحتك ولو باي حاجه
    والصالون حتي لو قالوللك ده احسن صالون بمصر وانتي مش مرتاحاله
    روحي للي يريحك انتي ويسعدك انتي
    وصدقيني ده يوم بلعمر ولازم يكون اسعد يوم بلعمر
    ولو لازم نسعد حد بليوم ده يبقي لازم تسعدي نفسك
    حماتك علي العين والراس وهيه زي الام
    بس اسمعي كلامها باي حاجه ممكن تتكرر او تتعوض
    بس فرحك ولا يهيتكررولا هيتعوض ولا هيتعاد
    اعملي ايلي يسعدك بيوم العمر
    وقراراتك خديها بنفسك
    حتي لو قرارك غلط فده اختيارك واختيارك هو ايلي هيسعدك
    ربنا يتتمم ليكي بخير وتبقي اجمل عروسه والمهم اسعد عروسه
    انبسطي بيوم عمرك ايلي انتي ايلي هتحددي تفاصيله
    بلتوفيق يا ضحي
    وخلينا علي اتصال يا اخلي عروسه واي حاجه انتي محتاجاها انا موجوده
    وربنا معاكي ويوفقك للخير

  4. #4
    تاريخ التسجيل
    Feb 2006
    الموقع
    الأسكندرية
    الردود
    587
    الجنس
    أنثى
    ربى يتمم لك على خير يا حبيبتى

    طبعا حماتك زى أمك تمام لكن مش مشكله الوقت مش مشكله الصيف مش مشكله أى حاجة غير أن ده ليلة عمرك ومش هتكرر تانى يعنى ده حاجة تخصك أنت لا أحد تانى وأهم حاجة الراحة النفسية لأنها بتخرج على وجهك وتبين أبتسامتك أجمل وتجعل وجهك مشرقا
    طبعا بأجمل أسلوب من بنت الى مامتها (حماتك) تقولى لها يا ماما أنا مش مرتاحة وده ليلة فى عمرى مش عايزة أندم وأطلع مش حلوة لأن مش عايزة أى حاجة من ناحيتك تذكرنى بحاجة وحشة وبعدين شهر 8 هيكون رمضان يعنى ولا مصيف ولا زحمة.
    ونصيحتى لك يا حبيبتى أرضى ربنا فى اليوم ده وبلاش تعملى حاجة ربنا مش راضى عليها أبدئى حياتك بلطاعة ستجدين حياتك كلها كويسة إن شاء الله وربنا يوفقك لما يحب ويرضى

  5. #5
    تاريخ التسجيل
    Jan 2010
    الردود
    14
    الجنس
    أنثى
    ايه يا بنات مفيش حد يعرفه وكل دى مشاهدات ومفيش غير ردين
    امال فين بنات اسكندريه الجدعان اوى
    ايوووووووووووووووووووووووووووووووووووووه

  6. #6
    تاريخ التسجيل
    Jul 2009
    الموقع
    فى بلد خير اجناد الارض مصر \ اسكندرية
    الردود
    1,212
    الجنس
    أنثى
    لا بنات اسكندرية جدعان اواى اوى اللى انا واحدة منهم طبعا هههههههههههه

    بصى انا رايى من راى الاخت ام بيجاد

    دى اسمها ليلة العمر هى ليلة واحدة بس فى العمر كله ومش هتتكرر تانى وعشان كدة لازم تبقى مبسوطة وفرحانة بالليلة دى ومافيش اى حاجة تعكر مزاجك فيها

    ممكن تقوليلها يا ماما اللى هى حماتك طبعا بصراحة انا مش مرتاحة للكوافير ده وحاولى تدورى على كوافير قريب من البيت برده بس يكون كويس وانتى مرتحاله يعنى بتقولى فى بوكلى دورى مثلا فى مصطفى كامل او رشدى اهه برده حاجة قريبة وفى نفس الوقت تبقى كويسة

    يعنى مثلا لو تعرفى كوافير طارق الصغير او وليد جيجى متهيالى دول او واحد منهم مش فاكرة مين بالظبط فى مصطفى كامل قريب برده من بوكلى وفى نفس الوقت تحفة اعرف صحابى كانو فيه وكانو عرايس زى القمر وماتقلقيش فيهم قسم للمحجبات وبنت هى اللى بتحط المكياج

    ونصيحتى ليكى بعيد عن اى حاجة وعن تجارب ناس كتير ابدئى حياتك بطاعة لربنا اهم حاجة والله هتلاقى ربنا مفرح قلبك وزوجك ومبارك فى حياتكم مع بعض لكن لو بداتيها بمعصية هتلاقى ضيق فى قلبك ومهما كلفتى او رحتى وجيتى مش هتفرحى بزواجك

    واتمنى ان ربنا يوفقك لما هو خير لك ويسعدك مع زوجك يارب وماتنسيش تعزمينا بقى عشان ابقى اعزمك فى فرحى مانا بعدك بشهرين ان شاء الله

  7. #7
    تاريخ التسجيل
    Oct 2009
    الموقع
    فى بلاد الله الواسعة
    الردود
    1,075
    الجنس
    امرأة
    الف الف مبروك يا عسل ربنا يتم لكى على خير يارب

  8. #8
    تاريخ التسجيل
    Dec 2007
    الردود
    81
    الجنس
    أنثى
    الف مبروك يا جميل وانا حاولت ابعتلك علشان الاسكينول معرفتش لو تعرفى تبعتيلى ايميلك انا بانتظارك اوك علشان انا عايزة الاسكينول ضرورى

  9. #9
    تاريخ التسجيل
    Jun 2008
    الموقع
    لملمي الجراح يا بلدي وتعالي نزرع الورد من جديد
    الردود
    7,711
    الجنس
    امرأة
    التدوينات
    22
    ربنا يسعدك حبيبتي
    ويتمملك على خير
    مبسوطة كتير من رد الأخت
    إيمان موني
    ربنا يباركلها
    وربنا يهدي حماتك وتسيبك تعملي اللي يريحك
    وتبقى أحلى عروسة في مصر كلها موش إسكندرية وبس













  10. #10
    تاريخ التسجيل
    Nov 2006
    الموقع
    الاسكندريه
    الردود
    178
    الجنس
    أنثى
    الف مبروك ربنايتمم لك بخير انافرحى بعدثلاث شهور ادعى لى بئه
    بالنسبه للكوافيرات ثلاثه هم الا فى اسكندريه حلوين عندك وليدجىجى الا فى سنتر الوطنيه فى شارع شعراوى وطارق الصغير الافى رشدى على شارع ابوقير فوق صيدليةخليل وكارفن للعلم كارفن له ثلاث فروع فرع فى شارع شعراوى وفرع فى سموحه وفرع فى محطة الرمل وانا ان شاء الله هعمل عند كارفن فرع سموحه امابالنسبه للاتيليهات حاولى تنزلى الابراهيميه شارع اللاجيتيه فى اتيليهات كتير هناك واكيد هتلاقى الا نفسك والف الف مبروك

مواضيع مشابهه

  1. الردود: 20
    اخر موضوع: 26-03-2010, 02:05 AM
  2. الردود: 3
    اخر موضوع: 08-04-2008, 02:38 AM
  3. بالله عليكم تساعدونى
    بواسطة ملك 2008 في ركن الكمبيوتر والإنترنت والتجارب
    الردود: 1
    اخر موضوع: 14-03-2008, 10:36 PM
  4. بالله عليكم تساعدونى
    بواسطة لؤلؤة البحر في جمالكِ سيدتي وأناقتك حواء
    الردود: 4
    اخر موضوع: 01-10-2002, 06:13 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ