سلام عليكم

ازيكم يا بنات ...كل سنة وانتم طيبين

لو سمحتم يا بنات ضرورى لأنى حاسة انى لو ملقتش حل هتحصل كارثة ومشكلة جامدة جدا فى بشرتى وممكن توصل لحالة مرضية جلدية وتحتاج تداوى وعلاج بعدين وتبقى مشكلة دا غير ان دا هيتسبب فى تشوهات لوشى وانتو ا كيد عارفين حاجة زى دى معناها ايه لأى بنت ...

لأنكو كلكو عارفين اضرار ماء الاكسجين على البشرة


بصوا الحكاية يا بنات ..

انى عندى شعر زايد فى الحواجب...وبعمل تشقير للشعر دا علشان احاول اخفيه

المشكلة ان كريم التشقير المتوفر عندنا فى مصر هو كريم جولى ايفا

الكريم دا بيعمل تشقير لفترة قصيرة جدا يعنى من بعد تلت او اربع ايام الاقى ان التشقير بدأ مفعوله فى الزوال للاسف وبعمل تشقير كل اسبوع ...

وانتو عارفين كل اسبوع يعنى انا كدا بعمل مرات كتير اوى المفروض ان الاكسجين ميلمسش البشرة بكترة كدا ويكون كل فترة طويلة كل شهور مثلا او على الاقل كل شهر

مش كل اسبوع كدا هيضرنى جدا والله اعلم هيعملى ايه ..ممكن يعملى اسمرار او مشاكل مرضية فى البشرة مكان ما بحطه وكدا ابقى دخلت فىمشكلة اكبر لا قدر الله

لا ومش كدا وبس ... انتو عارفين انه خطر جدا على البشرة ومش المفروض تركه اكتر من 10 دقايق او 15 دقيقة بالكتير

لكن انا علشان احصل على درجة تشقير عالية وشفافة تمام للشعر بضطر اتركه على بشرتى من نص ساعة لـ ساعة إلا ربع

ودى فترة كبيرة اوى على الاكسجين على البشرة

لو سمحتوا ساعدونى بطريقة او وصفة للتشقير تدوم اطول فترة ممكنة ... شهور مثلا

ويبقى كتر خيركم

ويا ريت وصفة تكون مثبتة للتشقير دا علشان يدوم اكتر ومفعوله ميزولش بسرعة
لأنى اكتشفت ان اللبن بيعمل على زوار مفعول التشقير بسرعة ودى انا جربتها ومتأكدة منها فلو عملت تشقير ودلكت وشى باللبن بيخلى مفعوله يزول بسرعة ..لأنى تقريبا بدلك وشى كل يوم باللبن

فعايزة مثبت للتشقير دا علشان يدوم فترة طويلة واللبن ميأثرش عليه ومضطرش لوضع الاكسجين على بشرتى كل فترة قصيرة وبكدا احطه كتير واضرها واخسر كل حاجة



لو سمحتو يا بنات بلاش تقلولى على كريمات تكون مش موجودة عندنا فى مصر

يكون افضل لو جبتو وصفة طبيعية او اى حاجة اقدر احصل عليها مش تقلولى كريمات ملقهاش عندنا وخصوصا عندنا فى الصعيد فى حاجات كتير مش مموجودة


يعنى الخلاصة انا يا بنات مش مشكلتى وصفة للتشقير ... انا مشكلتى وصفة تدوم أطول فترة ممكنة للتشقير
انا واحدة صاحبتى عايشة فى السعودية الكوفير بتعملها تشقير لحواجبها خطير بيدوم 6 شهور تقريبا لكن معرفش بتعمله بايه وازاى .؟؟؟؟؟؟؟؟
فى انتظارك مساعداتكم يا بنات بوصفات تشقير تدوم لأطول فترة ممكنة .. وجزاكم الله خيرا ..

رفع ...^_^

رفع ..........<_>

حتى انا ابغى ....

كويس بقينا اتنين

يلا يا بنات انا عارفة انكو تعرفو طرق كتير ... يلا بقى ساعدونا تكسبوا فينا ثواب

اله ايه يا بنات مش عايزين تساعدونا ...<_>

9- يمنع عرض المواضيع التي تخص عجينة الحواجب بكافة أشكالها سواء كانت طلب ام عرض، فالأولى والأحوط تركها لأن فيه تغيير لخلق الله وإن لم يكن نمصاً فهو مشابهاً للنمص المحرم شرعاً .. درء للشبهات منعه أفضل حتى لانأثم لان المادة المصنوعه منها العجينة تمنع وصول الماء للبشرة أثناء الوضوء.


وهنا فتوى تشقير الحواجب

حُـكـم تشقير الحواجب - فتوى اللجنة الدائمة -

فتوى رقم ( 21778 ) وتاريخ 29/12/1421 هـ


بعد دراسة اللجنة للاستفتاء أجابت بأن تشقير أعلى الحاجبين وأسفلهما بالطريقة المذكورة لا يجوز لما في ذلك من تغيير خلق الله سبحانه ولمشابهته للنمص المحرّم شرعاً ، حيث إنه في معناه ويزداد الأمر حُرمة إذا كان ذلك الفعل تقليداً وتشبهاً بالكفار أو كان في استعماله ضرر على الجسم أو الشعر لقول الله تعالى : ( وَلاَ تُلْقُواْ بِأَيْدِيكُمْ إِلَى التَّهْلُكَةِ ) وقوله صلى الله عليه وسلم : لا ضرر ولا ضرار . وبالله التوفيق .