السلام عليكم عزيزاتي ..

حبيت من اخواتي اللي عنده فكره عن حبوب الخميره سواء سلبياتها او اجابياتها
تقولي بها؟؟
لان خذيتها باستشارة طبيه ومافيها ضرر مكونه من الاعشاب Brewer's Yeast..
وان مب كل حبوب الخميره نوع واحد في منها المفيد وفي منها اللي تضر بعد فتره..

واذا حد كان مجربها او عند فكره عنها يفيدني بالمعلومه ..

اختكم بريق

انا استخدمت خميرة البيرة لا تسمن ولا شي بس للامانة انا غير منتظمة في استعمالها
لاحظت انها تطول الاظافر بسرررررعة ولها اثر حلو على البشررررة

بارك الله فيج أخت غفرانك

وسالفة استعمالها المستمر انا من النوع اللي استعمل يومين وبالكثير اربع ايام واتركه..
بس من يومين جو على بالي فقلت خلني احاول انتظم فيها هذه المره .. بس سمعت انها تمتن شووويه والله اعلم.
ومادام لها اثر حلو على البشره تشجعيني على الاستمرار فيها

وبخصوص خميرة البيره هي نفسها حبوب الخميره؟؟ (( عباره عن كبسولات ))

لك مني تحياتي عزيزتي

أنا أستخدمتهم لمدة عشرين يوم قبل عرسي وجسمي متن شوية بس وجهي صار مليان والكل لا حظ والحمد للة ما سببت لي أي مشاكل

ريف عيوني ممكن من فضلك توصفي لي الحبوب اللي أستخدمتيها وتكتبي لي أسمها
ولك الشكر مقدما

هلاااااااااااااااااااااريف وينج يا الغالية حسبتج رديتي الكويت
وينج يالقاطعة

هلا نجلاء

الحبوب اللي أستخدمتها بعلبة بيضاء كبيرة شوي والحبوب بيضاوية ولونها ترابي

هلا واللة غفرانك شلونج حبيبتي
واللة صارت لي مشكلة مع كلمة السر وأنحلت الحمد للة

وإن شاء اللة رادة الكويت الجمعة الجاية
بس قوليلى شلون الوضع عندكم أقصد الحرب اللة يآخذ عمر بوش موقتها مع ردتنا

مشكوورين على الردود الحلوه

تسلمين أخت ريف وانشاء الله استمر عليها ونشوف ....... النتيجه
بس كنت اريد اعرف كم كبسوله كنتي تاخذين باليوم؟ لان انا مكتوبلي 3 مرات
وانا مشتريه حبوب الخميره Brewer's Yeast من محل اعشاب ومافي اي كيماويات وبصراحه المحل هذا مضمون عدنا يعني لو ما فادني بشي فما بيضرني بما ان كله اشياء طبيعيه..
وتسلمووون عزيزاتي .. واللي عنده اي معلومات ازياده يفيدنا لا تبخلون علينا خاصة اللي مجربه

تحياتي لكم

جربته فترة لغاية ماخلص ومارجعت اشتري لتكاسلي..
اللي لاحظته ان الخطوط تحت العين اختفت..علما بانه عمري ثلاثة وعشرين بسس لكن عندي
خطوط كثيرة..هي ما اختفت اختفت لكن اقدر اقول انها خفت وهذا شي فرحني..ثاني شي اظافري
ماكنت اقلمها ابدا لانها كانت تتكسر لحالها لكن الحين وحتى بعد مابطلته لاحظت انها ماتتكسر
مثل الاول...ذكرتيني والله باروح اشتريه ان شاء الله

كنت آكل 3 الصبح و3 باليل