ما هو افضل كريم اساس للبشرة الدهنية؟

**ليل الامارات** · 27-12-2002, 03:33 PM

مرحبا بنات
منو يقدر يساعدني وقولي شو احسن كريم اساس للبشرة الدهنية

يلا يا حلوين قولوا

**legendarygirl** · 27-12-2002, 04:08 PM

مرحبا اختي ليل الإمارات
أنا نفسج بشرتي دهنية وكل ما احط كريم أساس خاص للبشرة الدهنية بعد فترة بسيطة يزيت وجهي وكل شوي أحط بودرة مضغوطة بس الحين الحمد لله ارتحت من هالمشكلة ، انا أقولج اشسويت قبل ما احط كريم أساس احط كريم فير أند لفلي لأنه يثبت كريم الأساس وبدل ما استعمل كريم اساس استعمل كونسيلر من بودي شوب على كل وجهي واحط فوقه بودرة مضغوطة ، والحين بعد ما استعملت هالطريقة الحمد لله وجهي ما يزيت والكريم الأساس يثبت ، أدري طولت عليج بس إنشا الله أكون ما قصرت معاج وافدتج .

**المزيونة2000** · 27-12-2002, 04:35 PM

أختي legendarygirl

بس يقولون انه فير أند لفلي فيه نسبة زئبق

**legendarygirl** · 27-12-2002, 05:18 PM

شسوي يا المزيونة اهو الوحيد اللي ضبط معاي

**الحياة** · 27-12-2002, 06:25 PM

انا انصحج تحطين كريم اساس خفيف..مثل نينا ريتشي...مثلا...
وفوقه حطي بودره مضغوطه...عشان يثبته..ويخفي المسامات...

وفي بعد كريم اساس من شسيدو مادري اذا بيناسبج...هو عباره عن كريم اساس مضغوط للبشره الدهنيه...ممتاز...

**الجنرالة** · 28-12-2002, 03:19 AM

نينا ريتشي انا استخدمه بشرتي دهنيه ......حلو ......انصحك فيه

**بريتي** · 28-12-2002, 06:38 AM

البودره المضغوطه مع كريم اساس من بودي شوب مناسبه جدااااااااا

**البنفسج - 2002** · 28-12-2002, 11:23 AM

اذا كانت بشرتج فيها حبوب او اي مشاكل فانصحج بالابتعاد عن ماكياج البودي شوب
وانصــــــــــحج بكريم اساس ماكس فاكتور مره رهيب

**البشائر16** · 28-12-2002, 04:24 PM

جربي كريم اساس من جينوه (Guinot) خفيف ويثبت على البشرة الدهنية وتلاقينه في صالون باريسا اوفي الأهلية بريزونيك (في ابوظبي انا مادري من اي امارة انت )
انشاءالله اكون افدتك .

**وعد الوعد** · 28-12-2002, 04:36 PM

شوفي يا اختي لو لجتي حل ياريت تقولي لان بشرتي دهنيه وحساسه واكثر شي ارتحت له بودرة البودي شوب المضغوطه بس لاغير وخلاف ذالك يجيني حبوب في بشرتي

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: ما هو افضل كريم اساس للبشرة الدهنية؟

أدوات الموضوع

العرض