السلام عليكم و رحمة الله

بنات المنتدى المصريين ، لو حد يعرف دكتورة جلدية كويسة أو دكتور ، عايزها تعرفلى نوعية بشرتى و إيه المناسب ليها من كريمات و ماسكات و كده ؟؟

ياريت تكون عيادتها داخل القاهرة

أتمنى أجد من ينصحنى

شكرا أخواتى فى الله

ان شاء الله بنات القاهره يفيدوكي

السلام عليكم
أنا كنت بتعالج عند دكتورة جلدية بس والله العظيم تحفة يكفي أنها علاجتلي أكبر عقدة في حياتي وهى حب الشباب هى أسمها دكتورة سنية السعيد بتروح مستشفى جراحات اليوم الواحد في مدينة نصر وبتروح مستشفى المهدى الأسلامي في عين شمس بس أنا مش عارفة هى قريبة منك ولا لا بس لو حابة هديكي رقم مستشفى المهدى لأني كنت بروح هناك وأي سؤال أنا تحت أمرك

كتبت بواسطة amanas_88

السلام عليكم
أنا كنت بتعالج عند دكتورة جلدية بس والله العظيم تحفة يكفي أنها علاجتلي أكبر عقدة في حياتي وهى حب الشباب هى أسمها دكتورة سنية السعيد بتروح مستشفى جراحات اليوم الواحد في مدينة نصر وبتروح مستشفى المهدى الأسلامي في عين شمس بس أنا مش عارفة هى قريبة منك ولا لا بس لو حابة هديكي رقم مستشفى المهدى لأني كنت بروح هناك وأي سؤال أنا تحت أمرك

جزاكى الله خيرا يا amanas
مسمعتش قبل كده عن مستشفى المهدى ، بس عين شمس قريبة منى عادى لو الدكتورة بتروح مستشفى عين شمس التخصصى اللى هى تبع جامعة عين شمس يبقى هايل جدا ، عشان كده أقرب لى ..

على العموم إدينى رقم مستشفى المهدى الإسلامى
ربنا يحفظك

حبيبتى انا بلاقى هنا فى المعادى لافتاات الدكتوره كامله لهيطه ودى جلديه وبتعمل كل ما يخص البشره من حقن وغيره وكمان ازاله الشعر باليزر
وانا عرفتها بصراحه عن طريف برنامج فى التليفزيون دا اللى لفت نظرى ليها وكان برنامج خاص بالمرءاه وكان بتيجى كل حلقه
وفى دكتور اسمه عبد العزيز الرفاعى بردوا ممتاز وشوفته بردوا والله بحلقه فى برنامج وبردوا كويس وهما هنا فى المعادى
شكرا صديقتى وتقبلى مرورى وبالشفاء
مرمر

السلام عليكم
بصي يا جميل مستشفي المهدي ديه مش عين شمس التخصصي ولكن في عين شمس اللي في أتجاه طريق المرج لو تعرفيعها لو أنتي بتركبي المترو في محطة أسمها عين شمس وعزبة النخل صح بصي أنتي تنزلي محطة عزبة النخل طبعا مشهورة والكل عارفها وتروحي العنوان ده 35 ش عين شمس أمام مدرسة القدسي وده التليفون 24911043 وده رقم تاني للمستشفى 24909307 وأسم الدكتورة سنية السعيد بتيجي يومين في الأسبوع الأحد والخميس الساعة 8 مساءا وقبل ما تروحي برضه أتأكدي الكشف ب7 جنيه بس لأنها مستشفى إسلامي بس الدكتورة والله العظيم هايلة بمعني الكلمة والله العظيم أنا ما ليش علاقة بيها لكن أنا كنت بعاني من حب شباب فظيع وأدتني علاج لمدة سنة وعملتلي تقشير كميائي بعد ما دوخت على جميع الدكاترة ويأست من أن وجهي يرجع لحالته تاني أتمنى أكون أفدتك ويا ريت تبقى طمنيني وقوليلي أخبارك ولو عندك أي مشاكل جلدية أو بخصوص شعرك هتلاقي الحل عندها بس أهم حاجة المتابعة والنظام وعدم إهمال العلاج لأن علاج الجلدية بيأخد وقت

انا كمان عايزه اقولك الدكتوره سنيه كويسة جدا بس فى دكتورة تانيةفى مستشفى الاقباط بالزيتون اسمها صفاء شفيق وهى اخصائيه جلدية بمستشفى الحوض المرصود واتمنى اكون فيدتك

متشكرة جدا يا بنات مصر الحلوين ، ربنا يرزقكوا الذرية الصالحة

كتبت بواسطة amerakamal

حبيبتى انا بلاقى هنا فى المعادى لافتاات الدكتوره كامله لهيطه ودى جلديه وبتعمل كل ما يخص البشره من حقن وغيره وكمان ازاله الشعر باليزر
وانا عرفتها بصراحه عن طريف برنامج فى التليفزيون دا اللى لفت نظرى ليها وكان برنامج خاص بالمرءاه وكان بتيجى كل حلقه
وفى دكتور اسمه عبد العزيز الرفاعى بردوا ممتاز وشوفته بردوا والله بحلقه فى برنامج وبردوا كويس وهما هنا فى المعادى
شكرا صديقتى وتقبلى مرورى وبالشفاء
مرمر

اختي ممكن ارقام التليفونات والعنوان؟

نفس السؤال