اخواتي الغاليات حبيت النهاردة زي ما استفدت كتير من تجارب البنات والوصفات اللى فى المنتدي ان انا افدكم على قد ما اقدر وكل الحاجات دي عن تجربة شخصية
اول حاجة الكل يعرف منتجات حراز انا هقلكم على ثلاث منتجات اشترتهم من عندة وبجد حلوين جدا خصوصا ان نتجتهم بانت من اول اسبوع استخدام اول كريم اسمة كريم حراز ( ماسك برايت) ودة عشان اثار حب الشباب انا كان عندي اثار حب شباب وبجد مع استخدام الماسك 3 مرات كل اسبوع بدأ وجهى ينور ويفتح ويلمع وطبعا اثار حب الشباب بدأت تختفي
ثاني كريم اسمة كريم الملكة ودة عشان جفاف البشرة خصوصا فى الشتاء
ثالث كريم للهالات السوداء ودة بجد ممتاز نتيجتة تحفة بعد اسبوع بس كان السواد اللى تحت عيني افتح كتير وبدأ شكل عيني احلى كتير الكريم دة مالوش اسم معين مكتوب علية كريم للهالات السوداء بيجئ فى علبة زجاج صغيرة
ثاني حاجة عايزة اكلمكم عليها ودة عن تجاربي برضة بالنسبة للسواد اللى فى الجسم بصراحة انا عارفة ان كتير من البنات عندها المشكلة دي ومن شهرين تقريبا انا كنت بعت للمنتدي عشان اعرف من البنات اي وصفة للمناطق دي خصوصا اننا كنت داخلة علي خطوبة وزاوج وكنت بحاول اهتم بنفسي مش عايزة اكسف نفسى قدام زوجي وانا كنت ضرت نفسى اكتر بإنى كنت باستخدام كريمات ازالة الشعر لانها اسهل من الحلاوة بس طبعا كانت النتيجة السواد الأعظم فى جسمي حاولت اجرب وصفات كتير وكانت التيجة انى قررت اركز على كل منطقة لوحدها عشان اقدر اداوم بدأت بالأبط واول حاجة بدأت اشيل المنطقة دي بالحلاوة واستخدمت بدل مزيل العرق حاجتين اولا بعد كل حمام احط شبة وكمان وانا خرجة احط بودرة اصالة الطبيعية دي راحتها حلوة قوي وبرضة بتبيض والتيجة طبعا ان سواد السنين راح والحمد اللة فاضل اثار بسيطة
ثاني منطقة الركب طبعا دي اصعب حاجة انا كل اللى عملتة انا جبت صابون من اصالة اسمة ( الصابون المغربي ) بحطة على جسمى وبسيبة عشر دقايق ةبعدين اشطف جسمي وبعدها ادعك جسمي باليفة واركز على الركب واي منطقة فيها اسمرار والحمد اللة مع الاستخدام فى نتيجة
ثاني حاجة بالنسبة للركب انك تعمليها بالحلاوة وهتلاقى نتيجة كويسة
انا طولت عليكم بس حبيت انى افيدكم زي ما استفدت كتير منكم وطبعا انا لسة طماعة وعايز استفيد منكم اكثر فياريت تقولولى ازاي استخدم الطمي المغربي لان فى واحدة جبتهولى هدية ومش عارفة استخدامة ازاي بس اسمع انة ممتاز واي تجارب جديدة على نفسى هقولكم عليها على طول
رد مع الاستدلال
الروابط المفضلة