السلام عليكم ..
أول مشاركه لي في المنتدى كان طلب من بنات الرياض لكن ما فيه أحد رد علي وعبرني إلا 3فقط وكانو متعاطفين معي ولم يكونو من الرياض وبصراحه أشكرهم للمره الثانيه ..
أعيد مشكلتي مره ثانيه وأتمنى ألقى تفاعل أكثر منكم تكفووووووون ..
أنا أعاني من حب الشباب في وجهي ..... في جبهتي حبوب صغيره وكثيره .. وذقني فيه حبوب كبيره كأنها دمامل وتوجعني مرررره .. وخدودي كلها مسامات واسعه وآثار لحبوب سابقه ..
وطلبي منكم يا بنات الرياض أنكم تدلوني على دكتور ممتاااااز في الرياض ومجرب.
أتمنى ما تردوني خايبه للمره الثانيه ..
والي عندها خلطه طبيعيه مضمونه ومجربه ما تبخل علي فيها.

و عليكم السلالام و رحمة الله

سب و عرفتي اني ما اقدر اساعدك للاسف

لكن حبيت بس ارفع موضوع عسى تشوفك اخت و لا اختين من الرياض و يفيدوك

و بالتوفيق ان شاء الله

Lojain ألف ألف شكر لك..... وما قصرتي .
والله يعطيك العافيه .

اسمعي اختي في دكتور مره رائع وان شالله يفيدك في مستوصف الطائف في التخصصي اسمه الدكتور حسن او مصطفى ....وتكفين ادعيلي بالستر والزوج الصالح

NAJLA أشكرك على الإهتمام والله يعطيك العافيه ..
ويستر عليك دنيا وآخره..
ويزوجك الزوج الصالح عاجل غير آجل ويرزقك الذريه الصالحه .

انا عندي مشكلة ببشرتي واروح لدكتور اسمة عبد العزيز السدحان في مستشفى قوى الامن بس لاتخافين لانة عندة عيادة في مركز ايما وعلاجة حلو
وفية مركز الجلد والحساسية الدكتور أل الشيخ حلو
والدكتور البسام عندة عيادة خاصة
والدكتور العيسى في مركز ديرما
انشاء الله تستفيدين بس بقولك لاتهملينها لانك كل ماتتاخرين بالعلاج ماراح يفيد والخلطات ماتنفع لحالة مثل حالتك ابد لازم علاج حبوب طبية من عند الدكتور

بتخرج..

بتخرج ... الله يجزاك الف خير .
بس اسمحيلي أبسألك أسأله بسيطه ..
الدكتور عبدالعزيز السدحان موجود في مركز أيما الي على طريق الملك عبدالله أو وين بالظبط ؟ وهل تنصحيني فيه أكثر من الي قلتيهم لي ؟
وهل مشكلتك مثل مشكلتي وتحسنتي عنده ؟
ماتتخيلين أنا وشلون تعبانه نفسيا من هذي الحبوب
وخاصه إذا كانت الحبوب كبيره ما ودي زوجي ولا بنتي يشوفوني .

بس بس انا جيت وجبت معي العلاج لك بعد الله..
اذا مادتك تسمح ..انا اتعالج عند الدكتوره غاده في مستوصف الحرمين ..والله ورب البيت ان كل اللي تعالجوا عندها بشرتهم روووووووووعه.بس المشكله ان مواعيدها مره زحمه وغاليه ..بس انا بتحمل علشان بشرتي ..انا الان لي شهر عندها ومدة علاجي راح تستمر لمدة ست شهور على اساس ماعاد يطلع معي حب الشباب مره ثانيه ..روحي واتحملي المواعيد والزحمه واصبري ..وراح تدعين لي ..

السلام عليكم
شوفي بالنسبة للدكتورة غادة ممتازة بعد بس زحمة مرة لاتدخلين بزحمات تملين
الدكتور السدحان حلو وانا لي ثلاث اشهر الحين احس تحسنت معاه كثير بس انا موب مثلك انا اقل منك شوي يعني حبوبي موب كبيرة مرة
والعيادة مدري والله بس ممكن اعطيك ايميل الدكتورasadhan@alriyadh.com
ممكن تراسلينة
والدكاترة الثانين كلهم بنفس المستوى لاني شفت عند كل دكتور بنت او ثنتين عاجوا والنتيجة وحدة النجاح والراحة من الحبوب