بسم الله الرحمن الرحيم

دى اول مرة اكتب موضوع فى ركن الجمال وانا سعيدة جدا بكل النصايح اللى استفدت بيها منكم وجزاكم الله كل خير

موضوعى هو عن كيفية معرفة نوع البشرة وده طبعا مهم جدا فى اختيار الكريمات والماسكات

انواع البشرة : جافة - عادية - مختلطة او مركبة - دهنية

وعشان نعرف نوع بشرتنا لازم نعمل الاختبار التالى :

1- بعد غسيل الوجه بساعة
أ - البشرة جافة جدا وشدة
ب - البشرة عادية ونسبة الدهون فيها عادية
ج - البشرة دهنية فى T zone ( منطقة الجبين والانف والذقن) وباقى البشرة جافة
د - دهنية جدا

2 - المسام
أ - المسام مش باينة
ب - المسام صغيرة جدا
ج - المسام باينة فى T zone ومش باينة فى باقى البشرة
د - المسام باينة فى كل الوجه

3 - لمعان البشرة
أ - الوجه غير لامع بالمرة
ب - الوجه بيلمع لمعة بسيطة
ج - البشرة لامعة فى T zone وباقى البشرة مطفية
د - الوجه بيلمع جدا

4 - البشرة بعد ساعتين من وضع المكياج
أ - المكياج بيجف ويتشقق فى مناطق معينة
ب - المكياج ثابت طول النهار
ج - المكياج بيلمع فى T zone وبيتشقق داير ما يدور الفم
د - المكياج غير ثابت والبشرة تشربته

لو كل اجاباتك (أ) تبقى بشرتك جافة
لو كل اجاباتك (ب) تبقى بشرتك عادية
لو كل اجاباتك (ج) تبقى بشرتك مختلطة او مركبة
لو كل اجاباتك (د) تبقى بشرتك دهنية

وبكده تقدرى تختارى الكريمات والماسكات المناسبة لنوع بشرتك

يارب اكون افدتكم
وعلى فكرة الاختبار ده من خبيرة التجميل امينة شلباية

جزاكى الله خير بس انا متلخبطه بين البشره العاديه والبشره المختلطه بالنسبه لبشرتى اوقات احس ان هى عاديه واوقات احس ان هى مختلطه

يسلمو حبيبتي من زمان نفسي اعرف اختبرها بنفسي
لاني رحت عند مختصين وشي قاللي مختلطة وشي قال جافة
وهلا طلعت جافة

تسلموا لى حبيباتى

انا مختلطة

وان شاء الله مش اخر مشاركه ليكى هنا موضوع جميل وشكلى كده طلعت مختلطه والحمد لله على كل حاجه واهلا بيكى للمره التانيه

شكرررررررررررررررررررررررررررررررررا هاجرب واقولك

تسلمى عزيزتى ملك الارض
انا بقى بشرتى عادية

الله يعطيك العافيه

تسلميلنا يا فنانه ومنوره فى كل اماكن

انا كمان بشرتى زيك عاديه........ بصره