السلام عليكم ورحمة الله وبركاته

دي اول مرة اشترك فيها في المنتدى بموضوع او بمعنى اصح انا هافتح الموضوع وانتوا هتكملوه بمشاركاتكم
الموضوع خاص بالمصريات لكن اللي عايزة تشترك من اي بلد تانية اكيد هتنور وهتفيدنا

ندخل بقى في الموضوع

انا بصراحة غلبت عشان الاقي برفان حلو تكون ريحته حلوة وفواحة في مصر وملاقتش كله مضروب في مضروب
فايه رأيكم يا بنات اللي تعرف اسم برفان حلو واصلي وتكون جربته او شمته تقولنا على اسمه وسعره وبيتباع فين
بس محدش يقول منتجات افون وارفليم عشان دي عادية وكلنا عارفنها احنا عايزين برفنات حلوة بجد زي اللي بنشمها من العرب و(الخليجين) بالذات لما بنقابلهم في المولات ريحتهم تجنن معقولة احنا في مصر ميكنش عندنا البرفانات دي مش ممكن
مستنية ردودكم

البرفانات الاصليه مش بتتباع غير في المحلات الكبيره اللي بتكون واخده توكيلات من الماركات العالميه عندك مزايا في سيتي ستارز وكام محل تاني كبار في جنينه وسيتي سنتروهيلتون رمسيس تخصص ميك اب وبرفانات ماركات فقط بس اعذريني مش ببص علي الاسماء وعندك كمان صيدليه العزبي وسيف فيهم كل حاجه مضمونه واصليه 100% بس انتي لو عايزه حاجه اصليه مش تشتري من اي مكان وكل انواع البرفانات من ديور وبربري ودولسي اند جابانا وشانيل و ستيلا واسكادا وكللللللللللللللللل الانواع هتلاقيها هناك ان شاء الله بس انتي خدي جوله كده هناك وهتعرفي الفرق .............بايو

زى ما قالت ميرو ..روحى الاماكن اللى في فيها برفانات اصليه ..

فى محل فى اركيديا مول بتاع ميك اب بيبيع برفانات حلوة اوى وماركه بس

للأسف مش فاكره اسمه ..

عموما هو محل خاص بالتجميل بس ..هتلاقى عنده حاجات حلوة ..

وفى كذا محل تانى هناك للتجميل برضو حلوين ..هفتكر اساميهم واقولك ،

ان شاء الله اكون افدتك

كتبت بواسطة drmero

البرفانات الاصليه مش بتتباع غير في المحلات الكبيره اللي بتكون واخده توكيلات من الماركات العالميه عندك مزايا في سيتي ستارز وكام محل تاني كبار في جنينه وسيتي سنتروهيلتون رمسيس تخصص ميك اب وبرفانات ماركات فقط بس اعذريني مش ببص علي الاسماء وعندك كمان صيدليه العزبي وسيف فيهم كل حاجه مضمونه واصليه 100% بس انتي لو عايزه حاجه اصليه مش تشتري من اي مكان وكل انواع البرفانات من ديور وبربري ودولسي اند جابانا وشانيل و ستيلا واسكادا وكللللللللللللللللل الانواع هتلاقيها هناك ان شاء الله بس انتي خدي جوله كده هناك وهتعرفي الفرق .............بايو

شكرررررررررررررررررا يا ميرو على اهتمامك وانا فعلا هروح الاماكن اللي قلتيلي عليها بس عايزينك تقوللنا اسم احلى برفان استخدمتيه ومنين وبكام عشان كلنا نستفيد واللي عايزة تجربه ممكن تجربه

ميررررررررررررررررررررررسي

كتبت بواسطة *Basbosa*

زى ما قالت ميرو ..روحى الاماكن اللى في فيها برفانات اصليه ..

فى محل فى اركيديا مول بتاع ميك اب بيبيع برفانات حلوة اوى وماركه بس

للأسف مش فاكره اسمه ..

عموما هو محل خاص بالتجميل بس ..هتلاقى عنده حاجات حلوة ..

وفى كذا محل تانى هناك للتجميل برضو حلوين ..هفتكر اساميهم واقولك ،

ان شاء الله اكون افدتك

ميرسي يا بسبوسة اوي طبعا افدتيني شكرا يا قمر
بس ياريت تفتكري اسم المحل اللي في اركيديا عشان هو قريب مني وسهل اروحلهوياريت انتي كمان تقوللنا زي ماطلبت من ميرو ايه احسن برفان استخدمتيه ومنين وجبتيه بكام عشان نستفيد اكتر
وميرسييييييييييي تاني يا بسبس

في سيتي ستارز محل عبدالصمد القرشي للعطور والبخور

مزايا في سيتي سنتر وسيتي ستارز
وfaces في كارفور

انا بحب برفيوم wish من chopard ب 250 جنيه

عندك يا قمرر
مزايا في سيتي ستارز وسيتي سنتر
قصر العطور في سيتي ستارز والسراج مول
كمان عندك فيسيز في سيتي ستارز برضه
كل فروع صيدليات العزبي و سيف
كمان للعطور الشرقية عندك العربية للعود في سيتي ستارز وبرضه عبد الصمد القرشي

انصحك بعطر ايبنوز بجد راااااائع
وكمان ممكن تروحي هناك وتشمي وتقوليلها عايزه برفان في حدود سعر كذا هي البنت حتجيبلك اكتر من حاجه تختاري اللي يناسبك
واي خدمه يا قمرررر

الاخت الغالية هند :

لو عايزة ماركات اصلية ممكن اوفرها لك بس فى العادى بتكون غالية جدا على حسب نوع البارفان وماركته
ولو تحبى بارفانات تركيب ممتازة عندى صديقة بتعملهم بس اسعارها غالية نسبيا لانها بتستعمل افضل انواع المكونات لتركيب العطور حتى لا تتسبب فى اى ضرر او مشاكل لبشرة الناس
يعنى الزجاجة 50 مل بحدود 50 الى 60 جنية على الاكثر

وانا تحت امرك
ولو حبيتى اى مستحضرات تجميل من اى شركة تجميل افون او اوريفليم تحت امرك
ولو عايزة ميكب او كريمات او بارفانات مستوردة ممكن بس با جيبهم بالطلب

بالتوفيق روعه