اولا اااا جزاكم الله كل خير على هالمنتدى المرررره حلو....
وثانياااا حابه افضفض عن نفس واتمنى اتمنى اني اسمع نصائحكم في هالموضوع...
بسم الله وعلى بركة الله....انا متزوجه صار لي ثلاث سنوات ونص من ابن عمتي وعن حب وبعد تسع اشهر من الزواج حملت والحمد لله جبت احلى توأم اولاد في الدنيا...وهنا بدأ الوضع يتغير ...طلبنا مربيه بس ماجت الا بعد شهرين وبدات اهمل نفسي وزوج شوي شوي والله مو بارادتي بس بسبب التربيه وتعبها مع العلم اني وحده تهتم بشكلها وشياكتها وقبل الحمل كنت عروس بكل معنى الكلمه..مارااااح اطول عليكم بعد اربع اشهر راحت المربيه وتعسرررررنا في مربيه ثانيه وجت بعد سنه نشفتلي ريقي بشهر وراحت والحمد لله قبل اسبوعين جت مربيه وان شاء الله الثالثه ثابته(شكلها طيييييييبه)....المهم بعد كل هالوقت من التعب والسهر والتربيه تخيلو كيف راح يكون شكلي!!!! صار عندي ارهاق ومرضت ومهما تمكيجت ولبست يبين شحوب بوجهي مع ان زوجي دايم يمدحني ويقلي كلام حلو وساندني وووواااااااااايد بس انا ما اقتنع وبعض الاحيان احس نفسي بشعه ومتينه مع اني عملت رجيم بعد ما زاد وزني ونزلته من 70 الى 59 بس صعقني شكل بطني وكرهت نفسي....المهم الان معاي فرصه اهتم ابنفسي وزوجي بس صرت تايهه ما عارفه من وين ابدأ وش اسوي صرت زي الانسان يالي ما فيه روح... ارجوكم تساعدوني وتنصحوني عشان ابدا من جديد واسمحولي الاني طولت وان شاء الله اسمع ردكم قريب......
rakia
الروابط المفضلة