هاي بنوتات دي وصفات من تجاربي ليكم على طووووووووووووول
ا-عايز كريم سنفرة طبيعي؟
عليكي بمعلقة ملح+معلقة سكر+نصف لمونة+نص معلقة زيت لوز حلو
اخلطيهم كلهم بس ماتذوبيس السكر والملح اوي والملح يكون خشن مش ناعم
وابدأي الفرك بنعومة وماتضغطيش جامد على بشرتك علشان ماتتعورش وتبدأي التديلك كالآتي
للخدود بحركة دائرية من الداخل للخارج..وللرقبة والذقن من اسفل لأعلى وبالنسبة لحول الفم تكون بحركة دائرية في اتجاه واحد..وحول العينين يكون بررررررررفق جدا جدا ويكون اتجاه التدليك من الخارج للداخل اسفل العينين..وبالنسبة للجبهه التدليك يكون من اسفل لأعلى.

2-عايزة ماسكات تفتيح من تلاجتك؟
عليكي بنص صباع خميرة بيرة +معلقتين لبن وتدوبي الخميرة كوووويس جدا وتتركي الخليط ربع ساعة وبعدين تفرديها على وشك وتتركيها نص ساعة

ماسك تفتيح تاني
معلقة زبادي بدون وش+نص لمونة+معلقة ترمس مطحون+معلقة ماء ورد
وتخلطيهم جيد وتتركيهم على وشك نص ساعة واتفرجي على النقاء

ماسك تفتيح روووووووووووووووووووعة ويجنن ومفيد جدا جدا للهالات السوداء عن تجربة والله
عليكي تجيبي من عند العطار بذور الأتونة
وتجيبي شوية تغليهم كويس في مياة وتتركيهم في كوب او علبة
هتلاقي البذور اترسبت وكونت فوقها سائل لزج مثل الجل
تاخدي منة كل يوم بليل وتحطية على كل وجهك مع التركيز على اسفل العينان
وبعد مرتين تلاتة شوفي الفرق

اهم حاجة في الماسكات دي انك تقشري وشك كويس قبلها بكريم السنفرة اللي في الاول
ولما تيجي تغسلي وشك من الماسك اغسلية الاول بمياة دافئة علشان تنضف وشك كويس
وبعدها اغسلي وشك بمياة باردة علشان تقفل المسام .

وحاجة اخيرة انا بعملها بعد كل ماسك وجايبة معايا نتايج روووووووووعة
وهي زيت اللوز
روعة يا بنات والله في المداومة علية
بعد كل ماسك ولما بشرتك ترتاح شوية دلكي كل وشك بزيت اللوز وركزي على المناطق الغامقة والتدليك يكون في نفس الاتجاهات اللي قولتلكم عليها في السنفرة
واتركي الزيت على وشك وممكن تنامي بية
انا بنام بية واقوم الصبح اغسل وشي بيكون نااااااااااعم وصفاء رهييييييييييييب

دي الماسكات اللي بستخدمها وجايبة معايا نتايج حلوة والله وانا بشرتي من النوع المختلطة يعني مش جافة اوي ولا دهنية اوي
يارب اكون قدرت افيدكم

مشكورة اختي على المعلومات الحلوة هذي وانشاء الله نشوف جديدك

يسلمو حبيبتي يعني انتي جربتيهم ..


بس البذولر تبعون الهالات هلاقي متاكده ان شاء الله بنسال عنه بكرة
انا ما عندي بس حاسه بلش يصير من السهر بستااااااااااااااهل صح

ههههه


انتظر الرد

منورين الموضوع بنوتات
بالنسبة لبذور الأتونة والله انا بدأت اجربها من حوالي اسبوع او اقل وجابت معايا نتيجة حلوة كتير لان تحت عيني كان بني غاااااامق ومرهق اوي وبدأت دلوقتي يبقى تحت عيني بني فاااااااتح داخل على بيج خالص وقرب يكون نفس لون البشرة وان شاء الله تلاقيها انا لاقيتها هنا عند العطار في مصر وكانت رخيييييييصة جدا جبت شوية تقريبا قد كباية او اكتر ب2 جنية بس
وبالنسبة للسهر حاولي تخففية شوية ولو بدأ تحت عنيكي يبقى في اسود استخدميها او استخدمي الخيار او البطاطس بس نتايجهم ببطىء

مرسي على الوصفات

مشكوره على الموضوع

مشكورة اختى كتير

جزاكى الله كل خير

مشكورة يا هموسة على حب افادتك لنا من خلال وصفاتك الخاصة
و لا تحرمينا من باقي اعمالك

مرسى على الوصفات بس هل زيت اللوز اللى بتستعمليه المر ولا الحلو؟
وبالنسبة لماسك الآتونة أنا بستعمله لبشرتى وفعلا بيفتح بس بالنسبة لمنطقة حول العين حساسة جدا واخاف استعمله.