السلام عليكم ورحمة الله وبركاته
كيف الحال يابنات
لو سمحتوا يابنات الرياض ابي نصيحة منكم بسرعه انا اليوم ابي اصبغ شعري واعمل تنظيف
للبشرة ياليتكم تساعدوني وتدلوني على افضل مشغل اروح له وشغلهم زين لاني بصراحه تعبت
من سالفة المشاغل اكثرهم شغلهم اي كلام تكفون لاتطنشوني اليوم ناويه اروح

اهلين عيوني والله انا شفت صبغه سواريه حلووووووووه وامناهل برضو حلوووووووو ولا يفوتك الملتقى بالمره يجنن اما بالنسبه لتنظيف الوجه ما انصحك تسوينه في مشغل جربي مركز غادة حلو والمناهل حلو برضوووووووو والله يوفقك يالغاليه..

يووووووووووووووة رجعت ترى مكز غادة مهوب لي تحسبون اسوي دعايه ههههههههههه لوهو عندي ان كان لقيتوني مرتكزه فيه موب مبققه عيوني في هالنت تشاااااو

مشكووووووووره يااحلى غاده تسلمي والله ماقصرتي بس انا اشك انك انتي مديرة المشغل كخخخخخخخخخ ترى امزح عيوني انا سمعت عن سواريه وبجرب اما بالنسبة للتنظيف محتاره
بين ثلاث مراكز طيب وين موجود مركز المناهل ومشغل الملتقي ؟ ؟

اختك آفــــــاق

هلااااااااااااااااا عيوني ام باك اقين شوفي بالنسبه لمركز المناهل موجود بحي السفرات اي الحي الدبلوماسي بعد الدوار الاول تلفين من عند سفارة البرازيل يسار ويجيك المركز واسئلي الدوريات على طول بيدلونك..اما بالنسبه للملتقى عيوني انا ماقصد المشغل انا اقصد المقهى النسائي وصبغته تنعرف على طول الوانهم خيال ولا تفوتك صبغه الكوكتيل الي طايحين فيها روعه..

غاده انا اول مرة اسمع انه فيه مقهى نسائي عموما انا ناويه اصبغ هاي لايت لاني صبغت قبل
لون بيتي على خمري وبعد اسبوعين راحت الصبغه وتغير لون شعري بس ماقلتي كيف تكون صبغة الكوكتيل ؟ ماعليه حياتي تعبتك معاي تعرفين يكفي توهقت واجد ! !
أختك آفاق

وبعديت تعالي ياغادة وش اللي قاعد يدبج هذا فكينا منه كخخخخخخخخخخخ
شكله قاعد يخفف الوزن ويقول ماطار طير الا كما طار درب وقع او دبج

هلا حبيبتي افاق يؤ وانا في ذيك الساعه الي اقدر افيدك شوفي صبغه الكوكتيل عباره عن انهم يصبغون لك الارضيه حسب طلبك بس غالبا ماتكون غامقه وبعدها ياطويله العمر يخصلون لك خصل ملونه من ضمن الالوان يكون بني واحمر وبيج عرفتي فيعطي شعرك كثافه ويكون شكله حلو ومايرتبط بلون واحد وبصراحه هي حلوة على الشعر الطويل او الوسط بس الي قصير مره مدري بس انا شفتها على كذا وحده شعرهم مدرج سبعه او شلال وبصراحه موووووت الصبغه بس انا عن نفسي حرمت اصبغ عند اي مشغل او مركز وربي صبغت واحترق شعري وخسرت فلوس واخرتها في كل مرة ارجع للبيت واصبغ عليها ولا اتوب بس الان خلاص صرت اضبغ الارضيع على الدرجه الي انا ابيها وهي تكون غامقه مهيب زي الي يحطوتها الي تجي يابني على برتقالي او ذهبي وبعدين اروح لاي مشغل واخصل انا مع العامله يعني على كيفي موب يلططوني هم ويحسون شعري.. من قرصته الداب خاف من الحبل

هههههههههههههه حلوه يلططوني مشكوره ياعسسسسسسسسل خلاص انا راح اعمل بنصيحتك
واذا جيت اقولك وش اللي صاااااااااار اوكيه

مع تحياتي وتقديري لك