يا بنات حد سمع أو جرب أو يعرف حد جرب حمام إسمه حمام باب البحر جنب شارع كلوبيه
هو بيعمل تكييس و ماسكات للعروسه
لو حد جربه يقوللي أحسن أنا رحت سألت فيه بس خفت جدا من شكل الناس و المكان و الله عامل زي ريا و سكينة
و فرحي بعد إسبوعين و محتاجة أروحه ضروري بس خايفة و عايزة أطمن إنه أمان

انا مصرية بس من اسكندرية مش عارفة بس احتياطى خدى معاكى اى حد اخوكى او مامتك

اخوها يروح ازاى والحمام للسيدات فقط مامتخا طبعا

او اعملي زى ماقلنلك وهاتي حد يعملك الكلام ده في البيت اامن ليكي يا عنيدة يا خوافة

أميرة السماء جزاكي الله خيرا و لكن فعلاً ممنوع دخول الرجال في الأماكن دي
يم يم ميرسي لردك وبعدين الواحد هيتجوز مرة واحدة بس ههههههههههههههههه و لازم يخاف

و بعدين يا بنات إيه التجاهل دة أنا فعلا محتاجة ردودكم

بصى يا جميل الواحد حيتجوز مرة واحدة بس لازم اخوفك اكتر يا جميل المناطق دى انتى تعرفى فيها حد اكيد لا
ممكن تطمنى على نفسك فيها لا طبعا
ممكن جدا يكون مكان مش مظبوط انا عن نفسى بشك فى اى حد فى نفسسى شخصيا مش ببص على نفسى اصلا
ممكن جدا يكون مكان مشبوة ومين اللى قالك علية اصلا !!!هههه
وممكن يكون فى الة تصوير يا فلحة !انا بخوفك لانها حصلت قبل كدة
ساعتها جوزك وانتى حتبقى مبسوطة دة غير عدم الامان للمكان عموما
دة انا لو قالولى حتطلعى بدر منور وادولى فلوس كمان مش حروح ابدا !!!!

بصى يا جميل اسالى انتى حتعملى شعرك فين والمكياج بتاعك
نفس المحل اسالى علىالحمام المغربىفى البيييييت فى البيت ماشى
او اسالى صحابك او لو بترتاحى عند كوافيرة معينة ممكن تسالى عندها على حمام العروسة
وبرضة مامتك تكون فى البيت معاكى وممكن اخوكى يكون فى الشقة برضة لان مهما ان كان دى واحدة غريبة حتدخل البيت لازم تخلى بالك على نفسك يا قمر فى ناس عيزاكى (انتى فاهمة مين )
وربنا يسعدك والله انا من اسكندرية وما اعرفش حد عندك لو اعرف كنت قولت لك
اللهم بارك لكما وبارك عليكما واجمع بينكما فى خير

حبيبتى انا رحت حمام مثل حمام التلات فى باب البحر قرب باب الشاعريه وجربته بيعمله سويت وتكيس

بصى هو المكان قديم اوى وفى مغطس بتنزليه فيه وفى ماء حار جدا وبعد كده ست بتفركك وما ادراكى ما الفرك

بيطلع بلاوى زرقه وتطلعى نظيفه جدا متخفيش انا رحته انا واختى ومفيش قلق

جزاكم الله خيراً
بس الحب الحقيقي بعتلك رساله على الخاص يا ريت تكوني قريتيها