السلام عليكم ورحمة الله وبركاته

يا بنات أنا ماخذة كورسات عديدة في وضع المكياج و أسوي مكياج وايد حلو للعرايس و المناسبات و غيرها و عندي هذه الهواية من زمان ..
أنا ما اسوي حق نفسي دعاية لا أعوذ بالله ههههه
بس كنت حابة أخبركم أن أي وحدة فيكم عندها أي استفسار يخص المكياج (المكياج بس) انا مستعدة اساعدها من عيوني .. لان فن المكياج درسته دراسة يعني أعرف الطرق لوضعه و كيفية تناسب الألوان و رسم العيون و البلاشر المناسب لكل بشرة و تدويرة كل وجه ..

انا مستعدة للاجابة على كل استفساراتكم يا بنات ..
الله يعطيكم الجمال الدائم ..
و لا تنسون (ليس الجمال في الاثواب و الزينة لكن الجمال جمال الروح و الثقافة و العقل .. لكن لا مانع من الاهتمام بالشكل علشان الزوج يشوفني حلوة)
لوووووووووول

يالله بسم الله نبدأ
اللي عندها اي سؤال عن المكياج حاظرين ..

عرضك مغري جداً عزيزتي، والله يكون في عونك لأنهم في ركن الجمال رح ياكلوكِ أكل

اختي بطوطه كان ليا سوال انا عيني ضيقه عايزه مكياج خقييف للعين علشان تبان واسعه ممكن تسعديني وانا بشرتي قاتحه

هلا أختي بطة حلوة ، ومشكورة وايد على هالمبادرة الحلوة منك ، بس الله يعينك علينا

بصراحة أنا ما أعرف في الماكياج وتعودت إذا في عندي مناسبة أدور على حد يمكيجني بس عندي ثقة في نفسي زيادة عن اللزوم شوي تخليني ألعب وأجرب في نفسي بين فترة والثانية ( طبعا إذا ما في مناسبة )

يا ريت لو تفيدينا وتحاولين تعلمينا أساسيات الماكياج بوضع دروس في الأساس ورسم العين وتظليلها (الذي لا أفقه فيه شيئاً) والبلاشر ووضع اللمعات وغيرها ...

وشنهي أفضل الماركات في الماكياج من وجهة نظرك ؟؟ ..

موضوع طويل بس أتمنى انك تفيدينا من خبرتك ..

عزيزتي .. pancy flower
انتي يناسبك اللون الازرق الفاتح (السماوي) المايل للرصاصي .. هو عبارة عن ظلال للعين (شدو) ممكن تحصلينه في أغلب الماركات مثل ايفسالوران و كريستيان ديور و اذا حبيتي شوي ارخص ممكن تحصلينه في ماركة نيفيا ..
و للعين الضيقة كذلك يناسبك اقلام العيون ذات الألوان الفاتحة .. يعني تحطين قلم رفيع فوق الجفن و يكون قريب على العين .. تجنبي الألوان الغامقة و بالذات الأسود لانها بتضيق عيونج أكثر ..


و بالنسبة للأخت أم الزين حياج الله في أي وقت ,..
كريم الأساس هو الاهم من حيث اساسيات المكياج و بعدها ييجي رسم العين .. و بالنسبة للماركات فأنا من رايي ان احسن ماركة هي كلينيك لانها تحتوي على نسبة قليلة جدا من الدهون الصناعية المستخدمة في المكياج و كذلك شيسيدو ماركة حلوة بعد و لانكوم من حيث الماسكارا عندهم روعة .. لكن تجنبي تجنبي تجنبي استخدام كريم أساس كريستيان ديور لانه سيء جدا و يحتوي على نسبة دهون عالية جدا ..
و بالنسبة للآي شدو دايما حاولي تبدئين باللون الفاتح تدرين ليش ؟ عشان لو خرب ممكن تصلحينه لكنج اذا حطيتي اللون الغامق قبل كلشي و خرب بتظطرين تمسحينه و تسوينه من أول و جديد ..

و شكرا

مشكورة أختي بطة حلوة على سرعة تجاوبك معنا

ممكن تعلميني أبسط وأسهل طريقة لوضع الآي شدو ورسم العين بشكل بسيط وناعم ينفع حق الصبح (الدوام) ؟؟

يا ريت لو تقدريت تدعمين الشرح بصور علشان يزيد استيعاب الفكرة

والله يعينك علينا .. أنت اللي جبتيه حق نفسك

الله يعطيك العافيه

الله يعافيج لمحة حزن ..
يا حبيبتي انتي تدللين و لا يهمج حبيبتي ام الزين ..
اقولج انا بعد اشتغل و احرص اني اروح للدوام مع اطلالة حلوة ..
تحطين الشدو الفاتح و حلو لو تختارينه من نفس لون الملابس .. و تحطين الشدو على كامل جفن العين بدون ما تحطينه فوق الجفن يعني قريب الحواجب خليه فقط على محيط الجفن ..
و بعدين حطي خط آي لاينر أسود رفيع جدا و قريب على الرموش ..
و بعدين حطي جلوز للشفايف فاتح .. بيطلع وايد حلو الصبح ..

مشكورة بطتنا الحلوة

سؤال صغير إذا ممكن ؟؟

سمعتي عن : Waterproof Eyebrow Corrector من MAKE UP FOR EVER ؟؟

شلون يكون استخدامه ؟؟؟ علماً بأن هو متوفر بدرجات مختلفة حسب لون البشرة ..

اعتقد هذا قلم للحواجب ..
المهم أنا انصحج انج تبتعدين عن اي مكياج دائمي يعني waterproof لانه سيء و البشرة ما تحبه ..
استخدمي make up for ever ماركة حلوة بس لتخاذين ووتر بروف لانه سيء ..
و اذا كنتي تبغين المكياج يتم فترة طويلة عندج استخدمي الماي ..
يعني قبل ما تستخدمين الشدو حطي في الفرشة ماي عشان يثبت على العين أكثر ..