بشرى يا(هيا111)ولكل من تعاني من الثأليل هنا ستنتهي معاناتكم إن شاء الله .
بصراحه أنا كنت أعاني من 16 ثالول ولله الحمد إختفت جميعها بفضل الله ثم الموز ..
لكن علاجه يحتاج صبر شوي ..
1- رح يكون تركيزك كله على أول الثواليل ظهورا وعلى قولتهم ( أبو الثواليل ) أنا ظهر لي في البدايه 2 وحاولت أعالجهم بالخل الأسود لاكن بدون فايده وبعد سنتين زادو في فتره بسيطه وأنتشرو في 3 أصابع السبابه والوسطى والإبهام وأصبح عددهم 16 ثالول.
2- خذي مقص أظافر وقصي المنطقه البارزه من الثالول .. طبعا ما رح تحسين فيه لأنه جلد ميت قصي أكبر قدر تقدرين تقصينه بدون الوصول إلى الجلد السليم .
3- أول ما تطلع لك وأنت تقصين نقط سودا إبدأي في نزعها بطرف المقص أهم شي تشيلينها كلها .
4- قبل ما تنامين جيبي موزه وكليها بالعافيه بعدين خذي قشرتها وقصي قطعه تغطي مكان الثالول ويزيد عنه يعني كبري القطعه شوي حتى لا تتحرك القشره وتتغير عن مكان الثالول ..ثم ضعي القشره على الثالول وثبتي القشره بلزق جروح وشاش وكل ما يخطر على بالك تستطيعين تثبيت القشره فيه وإلبسي عليه شراب زياده في التثبيت .
5- بعدين نامي نومة العوافي رح تحسين إنك ودك تحكينه لأنه رح يقرصك مكان الثالول شوي عادي تحملي ... طبعا الجزء الداخلي للموزه هو الملامس للثالول ..
6- أهم شي تخلين الموزه على يدك 8 ساعات متواصله يعني إذا صليت العشاء حطيه .
7- تستمرين على هذي الحركه مدة إسبوع كامل ورح يسود الثالول عادي لاتخافين .
وبعده يبدأ الثالول إن شاء الله بالإختفاء تماما وبدون ترك أي أثر له ..
وتم شفائي من هذه الثأليل كلها ولله الحمد والشكر .. ووصفتها لأخي وإستخدمها وشفي منه ... وبنت أختي الصغيره 5سنوات وشفيت والحمد لله ..
وأتمنى لكل واحده تعاني منه بالشفاء العاجل إن شاء الله ..
ولا تنسون أختكم من دعائكم ...
ملاحظه :1- أنا سويته على الثالولين فقط وإختفت ال 16 كلها أهم شي أول الثأليل ظهور وأكبرها ( يعني إذا مات أبوهم ماتو العيال ).
2- فيه نوعين من الثأليل نوع يكون رأسه خشن ومتعرج (وهذا مثل حالتي ).
ونوع يكون أملس ناعم ومرتفع إرتفاع بسيط ((( لا أدري أتنفع معه هذه الطريقه أم لا يعني ما تقدرين تقصينه لأنه جلد حساس ))))) وهذ لإبراء الذمه .
وأي إستفسار أنا جاهزه
رد مع الاستدلال
الروابط المفضلة