السلام عليكم ........
انا من كنت صغيرة و شعري ما شاء الله تبارك الرحمن ما في مثله من عائلتنا !!
لدرجة ان بنات خالاتي محترين من شعري و دايما يسؤلون شنو احط بشعري !!
بس الحين خلال الشهرين السابقين شعري صار مثل الليفة و صار ضعيف و ماكو حيوية و ماكو لمعه !!
حتى اني لما اغسله كأني اغسل ليفة المواعين و بنات خلاتي ماشاء الله عليهم من الغيرة اعتنوا بشعرهم و اللي شعرها واصل للركبها !!
اما انا فشعري احس انه وقف على طول واحد بعد ما كان طويل بس الحين راح !!!
انا قلت يمكن من عين خدامة اختي لانها اول ما جابتها عينها حارة و خفت منها بس اقرا على روحي !!
ولما تحط امي الحنه على شعري لازم تجي تفتر حولي علشان تشوف لوين واصل شعري !!
بس امي ما تخليلها مجال دايما تزفها و تقول لها طلعي برة وسكري الباب !!
انا و الله شعري راح بعد ما كان ناعم كالحرير حتى اني لما امشطه ما يطيح من شعري الا 5 شعرات يعني قليل !!
ساعدوني يا بنات و الله اني حدي مقهورة لان شعري راح و الله مقهورة !!
الروابط المفضلة