بديــــــلاااااااا للصبغــــــــة.......؟؟؟

**ندى البستان** · 05-08-2001, 11:38 PM

بسم الله الرحمن الرحيم
السلام عليكم ورحمة الله وبركاته
اخواتي العزيزات ..........
ابي منكم نصيحة تفيدوني فيهااااااا ...ارجووووووكم....ممكن
هل يوجد لديكم بديلا عن الصبغة؟
يعني طريقة حناء تعطي الشعر اللون البني او اي لون ثاني
تكفووووون ردواااااا علي بدل هذي الصبغات الي تضرنا اكثر من انها تنفعنا
ولكم جزيييييييييييل الشكر

**رند** · 06-08-2001, 02:09 AM

السلام عليكم ورحمة اله وبركاته يا اختى انا عندي نصيحة لج وانشاء الله تفيدج
* حطي مع الحنه بابونج اذا كنتي تبين لون شعرج يصبح كستنائي
* او حطي مع الحنة الكركم والملح لتثبيت اللون مع الشيقور ما ادري شنو تسمونه هو ينباع بالعطارة يمكن أسمه ماء الأوكسجين وشعرج يصير روعة لونه جدا طبيعي ومحافظة على رونقة ونعومته
* حطي مع الحنة أيضا شاي
* وانا سمعة انهم يحطون في الصالونات حنه بنفسجشة هي اسمها جذية وتخلي لون الشعر عنابي
يستعملون في الصالونات المتخصصة بالمواد الطبيعية

ويا هلا ويا مرحبا

**ياقوتة** · 06-08-2001, 12:47 PM

ضعي فنجالين بابونج مع ملعقتين كبيرتين نسكافة وملعقتين كبيرتين قهوة وملعقتين صغيرتين زعفران وملعقتين صغيرتين عصفر (ليس ضروري لأني أنا ما حطيته في خلطتي بس حبيت أقول المقادير باخلاص) وكوب ماء واغليهم على النار ..إذا غلت الخلطة خليها تبرد بعدين حطيها على شعرك ولا زم يكون جاف غير مبلول ثم إذا نشفت الخبيصة اللي فوق راس (راح يصير شعرك كذا زي اللي يتكسر ) المهم إذا نشفت حطي عليها هيدروجين بيروكسايد (يباع في الصيدليات ويسمونه مثبت اللون وعلبته صغيرة ولونه أخضر يمكن فيه الوان ثانية ما أدري المهم لا تشيلين همه لأنه موجود في كل الصيدليات يمكن ... يعني تلقينه بسهولة) إذا حطيتيه انتبهي لازم توزعينه على كل الشعر وإلا بعدين تصير المناطق اللي جاها شقراء واللي ما جاها يعني
المهم إذا حطيتيه على كل شعرك والمقدار منه كذا زي ما تحطين زيت على شعرك
إذا حطيتيه لازم يقعد 12 ساعة بعدين غسلي شعرك وناظري في المراية تلقين وحدة لبنانية واقفة قدامك
تحـــــــذير: مرة وحدة شعرها كله شيب وكانت تحني الشيب فبالتالي ما يبان راحت حطت الخلطة وتقول طلع الشيب الأبيض اللي في شعرها أبيض مرة راح كل الحناء الي عليه ......
أنا عكيت شوي في التحذير اللي بغيت أقوله أن اللي فيها شيب لا تحط هذه الخلطة ما تصلح لها لان هذه الخلطة تمص اللون اللي في الشعر ..
على فكرة الخلطة هذه أنا مجربتها وطلع لون شعري حلو مرة وكل من شاف شعري قال وش حطيتي وش حطيتي لدرجة انهم غثوني

**ندى البستان** · 06-08-2001, 04:41 PM

السلام عليكم ورحمة الله وبركاته
الى الاخوات العزيزااااااات.....رند و ياقوتة
شكراااااااااااااااا الف شكر على هذي الخلطات الطيبة
وانشاء الله اني اجربها
وجزاكم الله عني وعن اخوااتي كل خير

**شجون الخواطر** · 07-10-2010, 03:47 AM

حطي معا الحناء باابوونج وشااي احمر وصفية وانعجينة وخلية بتخمر طوول ليل

**تعيلت** · 07-10-2010, 09:10 PM

السلام عليكم
أنا سمعت اليوم وصفة تعطي لون بني
ستحتاجين أواق الكركاع (الجوز)+البابونج

ناخد ماء مغلي ونضيفه على أوراق الكركاع (الجوز) ونتركه ونفس الطريقة بالنسبة للبابونج ثم نمزج المحلولين ونضه في بخاخ نضع منه كل يوم .
بالتوفيق .