بسم الله الرحمن الرحيم
ابغى أسأل اخواتي العزيزات..........
من التي أستخدمت زيت الفواكه للشعر..وياليت تقولنا عنه وهل هو ممتاز
وهومعروف بسعره الغالي..........ياليت الى جربته تقولنا عن تجربتها..
وجزاها الله الف خير.

هلا والله ام حسين

تصدقين اول مرة اسمع فيه انا سمعت بعصير فواكه وموية فواكه بس زيت لا والله ما عمري سمعت به ياليت تعطينا معلومات اكثر عن هالمنتج

في الحقيقية يا أم حسين أنا حاسة فيك تبين شعرك يزين باسرع وقت ممكن علشان كذا كل شوي طالع براسك زيت تبين تحطينه ترى أنا مثلك علشان كذا فاهمة الوضع بس ترى بقولك شيء إذا قعدتي كل شوية تحطين زيت مختلف ترى ما يستفيد الشعر لازم تداومين على شيء معين علشان تطلع النتيجة ...
أبقولك أنا وش سويت :
أنا عندي زيوت كثيرة ( لأني كل فترة يطلع براسي زيت شكل وأروح اشترية واحط منه فترة بعد ين اخليه على جنب واجيب غيره ) المهم طفشت منهم قمت وخلطتهم مع بعض وصرت أحط منهم مو.. لأني خبيرة تجميل زي إنسانة خلطتهم لا .. لكني تحسفت أكبهم وقلت أبغى أخلصهم كلهم بعدين أشتري زيت واحد واداوم عليه وكنت حاطة براسي اري جزال اللي ما أحد رد على يقول لي هو استعمله وإلا لا.. المهم يا أم حسين شعري ولله الحمد طال وزان ..يعني كثر شوي ..رمية بدون رامي ... وأنا الحين مداومة عليه وشكل الفكرة عجبتني إذا خلص يمكن اشتري زيوت مرة ثانية وأخلطهم والزيوت اللي خلطتها هي : الخروع والنخاع واالخردل وجوز الهند واللوز شيء علبة صغيرة وحمراء وعليه صورة هندية هذا خالتي قالت لي عليه بس ما اعرف اسمه ويمكن فيه شيء نسيته ما أدري والمقادير هي : اللي بقى بالعلبة من كل زيت
وعلى فكرة يا أم حسين إذا طلع زيت الفواكة زين وجربتيه علميني علشان أستعمله لأني أنا زواجي مطول شوي يعني يمدي شعري يزين وعلى فكرة بعد شكرا جزيلا على الموديلات اللي قلتي لي عليها وشكرا لتجاوبك وعما قريب ابرسل لك رسالة خاصة

السلام عليكم يا اخوات كما بودي المشاركه اذا سمحتوا

للحفاظ علي الشعر يجب اولا عدم تمشيطه مباشرة بعد الحمام .
ويجفف بواسطة فوطه بهدوء .
وقبل الغسيل بساعه يضع عليه زيت جوز الهند مع بيضه وروب ومايونيز ويغطي بالقبعه الخاصه في الزيت . وشكرا وارجو ان اكون افتدكم

اتقي شر من احسنت اليه

بسم الله الرحمن الرحيم
شكرا ليا قوته..وبسكوته..و kholoud
بالنسبه لزيت فعلى ماسمع انه ممتاز للشعر وهو يوجد عن العطار وانا شفته........لكن لم أستخدمه.
وتصدقين عاد ياياقوته انه بالرغم من كثر اسئلتي عن اللي يكثر الشعر انه الى الآن لم استخدم ولا زيت على شعري من هالوصفات لاني باصبر وآخرتها مادري وش أبطب فيه...
الله يسترررر

سمعت كثير استخدمه ويمدحه تحمست وشليت بعلي وقروشه لكن المشكله طلع الكيلو حقه كل الراتب 2500 ريال سعودي فقط لاغير بعدين شلني هو ورجعني على بيتي وهذي قصتي مع زيت الفواكه

حبايبي انا ماسمعت عن زيت الفواكه لكن اقلكم عن زيت والله انه مفيد وسعره 600 ريال لكنه جدآ جدآ مفيد والله يشهد على كلامي وحبيت افيدك واذا بغيتي الزيت راسليني اعطيكي رقم الحرمه اللي تبيعه
وانشاالله اكون افدتك

هلا ام حسين
صحيح فيه زيت اسمه زيت الفواكه وكانت تستخدمه زميلتي في المدرسه وكان شعرها مررررررررره حلو
بس يالله من زمان هالسالفه قبل 5 سنين ذكرتيني فيها الله يذكرها بالخير
وفعلا سعره غالي بالمره وكانت تشتريه من العطار بالكيلو هذا حسب كلامها بس اللي شفته بعيني شعرها كان حديث المدرسه من غزارته ولمعانه
وكل وحده واللي يناسبها مو شرط اللي يناسب زميلتي يناسبني جربيه منتي خسرانه شي بس لازم المداومه عشان تحصلين على نتيجه
ارجو اني اكون افدتك