السلام عليكم ورحمة الله وبركاته
بنات جيت لكم وكلي امل القى عندكم اي شيء يفيدني ولو بالقليل لأني مستااااااءة جداً
شعري بدأ يتساقط لما صار عمر بنتي خمسة شهور
مو اي تساقط لاااا
تساقط غير طبيعي وبغزااااارة لدرجة انو صارت لي فراغااات واضحة
الكل لاحظها وانتبه عليها
رحت للدكتور و وصف لي شامبو يومياً
وكبسولات فيتامينات مرتين باليوم
وبخاخ للشعر مرتين باليوم بعد الحمام
واستخدمتهم كلهم وما حسيت الابفرق بسيييط جداً
صحيح خف نسبياً وصارت شعرات معدوده تتساقط
لأنو بالبداية كنت اشوف خصلات شعر تطيح بايدي
بس انا مستاءه لانو التساقط مستمر حتى الان
بجد ماعاد باقي فيني شعر وكل شعره تتساقط مني يضيق صدري
شعري رغم كل كثااااااااافته قل بشكل ملحوووظ
بنات ..
محتاجه اي وصفه
اي زيوت
اي شيء يقلل التساقط ويزيد من كثافة الشعر
الله يجزاكم خير
ساعدوني

اسمعي يا اختي أنا نقلت لك موضوع من منتدى آخر .. إن شاء الله تستفيدي منه ..

وهدا الموضوع نصاً ..

السلام عليكم يا صبايا ياحلوين

عندي لكم وصفة نواه التمر لتكثيف الشعر وانا مجربتها000 وهالوصفه تعمل على أخفاء الفراغات الموجودة بالراس طبعاً الناس إلي شعرهم يتساقط بكثره
و الميزة الثانية ... أنه يعمل كسماد لتغذية بصيلة الشعرة
الكل منا يعرف نواه التمر((العبس))
تجمعين لك جمعه ماهي بقليله على حسب مساحة رأسك يعني ما سبعه حبات الى 15 حبه كحد أدني
تغسلينهم زين من لكوك سكر التمر وبعد كذا تحمسينهم لين ما يصير لونهم أسود أو لون بني غامق كلون النسكافه بعد كذا تدقينه بيد النجر((الهاون)) وتطحنينه بالطاحونه وتنخلينه لين ما يصير نااااااااااااااعم بعد كذا افركيه بفروه راسك فقط أما بالماء او بأي نوع من أنواع الزيوت ماعدا زيت الزيتون لانه حار على جذور الشعر ويمكن يجيب نتيجه عكسي وبعد كذا اغسليه 000داومي على هالشئ بالأسبوع مرتين أو مره على حسب نشاطك ولفتره من الزمن وعاد على حسب نمو شعرك بتظهر النتيجه ومن عندي تحريها من شهرين لين ست شهور وإذا لاحظتي طلوع الشعيرات على شعرك ذيك الساعه ما أقولك اتركي وصفتي لكن مع الوصفه حاولي تداومين كمان على الزيوت التي تطول الشعر وترعين شعرك من ذيك اللحظه 000وأتركوا عنكم الصبغات والمييش اللي من دخلت علينا وماشفنا خير انعدمت شعورنا000ذيك الشعور اللى كانت مضرب للأمثال وشعر الشعراء


كمان فيه وصفه ثانيه تجنن وتهبل تبان بساعتها عقب الطلوع من الحمام((طبعا اللى يبان نعومه الشعره وحيويتها أم كثافة الشعر راح يبان عقب حين))
وهي الحقيقه عبارة عن خلطه كمان تعتمد على نواة التمر وهي ُُُثلاث ملاعق سدر مطحون+ كاس ونصف مويه + ملعقة محلب + ملعقة نوى تمر مطحون
تغلى المقادير على النار ثم تترك لتبرد ثم توضع في قاروره وتضاف اليها ملعقه صغيره حبة سوداء وتوضع في الثلاجه وتستعمل مرتين في الأسبوع

هذي الخلطات مو بس ممكن يستفيد منها البنات كمان الشباب بس بشرط انه مايكون الصلع صفه وراثيه بالعيله من قبله لانه ما اعتقد هالوصفه تقدر تتدخل بأشياء بالوراثه زي كذا

وعليكم السلام ورحمة الله وبركاته
طبيعي يااختي واذا التساقط شديد راجعي دكتورة جلدية
و انصحك بالاتي
1- اكثري من شرب الماء
2- التغذيه الصحيه
3- النوم الكافي
4- الحناء وممكن السدر ايضآ
5- شامبو وبلسم ضد تساقط الشعر

حبي
ورده
مشكورين اخواتي
ماقصرتوا يعطيكم الف عافية
مع اني اسوي كل اللي كتبته ورد من النصائح
ماعدا الحنا والسدر
لكن رح اجرب الخلطة
وإن شاء الله تجيب نتيجة
الف شكر لكم

حبيبتى طبيعى جدا فى وقت الرضاعة اختى عندها نفس المشكلة بس بعد ما انتهت فترة الرضاعة عااااد شعرها مثل قبل عليك بالصبر وخيه اهم شىء تاخذى الفتيامنات
شوفى يا عمرى اكثرى من اكل الخضروات والفواكه
والجرجير فيه نسبه من الحديد

كتبت بواسطة حفيدةالحميراء

حبيبتى طبيعى جدا فى وقت الرضاعة اختى عندها نفس المشكلة بس بعد ما انتهت فترة الرضاعة عااااد شعرها مثل قبل عليك بالصبر وخيه اهم شىء تاخذى الفتيامنات
شوفى يا عمرى اكثرى من اكل الخضروات والفواكه
والجرجير فيه نسبه من الحديد

تسلمين يا اختي والله
نبهتيني عالجرجير
راح عن بالي
والله احنا الامهات ندفع اشياء كثيرة ضريبة الامومة
الله يسمع منك ويرجع شعري مثل ماكان
لأني مو مستوعبه اني وصلت لهذه المرحلة
ومشكوره ماقصرتي