بسم الله الرحمن الرحيم
ازيكم يا احلى بنات واحشنى موت
من كام يوم وانا بقلب كده فى المنتدى لقيت ان فى موضوع استفزنى جداااااااا
لا مش استفزنى هو خضنى وكان بجد احساسى ان هيغمى عليا
وصفه بنوتة اكتشفتها هى البنوتة دى مش من فتكات ومش مصرية كمان
المهم ان وصفه بنوتة اكتشفتها وسبحان الله انتشرت بطريقة فظيعه وبقيت فى كل المنتديات منقولة من البنت دى بنفس الصيغه اللى كتبت بيها
وطبعا فى منتدانا هنا ومش موضوع واحد لا دى مكررة كمان وفى منها كتييييييييير فى قسم المواضيع المكررة
وهكذا فى بقية المنتديات موجودة بتكرار فظيع
صاحبة الاكتشاف الفظيع ده قالت ان الوصفه طبيعيه ميه فى الميه
لا وكمان بتمنع تساقط الشعر وبتديله حيوية ولمعان ولون يجنننن وطلبت من اللى يجربه يقولها رايه ويدعيلها
وانا باذن الله فى اخر التوبيك هوريكو راى اللى للاسف جربوه
الوصفه عبارة عن حنة و كاكاو وليموون
لغاية دلوقتى فعلا طبيعيه
بالاضافة ل سفن اب ؟؟؟؟؟؟؟؟؟
هو السفن بقى دلوقتى حاجات طبيعيه
هو بيتزرع ولا بيتصنع ؟؟؟
هل السفن فعلا بيمنع تساقط الشعر ؟ ويفرده ؟ ويديله حيوية ؟
طب ازاى هو فى حد لغاية دلوقتى ميعرفش ايه هى اضرار المياه الغازية
فى حد ميعرفش ان المياه الغازية بتفتت جسم الانسان
واننا لو جبنا كوب به مياه غازية ووضعنا فيه كبد او اسنان
وسيبناها ساعات هنرجع نلاقيها اتفتت
يمكن التفتيت ده هيكون اقل فى السفن ويكون اكتر فى الكولا
لكن برضه موجود
وفى مادة فى السفن كمان مش موجودة فى البيبسى ولا الكولا
بنزوات الصوديوم
اللى هى مادة مسرطنة
وكمان موجود المحليات الصناعية اللى بتهدد المخ وتاثر عليه وبتسبب كمان فقدان ذاكرة تدريجى
دى لما بتتشرب وتاخد دورتها فى الجسم وتوصل للمخ
فاحنا بقى استسهلنا وحطيناها على طول على المخ
!!!!!!!!!!
هى لو السفن فيها ربع فايده للشعر كانت الشركة المصنعه ليها سابتها
ولا كانت استغلتها ؟
بس متقدرش تعمل ولا تفكر فى كده عارفين ليه
غير اللى قولناه
العلبه الواحده من المياه الغازية تحتوى على ما يعادل 10 معالق سكر كافيه اللى بيدمر فيتامين ب ومن علامات نقص فيتامين ب
الشيب المبكر
الصلع
جفاف الشعر
التقصف
تساقط الشعر
ده غير تاثير نقص فيتامين ب على الاضطرابات العصبية والارق والاكتئاب
!!!!!!!!!!
ده غير ان المياه الغازية بتحتوى على أحماض الفسفوريك والماليك والكاربونيك التى تسبب تاكل طبقة المينا الحاميه للانسان
بتاكل طبقة المينا هتعمل اييييييييييه فى فروة راسك ؟؟ هتعمل ايه فى شعرك ؟ يا ترى هتمنع تساقط الشعر زى ما الاخت قالت
هى بصراحه ممكن يكون عندها حق
لانها هتمنع تساقط الشعر لان مش هيبقى فى شعر يتساقط اصلا
تعالى كده نشوف بعض من استخدامات المياه الغازية عشان تعرفى هما بيستخدموها فى ايه واحنا عايزين نستخدمها فى ايه :
اسكب علبة كوكا كولا في المرحاض واتركها لمدة ساعة واحدة ثم اسحب السيفون ستلاحظأن جميع البقع قد زالت وذلك لأن حامض السيتريك قد أزالها بفعالية .
-- لإزالة الصدأ عن صدام سيارتك أو عن صامولة صدئة افرك ما تريد تنظيفه بقطعة قماش مبللة بالكوكا كولاوستقوم الكوكا كولا بالمهمة .
-- لتنظيف أصابع البطارية من التآكل اسكب علبة كوكا كولا على اصابع البطارية و لاحظ فقاعات الغازوهي تعمل بفعالية على تفتيت التآكل وإزالته .
-- لإزالة بقع الدهون عن الملابس اضف مقدار علبة كوكا كولا إلى مواد الغسيل ولاحظ اختفاء بقع الزيت .
-- في العديد من ولايات أمريكا الشمالية يحمل بوليس الطرق السريعة مقدار جالونين من المشروبات الغازيةوذلك لغسل الطريق السريع من آثار الدماء بعد الحوادث .!
***************
محدش بقى يقولى لا ده بيتكلم عن الكولا
اى مياه غازية ليها نفس التاثير مع الفرق ان الكولا النسبة فيها اعلى
بجد يا جماعه مينفعش نخترع فى حاجات كده
احنا مش هنكتشف حاجه مكتشفتهاش الشركة اللى مصنعه
مينفعش تستخدمى شىء مصنع لحاجه معينة على حاجه تانيه خالص
وعلى فكرة دى مش الوصفه الوحيده فى تقريبا برشام ريفو للقشرة
وتايد لحشرات الشعر
وان شاء الله تايد برضه هتكلم عليه فى موضوع تانى بس اخلص الاول من موضوع السفن
!!!!!!!!!!!!
انا مش متخيلة بجد نقول اااااه مش السفن اللى بنشربه بيفرد الشعر
وتايد اللى بنغسل بيه هدومنا بيقتل حشرات الشعر
وريفو بقى اللى بناخده للصداع بيضيع القشرة
لييييييييييه هى فين الشركة اللى مصنعاه عشان تقول كده وتكسب من وراه
طب فكرى ولو لحظة ازاى المياه الغازية اللى بتسبب هشاشة العظام اللى بتفتت جسم الانسان هتفرد شعرى ومش هتؤدى للصلع
لا قدر الله يعنى
ممكن تخلطى اى حاجه طبيعيه باى حاجه طبيعيه
يعنى اعشاب من الصومال على زيوت من هاواى
مادام حاجات طبيعيه وتناسب نوع شعرك ماشى براحتك
لكن تجيبى حاجه مصنعه بمواد معينة انتى متعرفيهاش اصلا وتحطيها على شعرك
يبقى انتى عايزة تنتقمى من شعرك
وهرجع تان واقووووول
لو فى اى فايده فى اى منتج مصنع لاى حاجه
والمنتج ده بيفيد فى حاجه تانيه
الشركة اللى مصنعاه مش هتسيييييييييييييييبه من غير ما تستغله
الشركة مش مستنياكى انتى تقوليلها انه مفيد
لان عندها علماء وباحثين دارسين ومتخصصين
تعالو بقى نشوف اراء اللى جربو الفرد بالسفن وانا جيبت ردودهم دى من المواضيع بتاعه الفرد بالسفن
وطبعا فى منهم كتيييييييييييييييييييييييييييييييييير فى كل المنتديات
انا عملت الحنا ديه س بالطريقه التاليه:
اعجني الحنا ب السفن اب ونحط عليها ليمونه ومعلقتين خل و كاكاو
بس على فكرة نتيجتها مش اوي
يعني انا قريت قبل كده انها بتخلى الشعر كأنه مسشور والكلام ده
بس الواقع غير المكتوب
يمكن الوصفه بالاضافات ديه تكون افضل
تحياتي ليكي
****************
الصراحة انا جربت هاي الوصفة من سنتين بس المكونات هي حنة + عصير ليمون+ بودرة زبدة الكاكاو + سفن اب .........
النتيجة من حيث النعومة كانت رائعة جداً يعني كأنك عاملة تمليس لشعرك وكمان بتعطي لون نحاسي للشعر يعني راح تلاحظي فرق كبير اثناء غسيل شعرك بأنه ملمسه ناعم جداً ...... ويبقى مفعولها على الشعر فترة 3 شهور .... لكن النتيجة اللي مش حلوة انها عملت تساقط كثير في الشعر.... ومشان هيك بطلت استخدمها
انا كتبت تجربتي حتى تستفيدوا
والله الموفق
**************************
ياجماعة الحنة دى ليها اضرار وبتقصف الشعر جامد وبتوقعه بعد كام شهر اعملوا بحث فى جوجل عن اضرار الحنة بالسفن اب وشوفوا تجارب البنات الله يخليكم مش اى حاجة تسمعوا عنها تجيبوها او تجربوها قبل متتأكدوا منها
**********************
لالالا اوعو حد يجربها والله العظيم انا جربتها من سنتين او تلاتة مش فاكرة بصراحة بس انا جربت نفس الطريقة
ع كنت فاكرة انة فعلا هيفرد شعري وكدة والنتيجة بقى شعري ككان اصلا متقصف بس مش ناشف للدرجة ناشف جدا جدا جدا فوق مااى حد يتخيل
وشعرى كان لونة بنى غامق وفية لامعة هوة وحش بس كان بيلمع
بس والله بعدها لونة بقى مجرب كدة وتحسى انة عليه تراب والله العظيم انا مابالغ بس دة اللى حصل بعد الوصفة دى بالظبط
والعضوة هنا قالت انة منقول يعني هى مجربتهاش انا جربتها اهوة وحبيت اقولكم التجربة
*********************
بصي يا نور الوصفه دي انا قريتها قبل كده وجربتها
بس للاسف بوظت لي شعري و بدا يسقط لدرجه انه فروه راسي من الامام بانت
متهيئ لي مش كل انواع الشعر ينفع معها الوصفه دي
ودي تجربتي
وجزاكي الله خيرا
*******************
اتمنى انكم تفكرو مليوووووووووووووون مرة
فى كل حاجه قبل ما تحطيها على شعرك او بشرتك
خصوصا لو حاجه مش محتاجه تفكير زى السفن مثلا
ويارب شعركم يبقى زى البنوتة دى
!!!!!!!!!!!!!!
واحلى كمان
فى رعاية الله
منقووووووووووووول
بسررررررعة السفن اب والشعر؟؟!!!!!!
رد مع الاستدلال
الروابط المفضلة