بسم الله الرحمن الرحيم
السلام عليكم و رحمة الله و بركاته
بداية احب أشكر كل أخواتي الحبيبات في المنتدى الرائع ده عن كل ما اضافوه لي من معلومات قيمة في شتى نواحي الحياة
تاني حاجة كان لي استفسار بسيط يا ريت الاقي اخت تجاوبني عليه
انا شعري الحمد لله ناعم مش النوع السايح الناعم قوي بس ناعم عادي و كان قبل الزواج مفرود مش مجعد يادوب كان فيه كسرة او تجعيدة خفيفة كدة بس كان شكله حلو
دلوقتي بعد الحمل و الولادة و الحاجات دي -علما بأن آخر ولادة لي كانت من سنتين و نص تقريبا- اصبح شعري قسمين النص الاعلى منه ناعم و مفرود اما النص الاسفل مجع و جاف و فاقد الحيوية تماما فأنا مش عارفة دلوقتي الحل ايه ؟ انا بأقص اطرافه بانتظام و عملت حنة من اسبوع تقريبا و حسيت ان مظهر شعري تحسن قليلا و بقى بيلمع شوية بس المشكلة الاساسية هي التجعيدة اللي ظهرت فيه فياريت تدلوني اتخلص منها ازي
اه و كمان يا بنات بحس ان شعري مبيطولش ازيد من طول معين يعني بيوصل لحد طول معين و ميزدش عنه فمش عارفة برده اعمل ايه في حكاية الطول دي
اه يا بنات نسيت اقولكم اني كنت باعمل خصلات هايلايت في شعري من وقت للتاني انا عارفة ان ده له يد كبيرة في اللي حصل لشعري بس قوليولي اعالج شعري ازاي؟؟
و جزاكم الله خيرا عني و عن كل اخت تقرأ ردودكم ان شاء الله و تستفيد

مرحبا حبيبتي مبروك عالبيبي ولو انها متأخره ^^

بس التجعيد اكيد من الجفاف وفقده للزيوت .. يمكن شعرك هذا المجعد متقصف وميت لأن حسب علمي شعرك الحقيقي ناعم ومفرود ..

ممكن تقصينه وتعيدين الاهتمام فيه من اول وجديد وتستخدمين الخلطات الموجوده بالمنتدى وكثييره ..

جربي ... الزبده _ المايوني + زيت الزيتونز _ البيض +زيت الزيتون + زيت اللوز

حليب جوز الهند واشياء كتيييييييييير تعوض شعرك الزيوت الي فقدها ..

مشكورة على الرد يا اختي الغالية شذا و انا حاسة كدة برده زي ما بتقولي ان شعري ميت من تحت بس المشكلة جوزي مش مقتنع بفكرة قص الشعر التالف لانه مش بيحب الشعر القصير فلو فيه طريقه غير القص؟؟
و عموما ربنا يسهل و اجرب خلطات الزيوت ان شاء الله و اتمنى تجيب نتيجة معايا
وجزاك الله خيرا على ردك و اهتمامك

حبيبتي ولو الناس لبعضها ...

طيب جربي خلطه صفار البيض + زيت الزيتون + زيت اللوز ... تفرد الشعر وتعطي شكل حلو .. وما تحتاج منج الا 20 دقيقه وهذا افضل لك لأنك متزوجه وعندك بيبي وهذا ما تتطلب وقت ^_^ وبنفس الوقت تعطي نتيجه رااائعه

جزاكي الله خيرا عني يا ختي الحبيبة شذا و عن اهتمامك بالرد علي وجعله في ميزان حسناتك ان شاء الله اجربها بس مقلتليش اعمله مرة واحدة في الاسبوع مثلا و الا كل قد ايه؟؟

حياكِ الله معنا وان شاء الله تفيدي وتستفيدي.

بالنسبة لجفاف الجزء السفلي من شعرك فهذا طبيعي لانه الشعر ينمو من الجذور ويبقى الجزء القديم من الشعر عرضة للهواء والسيشوار والمستحضرات الكيماوية بشكل متكرر.
إذا كان الجفاف والنقصف بدرجة كبيرة يفضل قص الجزء التالف من الشعر.
أو يمكنك معالجة الجفاف بحمامات الكريم الخاصة بالشعر الجاف واستعمال السيروم بعد كل حمام.
اما طول الشعر فيعتمد في الأساس على طبيعة تغذيتك بحيث يجب أن تحتوي جميع العناصر الغذائية المهمة لبناء الجسم وتقوية بصيلات الشعر.
ان شاء الله تكوني استفدتِ

انا شايفه ان بنوتاتنا افادوكي كتير بس هقولك حاجه من تجربتي مع شعري المجعد الخصل الهايلايت او الصبغه او الفرد بيبوظو الشعر جدا وبيقصفوه وبتبقا الشعره موجوده بس هي اصلا ميته والحل في قصه وبعدين تعتني بيه وعندك خلطتين انا جربتهم وحلوين معايا اوي اولا خلطه الاملج منقوع فيه زيوت يعني مثلا هاتي زجاجه صغيره حوالي 2فنجان شاي من زيت الدره او الزتون او السمسم او اللوز وتحطي معاهم معلقتين كبار املج وتسيبيه يتنقع فيهم لمده اسبوع وبعدين ابدئي في استخدامه تحطي منو علي فروه الراس والشعر وتغطي بفوطه سخنه لمده ساعه او اتنين او المده الي تستحمليها وتبقي تسخني الفوطه كل ربع ساعه وده حلو اوي من حيث نعومه الشعر وسهوله فرد التجعيده لما بتلفي شعرك ولمنع التساقط وفيه خلطه تانيه وهي زبده الصفرا بتاعت الاكل بس من غير ملح وعليها معلقتين زيت دره وتسخنيها علي نار هاديه وتحطيها عالشعر قبل الغسل بساعه وبعد الشامبو والبلسم وحمام الكريم ابقي اهني شعرك بزيت دره او لوز او جوزهند او زتون ولفيه بفوطه سخنه لمده ربع ساعه ولفيه بعدها وبالنسبه لطول شعرك هو الاملج مفيد جدا بس ممكن تستخدمي الخلطه دي من الزيوت (زيت جرجير وزيت صبار وزيت حنه بنسب متساويه ثم تضيفي عليهم كميه زيت خروع تساوي كميتهم كلهم علي بعض )وتدلكي بالزيوت دي فروه الراس كل يوم بس دي انا مجربتهاش انا سمعتها من خبير اعشاب خليجي واهم حاجه التغذيه وفيتامينات للشعر وامبولات الفيتامينات

جزاك الله خيرا عني اختي الحبيبة كيرلي
انا فعلا بدأت أستعمل السيرم في دهان شعري عموما و بجد فعلا الواحد حس بتحسن معاه و بعد الحنة اللي عملتها و بالنسبة للتغذية فعلا معاكي حق انا بأستمرار عندي أنيميا و بحس فعلا ان ده مأثر على جسمي و شعري و صحتي عموما بس مش عارفة اعملها ايه؟ انا كنت بأمشي على اقراص فيتامينات متعددة و كمان كنت بأخد حديد مع مكمل غذائي بس بعد فترة الواحد بيزهق من الحبوب دي و بصراحة كنت بأنسى اخدها كمان ههههههه فمش عارفة هل ممكن بالاكل بس الانيميا تضيع ؟؟ياريت تفيديني و دايما كدة يا رب تفيدينا بناصيحك

اختي الحبيبة indomy000 مشكورة جدا على نصايحك الغالية بس معلش كنت عاوزة اسألك اية الاملج ده؟ و اجيبه منين ؟ انا على فكرة زيك من مصر فياريت تقوليلي اسم المكان اللي اجيبه منه و جزاك الله خيرا عني