بقيت كريم بيرطب شعرى

**هنودة هنانيدو** · 06-03-2009, 11:45 PM

السلام عليكم

انا شعرى الحمد لله كويس بس بقاله شهرين ناشف جدا ومتقصف وكانه محروق المهم استخدمت زيوت كتير وشعرى مش بيمشى مع الزيوت فطبعا نشف اكتر وجربت ماسك الموز وفشل معايا وجربت ماسك البيض وايضا فشل

وجربت كذا كريم رخيص وغالى ومنفعش

الحمد لله لقيت كريم اسمه جولديز بجد رووووووووووعة من اول مرة رطب الشعر بشكبل غير عادى وبقى ملمسه انعم وحاسه انه فيه لمعة للشعر كانه صحى اللى قالتلى عليه بنت صاحبتى كانت عندها نفس مشكلتى وقالتلى جربيه على ضمانتى قجربته والحمد لله مبسوطة اوى بالنتيجة

هو كمان مخصص لاطراف الشعر الجافة وده اللى كنت محتاجة جدا

الكريم اصلا صنع فى جنوب افريقيا لون العلبة لبنى والغطاء احمر انا جيبته ب 25 جنيه وفيه ناس جيبته ب 30 جنيه موجود فى الصدليات
انا حبيت اقولكم تجربتى عشان يمكن اقدر اساعد حد زى ما صاحبتى ساعدتنى

يارب تبقى شعوركم اجمل دايما

نصيحة سريعة يابنات استخدموا المشط الخشب حلو اوى عن المشط العادى بيقلل تسافط الشعر والتقصف عشان مش بيعمل شحنات سالبة مع الشعر

كمان انا جربت حمام كريم بوناويل عجبنى جدا بيطرى اوى فيه منه بجنبن القمح والمشممش اللى بجنين القمح احلى بكتير وجربت حمام كريم كاريتيه طلع وحش اووووووووووووووووى

**كيرلي** · 07-03-2009, 10:15 PM

وعليكم السلام ورحمة الله

كثرة استعمال الزيوت تنشف الشعر بالفعل.
اما كريم بوناويل فهو رائع جداً للشعر ويمنحه نعومة ولمعة ظاهرة.

شكرا لك على ذكر تجربتك

**miss Tahiti** · 08-03-2009, 02:57 AM

شكرا كتير انك بتفيدينا بتجاربك حبيبتي و على فكرة انا كمان جربت حمام كريم كاريتيه و لقيته بيخلي الشعر يتساقط كتيير نصيحة محدش يجيبه عشان بجد يقرف

**ورده في البستان** · 08-03-2009, 04:25 AM

جزاك الله خير
كلك ذوق الله يحفظك
ممكن تضعي صورة كريم جولديز

**شاكرة نعمه ربي** · 08-03-2009, 06:04 PM

شكرا اختي على الموضوع الرائع اتمني تجيبيلنا زيادة

**هنودة هنانيدو** · 09-03-2009, 09:46 PM

كتبت بواسطة كيرلي

وعليكم السلام ورحمة الله

كثرة استعمال الزيوت تنشف الشعر بالفعل.
اما كريم بوناويل فهو رائع جداً للشعر ويمنحه نعومة ولمعة ظاهرة.

شكرا لك على ذكر تجربتك

شكرا يا كيرلى على كلامك وفعلا بوناويل روعة

كتبت بواسطة miss Tahiti

شكرا كتير انك بتفيدينا بتجاربك حبيبتي و على فكرة انا كمان جربت حمام كريم كاريتيه و لقيته بيخلي الشعر يتساقط كتيير نصيحة محدش يجيبه عشان بجد يقرف

فعلا ياقمر كاريتيه سىء جدا وميرسى على كلامك

كتبت بواسطة ورده في البستان

جزاك الله خير
كلك ذوق الله يحفظك
ممكن تضعي صورة كريم جولديز

حاضر يا جميل حاحط صورته

كتبت بواسطة شاكرة نعمه ربي

شكرا اختي على الموضوع الرائع اتمني تجيبيلنا زيادة

ربنا يكرمك يا جميل على ردك

**indomy000** · 09-03-2009, 11:54 PM

ليه بس بتشتمو في حمام كريم كاريتيه ؟؟؟؟؟؟؟؟؟؟ده حلو جدا معايا وبالعكس انا كنت بستعمل بوناويل لمده سنين عشان ماما اقنعتني بيه انو كويس بس طلع ملهوش اي نتيجه ولا بيطري ولا بيعمل اي حاجه لكن ارتحت مع كاريتيه لانو اصلا للشعر التالف يعني مخصوص لشعري والدكتور كان وصفهولي

**≈ احـتِـوٍآءْ ≈** · 10-03-2009, 11:23 PM

شكرا هنوده على مواضيعك الحلوة

**هنودة هنانيدو** · 13-03-2009, 05:02 PM

كتبت بواسطة indomy000

ليه بس بتشتمو في حمام كريم كاريتيه ؟؟؟؟؟؟؟؟؟؟ده حلو جدا معايا وبالعكس انا كنت بستعمل بوناويل لمده سنين عشان ماما اقنعتني بيه انو كويس بس طلع ملهوش اي نتيجه ولا بيطري ولا بيعمل اي حاجه لكن ارتحت مع كاريتيه لانو اصلا للشعر التالف يعني مخصوص لشعري والدكتور كان وصفهولي

;كاريتيه اصلا يا قمر مخصص للشعر التالف ونتيجة الصبغة بس هو مش مناسب نهائى للشعر العادى او الجاف شوية لانه بيجففه اكتر وبينشفه .ز الحمد لله ياجميل انه مناسب ليكى يارب يجيب معاكى النتيجة حلوة

**اشراقة خير** · 14-03-2009, 08:50 PM

شكرا لك على هذه المعلومه

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: بقيت كريم بيرطب شعرى

أدوات الموضوع

العرض